Unicode~
စိုက်ပျိုးရေးဘဏ်ကို ရောက်တော့ သူ့အတွက် နွေခေါင်ခေါင် မိုးကြိုးပစ်သလို အဖြစ်မျိုး ခံစားလိုက်ရသည်။ ဝုန်းဒိုင်းဆိုသလို ပြုတ်ကျသွားသည့် ဂျုံဈေးကြောင့် JungKook ဆောက်တည်ရာမရတော့။
"မနက်ကပြောတော့ ပေါင် ၃၀ ဈေးနဲ့ဆို"
"ဟုတ်တယ်။ အခုတင် ကျသွားတာ"
ထိုလူကတော့ အေးအေးဆေးဆေးပြောနေတာပင်။ ကိုယ့်မှာတော့ ဘာလုပ်လို့ ဘာကိုင်ရမယ်မှန်းမသိ။
သွားပြီ... တစ်နွေလုံး ကြိုးစားပမ်းစား နဖူးကချွေး ခြေမ,ကျအောင် လုပ်ခဲ့သမျှ တစ်ရက်တည်းနှင့် ပျက်စီးသွားလေပြီ။
၆ဆလောက်ကျသွားသော ဂျုံဈေးနှင့်တွက်ကြည့်မည်ဆိုပါက သည်ဂျုံအိတ်၁၅အိတ်လုံးရောင်းတာတောင် ပေါင်၁၀၀မရနိုင်။
ဟိုလှည့်သည်လှည့်နှင့် ယူထားရသော ဆေးဖိုးဝါးခအကြွေးများပင် ဆပ်လို့ ကုန်နိုင်ပါမည်လား။ ဒါတွေကို တစ်ခုချင်းတွေးရင်း ခေါင်းတဆစ်ဆစ် ကိုက်လို့လာချေပြီ။
"ဘယ်လိုလုပ်ဖြစ်နိုင်မှာလဲ။ အဲ့လိုမလုပ်ပါနဲ့ဗျာ။ ကျုပ်တကယ်အသုံးလိုနေလို့ပါ"
"အဲ့တာဆိုလည်း မရောင်းနဲ့လေ။ ဈေးပြန်တက်မယ့်အချိန်အထိစောင့်ပေါ့။ ဈေးကတော့ ကျနေဦးမှာ အလကားနီးပါးဖြစ်တဲ့အထိပဲ"
"အချိန်သိပ်ကွာတာမှ မဟုတ်တာ။ ပေါင်၃၀နဲ့ရအောင်လုပ်ပေးပါဗျာ"
ထိုစိုက်ပျိုးရေးဘဏ်မန်နေဂျာက စိတ်ရှုပ်ဟန်ဖြင့် သူ့ပါးသိုင်းမွေးကို ပွတ်သပ်လျက်။ ထိုလူကသာ စိတ်ရှုပ်ရုံရှုပ်တာ.. သူ့မှာတော့ ဘဝပျက်လုနီးပါး။
သူသာ တစ်ယောက်တည်းဆို သို့မဟုတ် Kim Taehyungသာ ကျန်းမာရေးကောင်းမယ်ဆို အခုလောက်ထိ ခက်ခဲမည်မဟုတ်။
အခုတော့ဖြင့် သည်အချိန်ဟာ သူ့ဘဝတစ်ခုလုံးနှင့်ယှဥ်၍ အခက်ခဲဆုံးပင်။
"မရဘူး ၅ပေါင်ပဲရမယ်"
"ကျုပ်တို့က လက်လုပ်လက်စားဗျ။ ခင်ဗျားတို့ကသာ ဘာရယ်မဟုတ် ဈေးကစားနေတာ.. တကယ်တမ်းခံရတာ ကျုပ်တို့လယ်သမားတွေပဲ"
BINABASA MO ANG
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
