အနှစ်သက်မခံရသော ဧကရီ (MM Translation)(season-1)

အပိုင်း(၄၀)

[Unicode]

ရိပေါ်တစ်ယောက် လှောင်ကာရယ်မောနေတာကြောင့် ပိုင်မျိုးနွယ်ကကြောက်ရွံ့တုန်လှုပ်လာလေ၏... ပိုင်မျိုးနွယ်ညွှန်ကြားထားတဲ့လူတွေက ချက်ချင်းရောက်လာကာ ဝမ်ရိပေါ်၊ အမတ်တွေနဲ့ အခြားတော်ဝင်မျိုးနွယ်တွေကို ဝန်းရံထားလေသည်... ရိပေါ် သူ့ထိုင်ခုံကိုပြန်လာပြီး မျက်လုံးမှိတ်ကာကျိန်ဆဲနေတဲ့ရှောင်ကျန့်ကိုကြည့်လိုက်၏... အချို့စကားလုံးတွေဆိုရင် ရိပေါ်တစ်ခါမှမကြားဖူးပေ...

"shit... ငါ့ကိုလည်းငါးစာအဖြစ်သုံးတယ်... အခုတော့ ခင်ဗျားကမိသားစုကိုတောင်မရွေးနိုင်ဘဲ ခင်ဗျားရဲ့ထီးနန်း ခင်ဗျားရဲ့ပလ္လင်ကိုပဲရွေးဖို့ဆုံးဖြတ်တယ်! Asshole! Motherfucker! သွားသေလိုက်! ငါ့စိတ်ဝိညာဉ်ကခင်ဗျားကိုတစ်ချိန်လုံးခြောက်လှန့်နေမှာ!" ရှောင်ကျန့်ကျိန်ဆဲနေလေတော့ ရိပေါ်ရယ်မောကာ ရှောင်ကျန့်နှဖူးလေးကိုထိလိုက်သည်....

"ကိုယ်ကိုကျိန်ဆဲလို့မပြီးသေးဘူးလား" ရိပေါ်ရဲ့အမေးကြောင့် ရှောင်ကျန့်အော်နေတာရပ်သွားကာ မျက်လုံးကိုဖြည်းဖြည်းချင်းဖွင့်ကြည့်လိုက်လေသည်... ဘယ်သူလဲဆိုတာသူမြင်သွားတော့ ပြုံးဖြဲဖြဲလုပ်လိုက်၏.. ထို့နောက် ဘေးကိုလှည့်ပတ်ကြည့်လိုက်တော့ အနားမှာ မယ်တော်ကြီးနဲ့သူ့မိဘတွေရပ်နေတာကိုမြင်လိုက်ရလေတော့သည်....

"အမေ... ကလေးကိုခဏလောက်ချီထားပါအုံး... ကျွန်တော်အရမ်းအရေးကြီးတာလုပ်စရာရှိသေးတယ်" ရှောင်ကျန့်ပြောလိုက်၏... ထို့နောက် ဘေးဘက်ကိုသွားပြီး သူ့ဝတ်ရုံရှည်ကြီးကိုချွတ်ကာ စနစ်တကျထားလိုက်ပြီးနောက် ရိပေါ်ကိုကြည့်ကာ သရော်ပြုံးပြုံးပြလိုက်လေသည်....

"အစုတ်ပလုတ်ကောင်ကြီး! ကျွန်တော်ဒီနေ့ ခင်ဗျားကိုကောင်းကောင်းဆုံးမရမယ်!" ရှောင်ကျန့်တစ်ယောက်အော်ကာ ရိပေါ်ဆီသို့ တန်းတန်းမတ်မတ်ပြေးလာလေသည်... ရိပေါ်အရမ်းအံ့ဩသွားကာ တုံ့ပြန်ဖို့အချိန်တောင်မရှိလိုက်ပေ... ရှောင်ကျန့်ကသူ့ပေါ်ကိုခုန်တက်လိုက်တာကြောင့် သူလဲကျသွားသည်.. ရှိနေတဲ့လူတွေအကုန်လုံးလည်း မျက်လုံးမှိတ်လိုက်လေ၏ အဘယ်ကြောင့်ဆိုသော် အစားအသောက်တွေတင်ထားတဲ့စားပွဲပေါ်ကို ရိပေါ်လဲကျပြီးစားပွဲကျိုးသွားကာ ရှောင်ကျန့်က သူ့အပေါ်မှာထိုင်နေသောကြောင့်ဖြစ်၏... ကောင်းလိုက်တဲ့ရိုက်ချက်ပဲ သူရိုက်လိုက်တာ ရိပေါ်ရဲ့ချောမောတဲ့မျက်နှာကြီးမဲပြာသွားတာပဲ... ဝမ်ရှင်းတစ်ယောက် သူ့အဖွားရင်ခွင်ထဲကနေ လက်ခုပ်တီးရင်းတခစ်ခစ်ရယ်နေလေသည်... မယ်တော်ကြီးကလည်းအံ့ဩသွား၏...