ဗီလိန်ဖြစ်ရန် ကြမ္မာဖန် [Book 2]

(၂၃၀) ယွီခွမ်းတဖြည်းဖြည်းအရည်ပျော်လာ

Burmese Translation of "Doomed to be Cannon Fodder".

Translator - ဂွေ့စ်

(၂၃၀) ယွီခွမ်းတဖြည်းဖြည်းအရည်ပျော်လာ
______________________

"ဟင်? ဗိုက်နာတာလား?"
ယွီခွမ်းက အသက်သာကြီးနေတာ ဒါမျိုးကိစ္စတွေမှာဆို ကလေးလေးလိုပဲ။ သူကိုယ်တိုင်ကလည်း အရွယ်သာရောက်နေတာ ဘာညာဘာညာတောင် လုပ်ဖူးတာမဟုတ်ဘူး။ မိန်းမတစ်ယောက် ဘာလို့ဗိုက်နာလဲဆိုတာကို သူဘယ်လိုလုပ်သိပါ့မလဲ? သူ့စိတ်ထဲမှာ သူမလဲကျသွားတာဆိုတော့ အတွန်းခံရရင်တောင် ဒီလောက်ဒဏ်ရာကြီးရစရာမရှိဘူးလို့တွေးမိတယ်။
"မလှုပ်နဲ့နော်! ငါ လုံဟန့်ကိုခေါ်ပေးမယ်!"

"ကျွန်မကိုအရင်အိပ်ယာပေါ်သာပို့ပေးပါတော့။ တစ်ခုခုမူမမှန်ဘူး"
ပိုင်ရှန်းရှို့ခမျာ တစ်ခုခုကိုတွေးမိသွားလို့ တစ်လက်မတောင် မလှုပ်ရဲရှာဘူး။ ယွီခွမ်းလဲ မတတ်သာတဲ့့အဆုံး အိပ်ယာပေါ်ကို ချီပြီးပို့ပေးရတာပေါ့။ အဲ့အချိန်မှာ အချိန်ကိုက်ပဲ လုံဟန့်ကြီးက၀င်လာပါလေရော။ ဒီအချိန်က ရှင်းပြနေရမယ့်အချိန်တွေမဟုတ်တာသိပေမယ့် လုံဟန့်ကတော့ ယွီခွမ်းကိုနှာတွေတင်းနေတာပေါ့။

"တောင်းပန်ပါတယ်။ အကြည်စိုက်နေတာတွေရပ်ကြပါတော့! သမားတော်မြန်မြန်သွားခေါ်ပေး။ မဟုတ်ရင် အသက်ပေးလိုက်ရလိမ့်မယ်!"
ငါထင်တာသာ တကယ်ဆိုရင် လုံး၀သွားပြီပဲ။ ငါကလေးမွေးထားတာ ဘယ်လောက်ကြာပြီလဲ? လုံဟန့်ကရော ဘာလို့ဒီလောက်စွမ်းဆောင်နိုင်နေရတာလဲ? ထင်ထားသလိုသာဖြစ်သွားမယ်ဆို ငါတော့တစ်သက်လုံး ငရဲကျသလိုခံစားနေရတော့မယ်။

လုံဟန့်တစ်ယောက် အသက်ပေးရလိမ့်မယ်ဆိုတဲ့စကားလည်းကြားရော ချက်ချင်းကိုသမားတော်ပြေးခေါ်တော့တာပဲ။ သူထင်လိုက်တာက ဟိုမိန်းမတစ်ခုခုလုပ်သွားတယ်ပေါ့။ သမားတော်ကပိုင်ရှန်းရှို့ရဲ့သွေးခုန်နှုန်းကိုစမ်းပြီး အချိန်အတော်ကြာတဲ့အထိ စကားတစ်ခွန်းမှမပြောဘူး။ ဒီကိစ္စအတွက် တခြားဖြေရှင်းချက်တစ်ခုခုရှိနေလို့များလားလို့ သူမရုတ်တရက်ခံစားမိသွားတယ်။ ဒါမှမဟုတ် အတော်လေးများ အခြေအနေဆိုးနေလို့လား။