Unicode~
"ဘယ်သွားမှာလဲ"
ဘူတာရုံက လက်မှတ်ဖြတ်သည့်နေရာမှာ နှုတ်ခမ်းမွေးကားကားနှင့်လူကြီးက အလိုမကျဟန် စစ်မေးနေလေ၏။ မနက်၃နာရီခွဲ အရုဏ်တက်ချိန်ဖြစ်လေရာ ထိုလူကြီးမှာ အိပ်ချင်နေလိမ့်မည်၊ ဒါကြောင့်လည်း လက်မှတ်ဖြတ်ပေးရသည့်ကိစ္စမှာ သိပ်စိတ်ရှည်မနေ။
"Oswiecim.. အခု..ရထား"
"နေမကောင်းဘူးလား ကောင်လေး၊ အဖော်ရော မပေါဘူးလား။ တစ်ယောက်တည်းလား"
သူနေမကောင်းတာက သိသိသာသာ။ ညိုမဲနေသော မျက်ကွင်းချိုင့်ချိုင့်ကိုကြည့်ရုံနှင့် သူ့ကျန်းမာရေးအခြေအနေကို ရိပ်စားမိနိုင်ပါသည်။
"အင်း.."
"ရော့.. လက်မှတ်။ ဂရုစိုက်သွားဦး"
ရထားလက်မှတ်အရ Oswiecimသွားမည့်ရထားက မနက် ၄နာရီဖြစ်သည်။ အချိန်သိပ်မလိုတော့။ သိပ်မကြာခင်မှာ ရထားဥဩဆွဲသံကို ကြားရပါလိမ့်မည်။
Taehyung ထိုလူကြီးဆီက ဖောင်တိန်ခဏငှားလိုက်ပြီး ရထားလက်မှတ်နောက်ကျောမှာ မောင့်အိမ်လိပ်စာကို ရေးမှတ်လိုက်သည်။ Oswiecimရောက်လို့ လမ်းဆက်မလျှောက်နိုင်ခဲ့သည်ရှိသော် ထိုလိပ်စာပြပြီး အကူအညီတောင်းနိုင်ရန်ပင်။
သူမျှော်လင့်ထားသည့်အတိုင်း ရထားဥဩဆွဲသံကို ကြားလာရသည်။
ထိုအသံက နားထဲစီးဝင်ချက် ခပ်ပြင်းပြင်း.. Oswiecimသွားမည့်ခရီးသည်မဟုတ်သူများကတော့ ထိုအသံကိုကြားလျှင် နားကို ပိတ်လေ၏။မောင့်ဆီ ရောက်ဖို့ရာ ၁၀နာရီခန့်သာ လိုပါသည်။ ထို ၁၀နာရီအတွင်း ဘာမဆို ဖြစ်သွားနိုင်ပါလျက် သူဟာ မောင်ရှိရာသို့သာ ဦးတည်ချင်ပါသည်။
____Oswiecimမှာ ရာသီဥတုက အုံ့မှိုင်းမှိုင်း။ မကြာခင် ဆောင်းဦးကာလရောက်တော့မည်ဖြစ်သော်လည်း မိုးစက်များက တပေါက်ပေါက်ကျနေဆဲ။
မနက်ခင်း နေရောင်ခြည်ကို မမြင်ရ။ မိုးသားတိမ်လိပ်များက တလိပ်လိပ်မြင့်တက်လာလျက်ရှိသည်။သည်လိုမိုးရွာသည့်နေ့များမှာ သူ့ဘယ်ဘက်ခြေထောက်က အဆမတန်နာကျင်သည်။ ရာသီဥတုနှင့် နာကျင်မှု ဘယ်လိုဆက်ဆိုင်သည်ဆိုတာကိုတော့ သူဉာဏ်မမီ။ သို့သော် မိုးရွာတိုင်း ခြေထောက်တစ်ဖက်က ထုံကျဥ်ကိုက်ခဲလေ့ရှိသည်ကိုတော့ သတိပြုမိသည်။
![](https://img.wattpad.com/cover/320487706-288-k596760.jpg)
VOCÊ ESTÁ LENDO
𝐋𝑢𝑐𝑖𝑑 𝐃𝑟𝑒𝑎𝑚
FanficI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...