ဗီလိန်ဖြစ်ရန် ကြမ္မာဖန် [Book 2]

(၂၂၄) ဂြိုလ်ဆိုးဝင်၊ ဗျူဟာထဲက ဗျူဟာများ

Burmese Translation of "Doomed to be Cannon Fodder".

Translator - ဂွေ့စ်

(၂၂၄) ဂြိုလ်ဆိုး၀င်၊ ဗျူဟာထဲက ဗျူဟာများ

ပိုင်ရှန်းရှို့က မျက်မှောင်ကိုကျုံ့ထားဆဲပဲ။
သူတို့ရွေ့တဲ့အကွက်က သိသာလွန်းလိုက်တာ။ တကယ်ဆို ဒါတွေရဲ့နောက်မှာ ဝိဥာဉ်ကူးထားတဲ့သူတစ်ယောက်ရှိနေတာ လုံးဝသေချာတယ်။ ဘာလို့မှန်းမသိပေမယ့် သူမရဲ့ဆဌမအာရုံက အဲ့တစ်ယောက်ရဲ့ ပစ်မှတ်က သူမဆိုတာကို ညွှန်ပြနေသလိုပဲ။ ဒါပေမယ့် သူမမှာသက်သေမရှိဘူး။ တိုက်ပွဲခေါ်သံတွေကြားတော့ သူမစိတ်တွေ ဘာလို့ရယ်မသ်တက်ကြွလာတယ်။ အဲ့ဒါကြောင့် မတ်တပ်ထရပ်လိုက်ပြီး။
"ဆရာစုန့် ကျွန်မလုပ်ထားတဲ့ဗုံးတွေကို သွားယူမလို့ လိုက်ပေးပါလာ။ ရန်သူဖက်က တစ်ခုခုကြံနေတယ်လို့ ထင်နေတယ်။"
သူမကို တစ်ကိုယ်လုံးမြိုပစ်ဖို့ မြွေချောင်း ချောင်းနေတယ်လို့ သူမခံစားနေရတယ်။ တကယ့်ကို စိတ်မသက်မသာခံစားရတာပဲ။

သူမဘာကိုစိတ်ပူနေလဲ စုန့်ကျောင်းယွဲ့လည်းမသိပေမယ့် သူမပြောတဲ့အတိုင်းလိုက်လုပ်ပေးဖို့ ဆုံးဖြတ်လိုက်တယ်။ မဟုတ်လည်း သူဒီကနေ ထွက်သွားတော့မှာလေ။ သူ့မှာ အာရုံစိုက်စရာ စုန့်မိသားစုရဲ့ကိစ္စတွေရှိသေးတယ်။ ယွီခွမ်းလိုစိတ်လွတ်ကိုယ်လွတ်မနေနိုင်ဘူး။ အဲ့အကြောင်းတွေးမိတော့ သူရင်နာတာပေါ့။  ဒါပေမယ့်လည်း ဘာမျှော်လင့်ချက်မှမထားမိတော့အောင် ဂရုစိုက်ရတယ်။ သူမက သူ့ရဲ့မိန်းကလေးဘယ်တော့မှဖြစ်လာမှာ မဟုတ်တော့တာကို သူသိတယ်။ မျှော်လင့်ချက်ရှိနေသေးရင်သာ ပိုဆိုးနေဦးမှာ။ သူ့တစ်ဘဝလုံးနောင်တရနေမယ့်ကိစ္စတွေအထိပါ သူလုပ်ခဲ့မိတယ်။ ဒါပေမယ့် မျှော်လင့်ချက်မရှိတော့ကတည်းက သူ့ဆီမှာ နောင်တတွေနဲ့ ပူဆွေးမှုတွေပဲ ကျန်နေခဲ့တော့တယ်။

သူမတို့ပြင်ဆင်လို့လည်းပြီးရော ပွဲကစရော။ ပြန်ဆုတ်ရမယ့်တပ်ဖြစ်တာတောင် လူထောင်ချီရှိတဲ့စစ်တပ်ထဲက မြှားသမားတွေ ရုတ်တရက်ထွက်လာတယ်။မြှားတွေက မီးမြှားတွေဖြစ်တဲ့အပြင်ကို အကွာအဝေးကလည်း နောက်ဆုံးတစ်ခေါက်ကထက်ပိုပြီး ဝေးဝေးကိုပစ်နိုင်တယ်။  မီးမြှားမိုးတွေရွာသလိုမျိုးကို မြှားတွေက နင်ကျင်းမြို့ပေါ်ကိုရွာကျလာပြီး အတော်လေးထိခိုက်ကုန်ကြတယ်။ အကာအကွယ်အောက်မှာနေရင်း မင်းသားရုံက အော်တော့တာပဲ။
"မြန်မြန် စစ်သူကြီးဆီက စစ်ကူသွားတောင်းကြ!"