ဗီလိန်ဖြစ်ရန် ကြမ္မာဖန် [Book 2]

(၂၁၄) အပြစ်ပေးခြင်း၊ ဇနီးမောင်နှံမျှဝေခံစား

Burmese Translation of "Doomed to be Cannon Fodder".

Translator - ဂွေ့စ်

(၂၁၄) အပြစ်ပေးခြင်း၊ ဇနီးမောင်နှံမျှဝေခံစား

"ကျွန်မတောင်းပန်ပါတယ်"
ပိုင်ရှန်းရှို့က တောင်းပန်စကားပြောလေတယ်။

"အင်း...ဒါပေမယ့် မင်း အဲ့ကလေးကိုတော့ သတိထားရလိမ့်မယ်။ သူက ကောင်းကောင်းနေတယ်လို့ထင်ရပေမယ့် သူကြိုက်တဲ့အရာကို တခြားသူကယူသွားရင် အတော်လေးကြမ်းတမ်းလာတတ်တယ်။ သူငယ်ငယ်တုန်းက ဆရာတူ အကိုတွေ အမတွေနဲ့တောင် အရုပ်ပြိုင်လုခဲ့တာ။ အဲ့တုန်းကငယ်သေးတာတောင် သူတို့ကို သွေးအန်တဲ့အထိ ရိုက်ပစ်ခဲ့တာ"

"ဟင်? သူက လူတွေနဲ့လည်းရန်ဖြစ်တတ်တာပဲလ? ဘယ်လိုလုပ်ဖြစ်နိုင်မှာလဲ?"

"တကယ်ပြောတာ။အဲ့ဒါကြောင့် မင်း သတိထားဖို့လိုတယ်"

"သူက အန္တရာယ်တော့ မရှိဘူးမလား?"

"အမှန်အတိုင်းပြောရရင် ငါ့ရဲ့သိုင်းပညာကတောင် သူ့ကိုမမှီဘူး

"ဘာ?"
ယွီရှုက လွယ်မယ့်ကလေးတော့ မဟုတ်ဘူးပဲ။ သူမတို့နှစ်ယောက်သား နေ့တစ်၀က်လောက် စကားပြောရင်း အချိန်ဖြုန်းခဲ့ကြတယ်။ ပြီးတာနဲ့ မင်းသားရုံက သိပ်မကြာခင်မှာပဲဆင့်ခေါ်လာတာပေါ့။ ချန်ထောက်ဘာတွေးနေလဲဆိုတာကို မင်းသားရုံသိတယ်။ သတင်းကသူ့ကြောင့် ပြန့်သွားပြီလေ။ဒီမိန်းကလေးက သေရေးရှင်ရေးဖြစ်နေတာကိုတောင် သူလုပ်ခဲ့သမျှအတွက် တာ၀န်ယူချင်နေသေးတာကိုတော့ သူမျှော်လင့်မထားမိခဲ့ဘူး။ ဒါပေမယ့် အဲ့ဒါက အဓိပ္ပါယ်တော့ရှိတယ်။ ယောကျာ်းလုပ်သူကိုစိတ်ပူလို့ နင်ကျင်းကိုလာတယ်။ သူမရဲ့ ဆုံးဖြတ်ချက်တွေကလည်းသူတို့ကို အကူအညီကြီးကြီးမားမားဖြစ်စေခဲ့တယ်။ သူမအပေါ်ခက်ခဲအောင် မင်းသားရုံမလုပ်ရက်ဘူး။ သူ အခန်းတစ်ခုစီစဥ္ပြီး လုံဟန့်လာတဲ့အထိ စောင့်နေလိုက်တယ်။

လုံဟန့်က သတင်းကြားတာနဲ့ ချက်ချင်းကိုပြန်လာတာ။ မင်းသားရုံရဲ့အခန်းဆီ မျက်နှာကြီးသုန်သုန်မှုန်မှုန်နဲ့ပြေးလာပြီး လက်သီးဆုတ်ပြီးဂါ၀ရပြုလိုက်တယ်။ မင်းသားရုံက အခန်းထိပ်ဆုံးမှာထိုင်နေပြီး ဘေးတစ်ဖက်တစ်ချက်ဆီမှာ ချန်ထောက်နဲ့ လင်ချန်းဇီထိုင်နေတယ်။ လုံဟန့်ပိုင်ရှန်းရှို့ကိုလှမ်းကြည့်လိုက်တာပေါ့။ သူတို့နှစ်ယောက်သား စကားမပြောကြပေမယ့် တစ်ယောက်ရဲ့စိတ်ကိုတစ်ယောက်နားလည်ကြတယ်။ ဘာလုပ်ရမလဲဆိုတာကိုပေါ့။
"ဒီအဖြစ်အပျက်က အနောက်ဆောင်က ဒီအမျိုးသမီးနဲ့ဘာမှမဆိုင်ပါဘူး။ သူမက အရမ်းဗဟုသုတကြွယ်၀သူမို့ ကျုပ်က ဒီကိုလာဖို့ ဆင့်ခေါ်ခဲ့တာပါ"