Unicode~
မနက်ဖြန်ဆို နာတာလူးပွဲတော်ရောက်တော့မည်။
သည်ညအိပ်လိုက်ရုံဖြင့် နောက်နေ့က ခရစ္စမတ်ပင်။
အိမ်ရှေ့ကျီးပေါင်းပင်ကို အတူတူ အလှဆင်ကြရင်း မည်မျှအေးသည်၊ မည်မျှနွေးသည်ကိုပင် လျစ်လျူရှုမိပြီးလျက်သား။
ရွှေရောင်ခေါင်းလောင်းများက တစ်ပတ်ရစ်ပစ္စည်းဖြစ်တာကြောင့် အနားသတ်ဆေးများက ကွာကျလျက်။ သို့သော်လည်း သိပ်ပြီး မသိသာလှပါလေ။ အဝေးကမြင်လျှင်တော့ လှနေဆဲပါပင်။
"မီးပုံးလေးတွေ ဒီနားလောက်မှာ ချိတ်ရအောင်"
"အင်း..ကြိုက်သလိုသာလုပ်"
လက်တစ်ဝါးစာလောက်ရှိသော မီးပုံလေးတွေထဲ မီးထွန်းပြီး ကျီးပေါင်းပင် အလယ်နားမှာ တန်းစီချိတ်လိုက်သည်။ သူများတကာလို ရောင်စုံမီးပုံးတွေ လင်းထိန်နေအောင်အထိ မတတ်နိုင်သော်လည်း သူတို့ခရစ္စမတ်သစ်ပင်လေးက သူ့အတိုင်းအတာနဲ့သူတော့ လှနေတာပါပဲ။
"မနက်ဖြန်ကျ ငါ့ကို ပွဲတော်ဆီခေါ်သွားမယ်ပြောထားတယ်နော်"
"အင်း.. စိတ်ချပါ"
"ပွဲတော်အတွက် အရမ်းရင်ခုန်နေပြီ ငါတော့"
အင်မတန် စိတ်လှုပ်ရှားပျော်ရွှင်နေဟန်ပေါက်သော Kim Taehyungကို ကြည့်ရင်း သူပြုံးမိသွားသည်။ လူတစ်ယောက်၏ပျော်ရွှင်မှုက တစ်ယောက်၏အပြုံးဖြစ်လာဖို့ရာ ပေါင်းကူးတံတားအဖြစ် ချစ်ခြင်းမေတ္တာတွေသာ လိုပါသည်။
"ဒီလောက်ဆို အရမ်းလှနေပြီပဲ။ နားကြတော့မလား"
ပုခုံးပေါ်က ခပ်နွေးနွေးအထိအတွေ့က သူ့ကို ခွန်အားပေးလျက်ရှိသော လက်တစ်စုံ။
ညအမှောင်ထုထဲ ခရစ္စမတ်သစ်ပင်လေးက တတ်စွမ်းသမျှအလင်းပေးလျက်ရှိလေ၏။
____
နာတာလူးပွဲတော်ဟာ တစ်ကမ္ဘာလုံးအလုပ်နားကြသည့် အားလပ်ရက်ဟု ယူဆထားပါသော်လည်း Jeon JungKookအတွက်တော့ ဟုတ်ဟန်မတူပါ။ မနက်စောစောပင် ထိုလူက လယ်တောထဲ သွားလိုက်ချေပြီ။
ဖြစ်နိုင်လျှင် သည်တစ်ရက်တော့ မသွားပါနှင့်ဟု တားလိုက်ချင်သော်လည်း သူ့မှာဤမျှသော အခွင့်အရေးရှိမရှိ မသေချာပါ။
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
