ဗီလိန်ဖြစ်ရန် ကြမ္မာဖန် [Book 2]

(၂၁၁) တိုက်ပွဲကြီး၊ မြင်းတွဲဗျူဟာခင်းပုံကို ဖြိုခွဲ အနိုင်ယူ

Burmese Translation of "Doomed to be Cannon Fodder".

Translator - NC

(၂၁၁) တိုက်ပွဲကြီး၊ မြင်းတွဲဗျူဟာခင်းပုံကို ဖြိုခွဲ အနိုင်ယူ

ဒီလို အရေးကြီးနေတဲ့ အချိန်မှာ သူမ ဘယ်လိုလုပ် ပျော့ညံ့နေလို့ဖြစ်မလဲ။ ပိုင်ရှန်းရှို့ လက်ရမ်းကို ဆုပ်ကိုင်အားပြုလိုက်ရင်း သူမအမျိုးသား ဦးဆောင်တိုက်ပွဲဝင်ချီတက်သွားတာကို ကြည့်လိုက်တယ်။ သူက သံချပ်ကာချပ်ဝတ်တန်ဆာကို အပြည့်အစုံ ဝတ်ဆင်ထားတာ။ ကိုယ်တိုင် စစ်တပ်ကို ဦးဆောင်ပြီး တိုက်ခိုက်နေပုံက တကယ့်ကို သွေးမကြောင်ဘူး။ သူ ရှိနေတာနဲ့တင် သူ့လက်အောက်က ရဲမက်စစ်သည်တွေ ပိုပြီး အားတက်သွားရစေတယ်။ စစ်သူကြီးတွေတိုင်းကတော့ သူ့လို အရှိန်အဝါမျိုး ရှိချင် ရှိမှာပေါ့။ သူတို့တွေရဲ့ ဒီလိုအစွမ်းသတ္တိတွေကြောင့်ပဲ၊ လူတွေကို ဦးဆောင်ပြီး ရွံ့ရွံ့ချွံချွံတိုက်နိုင်တာ၊ အသက်စွန့်ရရင်တောင် အဓိပ္ပာယ်ရှိ၊ သေရကျိုးနပ်စေတာ။

သိပ်မကြာပါဘူး၊ မြင်းတွဲ ဗျူဟာ ပေါ်လာတော့တယ်။ ပိုင်ရှန်းရှို့ကတော့ သူမရဲ့ တွက်ဆမှုအပေါ် ယုံကြည်မှု အပြည့်ရှိတယ်။ ဒီဟာက သူမ သိတဲ့ မြင်းတွဲဗျူဟာနဲ့ အတူတူပဲ။ ဒီဗျူဟာဖြိုခွင်းတဲ့နေရာမှာ သူတို့ အောင်မြင်ကြပါစေလို့သာ သူမ ဆုတောင်းတော့တယ်။ ပြီးတော့ လုံဟန့် ဘေးမသီရန်ခ ပြန်လာနိုင်ဖို့ပေါ့။

"မစိုးရိမ်ပါနဲ့၊ ငါ ဒီမှာ လေညှင်းခံတဲ့ သဘောလောက်ပဲ၊ မြင်းတွဲစစ်ခင်းပုံ ပျက်သွားတာနဲ့ ငါ ပြန်မှာ"

"ဟုတ် ဒါဆို၊ ဒီကျွန်တော်မျိုး သခင်မကို အဖော်ပြုပေးပါမယ်" စစ်ပွဲကြီးဖြစ်နေတဲ့အချိန်မှာ မိန်းမတစ်ယောက် ရပ်ကြည့်နေနိုင်ဖို့ဆိုတာ တော်တော်သတ္တိကောင်းမှရမှာ။ ဒါပေမဲ့ သူမကတော့ ကြောက်လန့်တုန်လှုပ်ခြင်းမရှိ၊ မလှုပ်မယှက် ရပ်နေနိုင်တယ်။ မျှားတွေ လွင့်စင်လာပြီး သူမ ဘေးနားက ရဲမက်ကို ထိမှန်သွားတာတောင်မှပေါါ။ သူမ ဘေးချင်းကပ်လူ မျှားမှန်သွားတာ တွေ့တော့မှ သူမ ရပ်နေရာကနေ လှုပ်လာပြီး ဒဏ်ရာရသူကို ကူသယ်ပေးတော့တယ်။ ဒီ့တစ်ချိန်လုံးမှာ သူမမျက်နှာထားက တည်တံ့နေလေတယ်။