Unicode~
ပိုလန်နိုင်ငံ Oswiecimမြို့။
ပိုလန်တောင်ပိုင်းရှိ Oswiecimမြို့လို့ ပြောလိုက်သည်နှင့် ပြေးမြင်ကြသည်က Auschwitz အကျဥ်းစခန်း။
ဂျူးအကျဥ်းသား ရာထောင်ချီတို့ ပြည့်နက်နေပြီး ဒုက္ခသုက္ခ စုပြုံလျက်ရှိသော နာမည်ကြီးAuschwitzအကျဥ်းစခန်းက Oswiecim၏ အစွန်အဖျားမှာရှိသည်။
ကံကောင်းထောက်မစွာ သူတို့နေရမည့်နေရာက ထိုမြို့စွန်နှင့် အတော်လေး အလှမ်းဝေးသည်။ မြို့ရဲ့ ဟိုဘက်အစွန်နှင့် သည်ဘက် အစွန်ဖြစ်သည်။
Taehyung အကျဥ်းစခန်းနှင့်နီးတဲ့နေရာမှာ မနေချင်ပါ။ ဒုက္ခအငွေ့အသက်များနှင့် ဝေးနိုင်သမျှ ဝေးချင်သည်။
"ဒါကျုပ်အိမ်.. အခုတော့ အိမ်ပျက်ကြီးပေါ့"
ပဲ့ကျိုးနေသော တံခါးကို ဖွင့်လိုက်တော့ ဖုန်မှုန့်များက ထောင်းခနဲ။ ပျဥ်ထောင်အိမ်လေးက အကာအရံမလုံမခြုံ။
JungKookပြောသလိုဆို ဒါဟာ သူကြီးပြင်းခဲ့ရာအိမ်။ ဘေးမှာ အိမ်နီးနားချင်းတွေကလည်း မရှိ။ မြို့ထဲနှင့် အလှမ်းဝေးလှသည်။
အိမ်ခြံပတ်ပတ်လည်မှာ လယ်ကွက်တွေတွေ့ရပြီး ထိုလယ်ကွက်များမှာလည်း ဘာမှစိုက်ပျိုးထားဟန်မတူ၊ ပေါင်းမြက်တွေသာ ထလျက်ရှိသည်။
နှာခေါင်းရှုံ့ချင်မိသော်လည်း ဟန်မပျက်အမူအရာကို ထိန်းကာ..
"မင်း ဒီမှာ နေခဲ့တာပေါ့။ ဘယ်အချိန်အထိလဲ"
"Auschwitzကို မဖမ်းသွားခင် အချိန်အထိပဲ"
'အား!'
အိမ်ထုတ်တန်းပေါ်ကနေ ရုတ်တရက်ထွက်လာသော မည်းမည်းနက်နက်သတ္တဝါကြီးကြောင့် Taehyungလန့်ပြီး အပြင်ကို ချက်ချင်းပြေးသွားမိ၏။
ထိုသို့သော အကောင်ကြီးကို သူတစ်ခါမှ မကြုံဖူးပါချေ။
"ဘာဖြစ်တာလဲ.. ရရဲ့လား"
"ကြောက်တယ် ဘာကောင်ကြီးလဲမသိဘူး"
"အိမ်ကမနေတာကြာတော့ လင်းနို့တွေရှိနေတာပါ"
"လင်းနို့တွေ ဟုတ်လား။ အိမ်ထဲမှာ ရှိကြသေးလားဟင်။ ငါကြောက်တယ် မနေရဲဘူး"
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
