ဗီလိန်ဖြစ်ရန် ကြမ္မာဖန် [Book 2]

(၂၀၄) သနားစရာကလေးငယ်

Burmese Translation of "Doomed to be Cannon Fodder".

Translator  - ဘန်း list လွတ်သွားတဲ့ဂွေ့

(၂၀၄) သနားစရာကလေးငယ်

စစ်သူကြီးလုကတော့ ပိုင်ရှန်းရှို့ရဲ့ပုံစံကိုကြည့်ပြီး အတော်လေး စိတ်ကသိကအောက်ဖြစ်နေပြီ။ ကြာပွတ်နဲ့ဆယ်ချက်ကျော်ရိုက်ထားလို့ အ၀တ်အစားတွေတောင် စုတ်ပြတ်သတ်ကုန်တယ်။ နောက်ဆုံး မခံနိုင်တော့တဲ့အဆုံးမှာမှ သူမဆီက ညည်းသံသဲ့သဲ့ထွက်လာတယ်။

သူမရဲ့နာနာကျင်ကျင်ညည်းလိုက်သံကိုကြားတော့ စစ်သူကြီးလုတစ်ယောက်ကျေနပ်သွားတယ်။ ကြာပွတ်ကိုလွှတ်ပစ်လိုက်ပြီး ရီတော့တာပဲ။
"စကားပြောကြတော့မလား?"

"ကျွန်မမှာပြောစရာစကားမရှိဘူး။ ရှင် နည်းနည်းလောက် ပြတ်ပြတ်သားသားလေးလုပ်မပေးနိုင်ဘူးလား?လာစမ်းပါ ယောကျာ်းဆန်ဆန်ပေါ့။ ပွစိပွစိလုပ်တဲ့ မိန်းမကြီးလိုလုပ်မနေဘဲနဲ့"
အရိုက်ခံရပြီးတဲ့နောက်မှာ ပိုင်ရှန်းရှို့ဒေါသအိုးပေါက်ကွဲကုန်ပြီ။ ဘာလို့ဒီလိုဒေါသထွက်နေလဲတော့မသိပေမယ့် သူမရှေ့ကလူကလည်း ဒေါသထွက်တဲ့မျက်နှာထားနဲ့မို့တူပါတယ်။ ဒီလို ဘ၀င်မြင့်မောက်မာနေရအောင် ဒင်းကဘာကောင်ကြီးမို့လို့လဲ? ပိုင်ရှန်းရှို့ကတော့အဆုံးထိဆန့်ကျင်မှာပဲ။ သူမ ဒီတိုင်းပြည်အပေါ်ခံစားချက်မရှိဘူးဆိုရင်တောင် သူမယောကျာ်းကဒီတိုင်းပြည်ရဲ့မင်းသားလေ။ အပြင်လူတွေက တိုင်းပြည်ကို လာနှိမ်နေတာမျိုး ဘယ်သည်းခံနိုင်ပါ့မလဲ။

စစ်သူကြီးလုကတော့ အရမ်းကို အထင်ကြီးနေပြီ။ သူမရဲ့မျက်နှာလှလှလေးအစား တခြားယောကျာ်းတွေထက်ကို ခေါင်းကမာသေးတယ်။ဒီလောက်ဒဏ်ရာတွေရထားတာတောင် အကြောက်အလန့်မရှိဘဲ သူ့ကိုစေ့စေ့ကြည့်ရဲတယ်။ ဒီမိန်းမမျိုးကတကယ်ရှားတယ်။ စစ်ပွဲထဲမှာဆို သာလို့တောင်ရှားသေး။

သူတို့နှစ်ယောက်အကြည့်ချင်းပြိုင်နေတဲ့အချိန်မှာပဲ အပြင်က အသံတစ်သံထွက်လာတယ်။ တစ်ယောက်က အော်လိုက်တဲ့အသံပေါ့။
"စစ်သူကြီး! ဟိုမိန်းမက ကလေးကိုဆွဲပြီးထွက်ပြေးသွားပြီ။ ဘယ်လိုလုပ်ရမှာလဲ?"