ရည်းစား​လေးထားချင်မိတဲ့ကျွန်​တော် (ဘာသာပြန်)

Cha-51

[Unicode]

ရုပ်ရှင်ဇာတ်ကားတစ်ကားပရိုမိုးရှင်းဆင်းခြင်းဆိုတာ သရုပ်ဆောင်တစ်ယောက်အတွက် လူအားပါမက ငွေအားပါလိုအပ်၏။များစွာသောပွဲလမ်းသဘင်အခမ်းအနားများကိုတက်ရောက်ဖို့ရန် မတူညီကွဲပြားသောအဝတ်အစားများနှင့် လိုက်ဖက်ဆက်စပ်သည့်အဆောင်အယောင်ပစ္စည်းများလည်း လိုအပ်ပြန်သည်။

ယွီချင့်ဟွမ်နာမည်တခုရပြီးနောက် နာမည်ကြီးအမှတ်တံဆိပ်များစွာမှ ဘရန်းမိတ်ဖက်ပါတနာအဖြစ်လက်တွဲကြဖို့မျှော်လင့်လျက် ငြိမ်းချမ်းရေးအမှတ်သက်ေတတခုအနေဖြင့် ကမ်းလှမ်းလာကြပေမယ့် သူဟာအဝတ်အစားတွေကိုအမြဲတစေငှားရမ်းဝတ်ဆင်နေလို့မဖြစ်ပေ။ သူတစ်ကိုယ်ရည်တစ်ကာယသုံးဖို့အတွက် ဝတ်စုံတွေပိုပြင်ဆင်သင့်ပေသည်။

"မင်းကိုပြောပြပါရစေဦး ယွီချင့်ဟွမ်! မင်းပိုက်ဆံတွေကို ဒီအတိုင်းဆက်ပြီးသုံးဖြုန်းနေဦးမယ် ဒါမှမဟုတ် အလှူအတန်းလုပ်နေဦးမယ်ဆိုရင် ငါထွက်သွားလိုက်တော့မှာနော်!”

ယွီရှင်းသည် ဒေါသတကြီးကြမ်းပြင်ပေါ်တွင်ထိုင်ချကာ အော်ဟစ်နေသည်။ ထို့နောက်တွင် သူ့ကိုမော်ကြည့်လာကာ

“ဘာရယ်နေတာလဲ? ငါပြောတာကြားလား မကြားဘူးလား?"

ဒီအသုံးအဖြုန်းကြီးတဲ့ကလေးစုတ်လေးကတော့! နာရီတစ်လုံးတည်းနဲ့ ပိုက်ဆံတွေအကုန်သုံးပစ်လိုက်တယ်! ကံကောင်းလို့သာ  'How to Love You' ရဲ့ လခသုံးပုံတစ်ပုံလောက်က သူတို့ဘဏ်အကောင့်ထဲကိုလွှဲပေးပြီးသားဖြစ်နေလို့..မဟုတ်ပါက သူ့ကိုအဝတ်အစားတွေဘယ်လိုဆင်ယင်ဝယ်ပေးရမလဲဆိုတာ သူမသိတော့ပေ။

အခြားအေးဂျင့်တွေရဲ့အနုပညာရှင်တွေသာဆို နာမည်ကျော်ကြားလာတာနှင့် အိမ်ခြံမြေဝယ်ယူခြင်း ဒါမှမဟုတ်ရင် စီးပွားရေးလုပ်ငန်းတစ်ခုခုမှာရင်းနှီးမြှပ်နှံကြမှာဖြစ်၏။ သူ့အနုပညာရှင်ကတော့ ပိုက်ဆံလေးနည်းနည်းရှိလာတဲ့အခါတိုင်း အကုန်သုံးဖြုန်းပစ်‌နေသည်!

"သိပါပြီ ကော"

ယွီချင့်ဟွမ်မှာ သူ့ဘေးမှာဝင်ထိုင်ပြီး ကတိပေးလိုက်သည်။