Clickဖို့မမေ့ကြပါနဲ့ရှင့်🌻
နဉ့်ကျီ စာကြည့်ခန်းထဲမှ ထွက်လာခဲ့ပြီးနောက် လှေကားအဆင်းတွင် လင်ထန်းထန်းနှင့် တိုးလေသည်။
သူမသည် အဝါတောက်တောက်အင်္ကျီကို ဝတ်ဆင်ထားသည်။ ယခုအချိန်တွင် သူမ၌ နို့နှစ်ရောင်အသားအရေရှိနေသောကြောင့် ထိုကဲ့သို့သော အရောင်မျိုးနှင့် လုံးဝပင်လိုက်ဖက်လေ၏။
သူမ၏မှတ်ဉာဏ်ထဲတွင် လင်ထန်းထန်းသည် နဉ့်ကျီ၏ရောင်ဝါအား မခိုးယူရသေးခင်ကတည်းက နို့နှစ်ရောင်အသားအရေရှိခြင်းဖြစ်သည်။ သို့သော်ရောင်ဝါကမူ ချောမွေ့ တောက်ပကာ အပြစ်အနာအဆာကင်းလေ၏။
ရောင်ဝါသည် အမှန်ပင် အံ့ဩဖွယ်အရာတစ်ခုပင်။
ထို့ကြောင့် လင်ထန်းထန်းသည် ရောင်ဝါကို ခိုးယူချင်ရုံသာမက အရာအားလုံးကို ခိုးယူလိုခြင်း ဖြစ်သည်။
"ရှောင်ကျီ" လင်ထန်းထန်း နဉ့်ကျီ၏လက်တို့အား ကြည့်လိုက်ပြီး သူမ,သယ်လာသော အဖြူရောင်ကြွေပန်းကန်ပြားကို မြင်သောအခါ ဆိုလေသည် "ငါ အစေခံတွေဆီက ကြားခဲ့တာ ၊ နင် လုကုအတွက် အချိုပွဲလုပ်ပေးတယ်ဆို?"
"အဲ့တော့ ပြဿနာရှိလို့လား?" နဉ့်ကျီ လင်ထန်းထန်းအား အထက်အောက် စုန်ချည်ဆန်ချည်ကြည့်လိုက်သည်။ သူမသည် သူမ၏ရောင်ဝါ၂%ကို ယခုလေးတင် ပြန်လည်စုဆောင်းထားခြင်းဖြစ်သော်လည်း လင်ထန်းထန်းကား လုံးဝသတိပြုမိပုံမရပေ။
"နင် ဒီရက်ပိုင်း တစ်ခုခုများ ဖြစ်နေတာလား? နင်ရဲ့လုကုကိုဆက်ဆံပုံက ပြောင်းလဲသွားသလို ငါခံစားရတယ်" နဉ့်ကျီ သူမအား ကြည့်ပုံကြည့်နည်းတို့မှာလည်း ထိုနည်း၎င်းပင်။ နဉ့်ကျီအသစ်အား သူမ လုံးဝပင် မဖတ်နိုင်ပေ။
"နင်ရောပဲ ပြောင်းလဲသွားတယ်" နဉ့်ကျီသည် အပြုံးတစ်ခုဖြင့်ဆိုရင်း လင်ထန်းထန်းအနီးသို့ တိုးကပ်သွားလိုက်သည် "နင် ဒီနေ့နည်းနည်းပိုမဲသွားတာကို ငါသတိထားမိတယ်လေ"
သူမသည် သူမ၏ရောင်ဝါအနည်းငယ်ကို ပြန်လည်ရရှိပြီးဖြစ်သောကြောင့် ဆိုလိုသည်မှာ လင်ထန်းထန်းတွင်လည်း ထိုမျှလျော့သွားပြီဟူ၍ပင်။ ဒီအတိုင်း ပြောင်းလဲမှုမှာ သတိပြုမိရန် လင်ထန်းထန်းအတွက် အလွန်ကိုသေးငယ်လှသောကြောင့်သာ။
YOU ARE READING
အမျိုးသားဇာတ်လိုက်၏ညီနှင့်လက်ထပ်ခြင်း [ဘာသာပြန်]
Romance»This is not my own story »Just translate for fun »All credits go to the original author and translator »Cover photo from pinterest