Unicode~
"မေ့လိုက်တော့.. အဲ့ညက ကိစ္စ။ ငါဆေးမိနေလို့ ဖြစ်သွားတာ"
"ခင်ဗျား ဒီစကားကို သွေးအေးအေးနဲ့ ပြောရဲတာ အံ့ဩမဆုံးဘူး"
Kim Taehyungကို ကြည့်မရပါဘူးဆိုတဲ့ကိုယ်က Kim Taehyungငြင်းတာ ခံလိုက်ရတော့.. သည်ခံစားချက်က မဖော်ပြတတ်လောက်အောင်ပါပဲ။
အစတည်းက သူ့ကိုပိုင်ဆိုင်လိုစိတ် ရှိနေတာလား။ မုန်းတယ် မုန်းတယ် အော်ဟစ်နေရင်းက စွဲလမ်းစိတ်ရှိနေတာလား။ ဝေခွဲရခက်ပါသည်.. သူနဲ့ပတ်သက်သမျှ အရာရာက ကိုယ့်ကို ဒွိဟ ဖြစ်စေသည်။
"အခု ငါ့အကြောင်းသိပြီမလား.. ဖယ်တော့"
လူကိုတင်မက သူ့အပေါ်ထားရှိသော ကိုယ့်မျှော်လင့်ချက်အစုံကိုပါ သူက ပုတ်ထုတ်သွားသည်။ သူ့အနားမလာနိုင်အောင် နည်းလမ်းရှိသမျှနှင့် ငြင်းဆန်သွားတော့သည်ပင်။
သူ့ကို နားလည်ရခက်သည့်အပြင် ကိုယ့်ကိုယ်ကိုယ်လည်း နားလည်ဖို့လွယ်မနေပါ။
ကိုယ့်မှာ ချစ်ရသူရှိတယ်ဆို... ဘာလို့များ Kim Taehyungကို ကိုယ်လိုအပ်နေတာလဲ။
ကိုယ်မသိလိုက်ချိန်မှာပဲ Laraအပေါ်ထားခဲ့ဖူးတဲ့ ကိုယ့်အချစ်တွေက အငွေ့ပျံပျောက်ကွယ်ကုန်တာလား။
သေချာတာတော့ Kim Taehyungကို တာဝန်ယူချင်စိတ်တစ်ခုတည်း မဟုတ်ဘူးထင်ပါရဲ့။
"Jeon JungKookက အဲ့မှာ ဘာရပ်လုပ်နေတာလဲ"
"ဪ... Mrs. Kim"
Kim Taehyung အိမ်ပေါ်တက်သွားပြီး မကြာခင်မှာပဲ ဗိုလ်ချုပ်Kimကတော်က အိမ်ပြန်ရောက်လာသည်။ သူကတော့ အမြဲလိုလို ကျော့ကျော့မော့မော့နဲ့ နှုတ်ခမ်းနီနီရဲရဲဆိုးထားတတ်သော မိန်းမတစ်ယောက်။
"အိမ်ထဲမှာ အလုပ်ရှိလို့လား"
"မရှိပါဘူး.. ကျုပ်ကို ခွင့်ပြုပါဦး"
"နေဦး.. Taehyungနဲ့ တစ်ခုခုအဆင်မပြေဖြစ်ထားကြတာလား"
အိမ်ထဲကနေ ထွက်သွားဖို့လုပ်ကာမှ Mrs. Kim က သူသိချင်တာကို လှမ်းမေးလို့လာသည်။ ထိုအမေးစကားအတွက် JungKookမှာ သင့်တော်သော အဖြေစကားလုံးကို ရှာမတွေ့ချေ.. အဖြေမရှိတာဆို ပိုမှန်လိမ့်မည်။
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
