Unicode~
ကြယ်ရောင်စုံမြင်ရသော Oswiecim၏ ကောင်းကင်။
သူတို့နှစ်ယောက်လုံး အိမ်ရှေ့ တံခါးဘောင်ပေါ် ထိုင်နေခဲ့ကြသည်။ ညနက်သော်ငြား Oswiecimညတွေက တစ်မျိုးထူးခြားပါသည်။
အထူးတလည်တက်စရာ ဧည့်ခံပွဲမရှိ၊ လောကွတ်ချော်ရမည့် အပေါင်းအသင်းမရှိ။
သူတို့နှစ်ယောက်တည်းသာ..။
ဪ.. နှစ်ဦးပေါင်း၍တစ်ဘဝဖြစ်သော စွယ်တော်ရွက်ကဲ့သို့ဘဝကိုတောင် ရောက်ခဲ့ကြပြီတဲ့လား။ ဘယ်သူကများ ရွေးချယ်လိုက်တာပါလိမ့်။
သည်ခရီး သည်လမ်းကို လျှောက်ရလိမ့်မည်ဟု ဘယ်သူက တရားသေသတ်မှတ်ပေးလိုက်တာပါလိမ့်။
"ခင်ဗျားတော့ ပျင်းနေတော့မှာပဲ"
"အင်း.."
"ဒီမှာ ဘာလင်မြို့တော်လို ညကြီးမင်းကြီးပျော်ပွဲရွှင်ပွဲတက်နေမယ့်လူတွေ မရှိဘူး။ အခုခေတ်အခြေအနေအရပေါ့"
"အရင်ကရော စစ်တွေ မဖြစ်ခင်က"
သူတို့နှစ်ယောက်ကြား အကွာအဝေးက စစ်ဆိုသည့် ဝေါဟာရကြောင့်သာ ပိုဝေးကွာနေရခြင်းဖြစ်သည်။ စစ်သာ မရှိလျှင် လူမျိုးရေးခွဲခြားမှုတွေလည်း ဤမျှရှိလိမ့်မည်မဟုတ်။
စစ်သာမဖြစ်ခဲ့လျှင် သူတို့ကမ္ဘာငယ်က ဤမျှခြောက်ခြားစရာကောင်းလိမ့်မည်မဟုတ်။
စစ်ဆိုသည့်အရာဟာ စာလုံးတစ်လုံးတည်းနှင့်ပင် လောကနိယာမအဖုံဖုံကို လွှမ်းမိုးစေတတ်သော သတ္တိရှိပါ၏။
"စစ်တွေမဖြစ်ခင်က ညညဆို အခုလောက် မတိတ်ဆိတ်ဘူး။ ညဈေးတန်းတွေ ရိုးရာပွဲတော်တွေ.."
"ပျော်စရာကောင်းခဲ့မှာပဲ"
"ပိုက်ဆံသာရှိရင်..၊ ဝန်ထုပ်ဝန်ပိုးတွေသာမရှိရင် ပျော်စရာကောင်းခဲ့မှာပေါ့"
Jeon JungKookက မပျော်ခဲ့ရဘူးပေါ့။ မိသားစုတာ၀န်ဟူသမျှကို ချို့ချို့တဲ့တဲ့လိုက်ဖြေရှင်းပေးနေရသည်က ပျော်စရာကောင်းသည့်ကိစ္စမှ မဟုတ်လေပဲ။
သည်လူ့ဘဝမှာ ဒဏ်ရာဒဏ်ချက်အပြည့်။ သူဒါတွေကို စောစောကများမြင်နိုင်ခဲ့ရင် အကောင်းသားပေါ့။
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
