Unicode~
"ငါမနေ့က Karlနဲ့ တွေ့ခဲ့သေးတယ်"
JungKook လယ်တောသွားဖို့ရာ ထမင်းချိုင့်ပြင်နေရင်း ကြားလိုက်ရသည့်စကားသံကြောင့် လှုပ်ရှားမှုက ရပ်တန့်သွားသည်။
ယခုလများအတွင်း မေ့မေ့ပျောက်ပျောက်ဖြစ်နေခဲ့သော Karlဆိုသူက ဘာလို့များ ပြန်ပေါ်လာတာပါလိမ့်။
"သူက ဘာတဲ့လဲ"
"သူ ဘာလင်ကို ရောက်နေခဲ့တာတဲ့"
"ဪ.. အဲ့ဒီတော့"
"ငါ့အကြောင်း သူသိခဲ့တယ် ထင်ပါရဲ့။ Daddyနဲ့ Mommyကလည်း ငါ့ကို လွမ်းနေတယ်တဲ့"
Kim Taehyung သည်အကြောင်းတွေ သူ့ကိုပြောနေရခြင်းမှာ လျှို့ဝှက်ထိန်ချန်ထားခြင်းမရှိလို၍ ဖြစ်လိမ့်မည်။ သို့သော် သူသတိမထားမိလိုက်ခင်မှာပင် သူ့စိတ်ဟာ လေးလံပြီးလျက်သား ဖြစ်နေတော့သည်။
တစ်နေ့နေ့တစ်ချိန်ချိန်မှာ ဗိုလ်ချုပ်Kimတို့က Kim Taehyungကို လာခေါ်လိမ့်မည်၊ သူ့ရင်ခွင်ထဲကနေ မရမကဆွဲထုတ်သွားလိမ့်မည်။ ဒါတွေကို ကြိုသိနေ၍ သံယောဇဥ်မထားဖို့ရာ ကြိုးစားခဲ့သော်လည်း အချိန်တန်တော့ နှလုံးသားအလိုလိုက်ရသည်သာ။
"ပြန်ချင်လား ဘာလင်ကို... ခင်ဗျားကို ကျုပ်မဆွဲထားချင်ပါဘူး"
"မောင်.. မင်းဘယ်လိုပြောလိုက်တာလဲ။ ငါက ပြန်ချင်တယ်လို့ ပြောနေလို့လား.. ဟမ်"
"ကျုပ်က ခင်ဗျားကို အလိုလိုက်ပေးချင်တာပါ"
ချစ်ကြင်သူနှစ်ဦးနှစ်ယောက်ဟာ အခြေအနေချင်း သိပ်ကွာနေကြသည်ဆိုလျှင် တစ်ယောက်အတွက် သိမ်ငယ်စရာဖြစ်လာသည်မှာ သဘာဝပင်။
တချို့လူတွေအတွက် သိမ်ငယ်မှုက မာနတရားကို ထိတတ်ပြီး တချို့အတွက်တော့ နှလုံးသားကို လာထိတတ်ပါ၏။
Kim Taehyungနဲ့ ပတ်သက်တဲ့ သူ့သိမ်ငယ်မှုများဟာ သူ့နှလုံးသားကို အရှိန်အဟုန်ပြင်းစွာ တိုက်ရိုက်ထိခတ်လျက် ရှိပါ၏။
"ငါ မပြန်ပါဘူး။ မင်းနဲ့နေမယ်လို့ ကတိပေးထားပြီးသားပဲ။ ငါပြန်ချင်ရင် Karlက လိုက်ပို့မယ်ဆိုပေမယ့် ငါငြင်းလိုက်တယ် အဟွတ် အဟွတ်!"
BINABASA MO ANG
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
