ဗီလိန်ဖြစ်ရန် ကြမ္မာဖန် [Book 2]

(၁၉၇) ဓားပြတွေ၊ မိန်းကလေးတွေကို ထားခဲ့

Burmese Translation of "Doomed to be Cannon Fodder".

Translator - NC

(၁၉၇) ဓားပြတွေ၊ မိန်းကလေးတွေကို ထားခဲ့

ပိုင်ရှန်းရှို့လဲ ရှက်ပြီး ပါးတွေ နီလာတော့တာပဲ။ ရုက်ရည်ခံ့ညားချောမောလှတဲ့ အမျိုးသားအရံဇာတ်​ကောင်က သူမ ခွေးတိုးပေါက် တိုးနေတာလို ရုပ်ပျက်ဆင်းပျက်ဖြစ်နေတာကို တွေ့သွားတာလေ။ သူမ အတော်လေး ရှက်တာပေါ့။ သူမ ဟိုဘက်သာ လှည့်သွားလိုက်ပြီး ကျန်နေသေးတဲ့ ရှောင်ဟွမ်ကို ဆွဲထူပေးလိုက်တယ်။ "သူ့နာမည်က ရှောင်ဟွမ်တဲ့၊ သူလဲ ကျွန်မနဲ့ လိုက်မှာ"

"သြော်...?" 'ငါတို့ သူ့ကို ယုံလို့ရပါ့မလား၊ ခဏလေး အဲ့ဒါ သူ့နဖူးပေါ်က ဟာတွေက မီးလောင်ရာတွေလား၊ ဒီတစ်ယောက်က ပိုင်ရှန်းရှို့ မီးလောင်တဲ့ ကြားက သွားကယ်ထားတဲ့ တစ်ယောက်လား၊

သူ့ကြည့်ရတာ သံသယဝင်စရာတော့ မဟုတ်ဘူး၊ ဒါပေမဲ့ ကလေးမက နမော်နမဲ့ပုံစံနဲ့ ပိုင်ရှန်းရှို့ကို ပြုစုစောင့်ရှောက်နိုင်ပါ့မလား မသိဘူး၊ ငါ ယွိဆဲ့ကို ခေါ်လာခဲ့လို့ တော်သေးတော့တယ်၊ သူ အဆင်ပြေလောက်မှာပါ'

သူတို့ သုံးယောက် ကြိုတင်ပြင်ဆင်ထားတဲ့ မြင်း လှည်းဆီကို သိပ်မကြာခက်မှာပဲ ရောက်လာတော့တယ်။ မြင်းလှည်းက ကြီးတယ်။ ဒါပေမဲ့ ခန်းနားမနေဘူး။ ပိုင်ရှန်းရှို့နဲ့ ရှောင်ဟွမ် လှည်းပေါ်တက်သွားလိုက်တော့ လူတစ်ယောက် ရှိနေနှင့်တာ တွေ့ရလေတယ်။ တခြားတော့ မဟုတ်၊ ယွိဆဲ့ပဲ။ "ယွိဆဲ့၊ ရှင်ပဲ...! ရှင် လိုက်လာမယ်လို့ ကျွန်မဖြင့် စိတ်တောင် မကူးဖူးဘူးရယ်"

"ဟုတ်ကဲ့ပါ၊ ရှို့သခင်မ အရင် ထိုင်လိုက်ပါဦး" အလိုက်သိ အကင်းပါးတဲ့ လူတစ်ယောက်အနေနဲ့ ယွိဆဲ့က ပိုင်ရှန်းရှို့ ထိုင်နိုင်အောင်မှာ ပြင်ဆင်ကူညီပေးလိုက်တယ်။ အခုချိန်မှာ ပိုင်ရှန်းရှို့က စုန့်သခင်နဲ့ အကြောင်းပါတယ်၊ မပါဘူးဆိုတာ အရေးမဟုတ်တော့ဘူး။ ဘယ်လိုနေနေ ပိုင်ရှန်းရှို့ကို ဂရုစိုက်ပေးဖို့က သူမ တာဝန်လို့ ယွိဆဲ့ ခံယူထားလိုက်တယ်။ ဘာကြောင့်ဆို၊ တကယ့်တကယ်မှာ ပိုင်ရှန်းရှို့ဟာ စုန့်သခင် သိပ်ချစ်ရတဲ့ လူဖြစ်နေလို့ပဲ။