ဗီလိန်ဖြစ်ရန် ကြမ္မာဖန် [Book 2]

(၁၉၄) စစ်ဖြစ်လေပြီ

Burmese Translation of "Doomed to be Cannon Fodder".

Translator  - ဂွေ့

(၁၉၄) စစ်ဖြစ်လေပြီ

ပိုင်ရှန်းရှို့တကယ်ကိုပင်ပန်းနေပြီ။ သူမအသက်ရှူနေလား မရှူတော့ဘူးလားဆိုတာကိုတောင်မသိတော့ဘူး။ လောလောဆယ်သူမစိတ်ထဲမှာ အတွေးတစ်ခုပဲရှိတယ်။
"ကျွန်မ ကလေး....ကျွန်မတွေ့ချင်တယ်။ ယောကျာ်းလေးလား မိန်းကလေးလားဟင်?"

"သားလေး"
လုံဟန့်က ၀မ်းဆွဲသည်ကို ချက်ချင်းဆင့်ခေါ်လိုက်တယ်။ သားဖြစ်သူကိုတွေ့လိုက်တာနဲ့ ထူးခြားတဲ့တစ်ခုကို သတိထားမိသွားတယ်။ ကလေးရဲ့မျက်နှာက အတော်လေးကို ကြည့်လို့ကောင်းတာ။ သူ့အမေမျက်နှာကျနဲ့တစ်ပုံစံတည်းပဲ။! သူ့အမေမျက်နှာကိုချွတ်ပြီးစွပ်ထားသလိုကိုတူတာ။

သူမလိုမိန်းကလေးတောင် အရမ်းဆွဲဆောင်မှုရှိပြီးလှနေတာကို သူမလိုမျက်နှာမျိုး အမျိုးသားလေးတစ်ယောက်သာရသွားမယ်ဆိုရင်......မြို့တော်ထဲက အမျိုးသမီးထုကြီးအတွက် ပိုင်ရှန်းရှို့ရင်လေးမိသွားတယ်။

"မေမေတို့ အရမ်းတူတာပဲ"
အဲ့တစ်ကြောင်းကိုပဲပြောပြီး သူမပြန်အိပ်ပျော်သွားတယ်။

"ရှို့အာ....ရှို့အာ!"
လုံဟန့်အတော်လေးကိုလန့်သွားတယ်။ သူထင်တာက ပိုင်ရှန်းရှို့တော့ ဒုက္ခတွေ့ပြီဆိုပြီး။  သူချက်ချင်းကိုပဲ သွေးခုန်နှုန်းစမ်းဖို့ သမားတော်ကိုခေါ်တော့တယ်။

သမားတော်ကလည်းသေချာစမ်းကြည့်ပြီးမှပြောရှာတယ်။
''သခင်မရှို့က ပင်ပန်းပြီးအိပ်ပျော်သွားတာပါ။ အဆင်ပြေပါတယ်။"

"ဒါဆိုလည်း ခန္ဓာကိုယ်အတွက်ကောင်းမယ့်ဆေးတွေအမြန်ရေးစမ်းကွာ!"

"၀မ်ရယ် အခန်းထဲကထွက်ပေးလို့ရမလား။ ကျွန်တော်တို့သန့်ရှင်းစရာတွေရှိနေသေးတယ်"

"ဒါ.....ကောင်းပြီ"
သူ တွန့်ဆုတ်တွန့်ဆုတ်နဲ့ပဲ အခန်းထဲကထွက်ပေးလိုက်တယ်။ ဘာလို့ဆို သူရှိနေရင် အခန်းထဲမှာသန့်ရှင်းရေးကိုကောင်းကောင်းမလုပ်နိုင်ဘူးကိုး။

ပိုင်ရှန်းရှို့နိုးလာဖို့ သုံးရက်လောက်အချိန်ယူလိုက်ရတယ်။ သူမအတွက်စားစရာဆိုတာ သေချာကိုအထူးတလည်ပြင်ဆင်​ပေးထားတာတွေချည်းပဲ။ လုံဟန့်ကလည်းအားတာနဲ့ သူမကိုလာအဖော်ပြုပေးတယ်။ ရှန်းရှို့ဘာမှမပြောရင်တောင် တစ်ခုခုကိုစိုးရိမ်နေတယ်ဆိုတာ သူသိပါတယ်။