Unicode~
ပုံမှန်နေ့လေးတစ်နေ့ ဆိုသော်လည်း သည်နေ့တော့ Taehyung လယ်တောထဲ လိုက်မသွားပါ။
အိမ်မှာ သိုးမွေးခြေအိတ်ထိုးရင်း ကျန်ခဲ့ပါသည်။ ခြေအိတ်ကိုယ်ထည်က အနီရောင်ဖြစ်ပြီး အနားသတ်မှာ အစိမ်းရင့်ရောင်နှင့်.. ကြည့်လိုက်တာနဲ့ပင် နာတာလူးဆိုတာကို ခံစားရစေသည့်အရောင်မျိုး။
အိမ်မှာ တစ်ယောက်တည်းကျန်ခဲ့သော်လည်း Taehyungရှိရှိသမျှ တံခါးတွေအကုန် ဖွင့်ထားသည်။ Jeon JungKookပြောကြားချက်အရ လင်းနို့တွေက အမှောင်ထဲသာ နေကြသည်တဲ့၊ အဲ့သည်အကောင်တွေ ပြန်ရောက်လာမှာ ကြောက်ကြောက်နှင့်ပင် အလင်းရအောင် တံခါးများဖွင့်ထားခြင်းဖြစ်သည်။
"အဲ..ချည်ကုန်သွားပြီပဲ"
နောက်ဆုံးခြေအိတ်က တစ်ပိုင်းတစ်စ။ လက်စမသတ်ရသေးခင်မှာပင် သိုးမွေးချည်က လုံးဝမကျန်တော့။ တန်းလန်းထားခဲ့ရအောင်လည်း မဟုတ်တတ်။
"ကုန်တိုက်ပြေး၀ယ်လိုက်ရင် ရသားပဲ။ သူပြန်မရောက်ခင် ငါအိမ်ပြန်ရောက်လာမှာပါ"
ငွေအကြွေစေ့လေးကို အိတ်ထဲထည့်ပြီး ကုန်တိုက်ကို သုတ်ခြေတင်ခဲ့သည်။ အလာလမ်းက ကိစ္စမရှိ။ လမ်းမှာလည်း လူမရှိသလို မြို့ကလည်း ငြိမ်သက်လို့နေသည်။
ယခင်ကတော့ သည်လို ငြိမ်သက်တိတ်ဆိတ်မှုမျိုးကို Taehyungကြောက်သည်။
ယခုတော့ ကျင့်သားရလို့ နေလေပြီ။
"သိုးမွေးချည်လေး လိုနေလို့"
"ဘာအရောင်လဲ အစ်ကိုလေး"
သည်ကနေ့လည်း ကုန်တိုက်ဝန်ထမ်းက ဟိုတစ်နေ့က တွေ့ခဲ့သော ကောင်လေးပင် ဖြစ်သည်။
"အစိမ်းရင့်လေးပါ"
"အစ်ကိုလေး ကံကောင်းသွားတယ်။ အစိမ်းရင့်က သည်တစ်ခုပဲကျန်တော့တာ။ နောက်ထပ်ဘယ်ချိန်မှရောက်မလဲ မသေချာတော့ဘူး"
"ဘာလို့လဲ"
"ဪ..ဟိုနေ့ကပြောသလိုပဲလေ။ Warsaw Ghettoက ချိတ်ပိတ်သွားပြီဆိုတော့ Warsawက ချည်မျှင်စက်ရုံတွေမှာ ဂျူးလုပ်သားတွေလည်း မရှိတော့ဘူးလေ။
ဂျာမနီဘက်က တင်သွင်းမှရတော့မယ်။ ဒါတောင် သမဝါယမစနစ်နဲ့ ခွဲဝေယူရမယ့်သဘောရှိတယ်"
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
