Unicode~
Laraဆိုတဲ့ နာမည်ကို ကြားလိုက်သည်။ ကြားလိုက်သည်နှင့် မိန်းကလေးတစ်ယောက်မှန်း တန်းသိနိုင်သော နာမည်ပင်။
ဟင်း.. Jeon JungKookက အလုပ်မလုပ်ဘဲ အချောင်ခိုပြီး မိန်းကလေးတစ်ယောက်အကြောင်း တွေးနိုင်သေးတယ်ပေါ့။ Kim Taehyungအိမ်မှာတော့ အဲ့လို လာလုပ်လို့မရဘူးလေ။
Jeon JungKookက သူ့အလုပ်သူလုပ်နေပေမယ့် အဲ့တာကို ကိုယ်ကလိုက်ပြီး ပြဿနာရှာချင်နေတာ။
"Jeon JungKook!"
"ဘာလဲ"
"မင်းအချောင်ခိုမယ်မကြံနဲ့နော်။ ငါ့အိမ်ငါ့ခြံမှာ မိန်းမတစ်ယောက်ကို မွှန်ထူနေတာ မမြင်ချင်ဘူး"
"ဘာ!"
JungKookနားမလည်စွာဖြင့် ပြန်မေးခွန်းထုတ်မိသည်။ အခု Kim Taehyungက သူ့အတွေးကိုပါ လာချုပ်ချယ်နေတာလား။
လုံးဝနားမလည်နိုင်။ ဂျာမန်အလုပ်ရှင်တိုင်းက သည်လို ပုံစံပဲလား။ ဘာလုပ်လုပ်ကန့်သတ်ချုပ်ချယ်နေကြတာပဲလား။
"အလုပ်မလုပ်ဘဲ မင်းကောင်မအကြောင်းတွေးနေတာ ငါမကြိုက်ဘူး"
"ခင်ဗျားက ကျုပ်ကိုယ်ရေးကိုယ်တာကို ခိုးနားထောင်နေတာလား"
"ဒါ အလုပ်ရှင်ကို ပြန်ပြောရမယ့်စကားမဟုတ်ဘူး"
တစ်ယောက်တည်းဒေါသဖြစ်ပြီး တစ်ယောက်တည်း ထွက်လိုက်ဝင်လိုက်လုပ်နေသော Kim Taehyungက မျက်စိရှုပ်ချင်စရာ။ သူ့ကြောင့် ပန်းပင်စိုက်သည့်ကိစ္စမှာလည်း အလုပ်တွင်သင့်သလောက်မတွင်။ အတော်လေးလည်း အာရုံနောက်ရပါသည်၊ အတော်လေးလည်း တတ်နိုင်ပါသည်။
"ခင်ဗျားအပြင်ထွက်မှာလား အထဲဝင်မှာလား။ အလကား မျက်စိနောက်အောင် လာလုပ်မနေနဲ့"
"မင်းရဲ့အချောင်ခိုစိတ်လေးပျောက်သွားအောင် ငါကလုပ်နေရတာ"
ည၁၁နာရီလောက်နေတော့ အိမ်ရှေ့မှာ အိုင်းရစ်ပန်းပင်တွေ အပြည့်ဖြစ်သွားသည်။ ပန်းပွင့်ချိန်ရောက်လို့ အားလုံးပြိုင်တူပွင့်ရင်တော့ ဘယ်လောက်တောင် လှလိမ့်မလဲ။
ခရမ်းပြာရောင်ပွင့်ချပ်ရှည်တွေနဲ့ ဤစံအိမ်က အတော်လေး ပနံရပါလိမ့်မည်။
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
