Unicode~
ရုပ်နာမ်စိတ်ဝိညာဥ်မရှိသော နေ့ရက်များဟာ လူတစ်ယောက်ကြောင့် အသက်ဝင် လှပနေခဲ့ရသည်ဆိုလျှင် ထိုလူတစ်ယောက်ကပဲ ထိုနေ့ရက်များကို အဆုံးသတ်အသက်မဲ့စေနိုင်ပါသည်။
လယ်စောင့်တဲရှေ့မှာ အိုင်းရစ်ပန်းပျိုးပင်များကို တစ်ပင်ချင်းစိုက်နေသည့် JungKook. သူအသက်ရှိနေစဥ်ကာလမှာတော့ အိုင်းရစ်ပန်းများဟာ တစ်ခင်းလုံးဖြစ်သွားနိုင်ပါသည်။
"အစ်ကို JungKookက ဂျုံအိတ်တွေကျ ထုပ်မကူပေးဘဲ အဲ့ပန်းတွေပဲစိုက်နေတာ။ သူ့ဟာသူ အလေ့ကျပေါက်လာတဲ့ပန်းကို အပင်ပန်းခံစိုက်လို့"
"အလေ့ကျပန်းကို တကူးတကမစိုက်ရဘူးလို့ မင်းကို ဘယ်သူပြောလဲကွ"
ဗိုလ်ချုပ်Kimကတော် ဘာကြောင့် အိုင်းရစ်ပန်းများကို မကြိုက်ရလဲဆိုတာကို အခုမှ သူသဘောပေါက်တော့သည်။ အလေ့ကျပန်းတဲ့လေ။ မစိုက်မပျိုးဘဲ သဘာဝအတိုင်း ပေါက်လာတတ်သော အိုင်းရစ်ပန်းပင်များအား တကူးတကစိုက်ကြသူက ရှားပါးသည်။ သည်ပန်းတွေကို Kim Taehyung ဘယ်လိုများ ရှာတွေ့ခဲ့တာပါလိမ့်။
"ကျွန်တော်ကတော့ အလေ့ကျပန်းပင်ကို တကူးတကစိုက်တယ်လို့ မကြားဖူးမမြင်ဖူးပါဘူးဗျာ"
"အခုမြင်ဖူးပြီမလား။ အလေ့ကျပန်းဆိုပေမယ့် သူ့အဓိပ္ပါယ်က ဘယ်လောက်တောင် လှလိုက်သလဲ"
"ဘာတဲ့လဲ"
"မျှော်လင့်ချက်တဲ့"
ပြန်ဖြေတော့ Adlerက မကျေနပ်ဟန်ဖြင့် မျက်နှာရှုံ့မဲ့သွားသည်။ သူမျှော်လင့်ထားသည့်အဖြေဟုတ်ဟန်မတူ။ ကလေးသဘာဝ စကားလုံးအတိမ်အနက်များကို သိပ်တွေးယူလေ့မရှိဘဲ စကားလှလှများကိုသာ မျှော်လင့်ထားရှာမှာပေါ့။
"ဟင် မလှပါဘူး။ ရိုးရိုးပဲဟာ.. မလှတဲ့အပြင် ဝမ်းနည်းစရာတောင်ကောင်းသေးတယ်။ ကျွန်တော်ကတော့ မျှော်လင့်ရမှာကို သိပ်မုန်းတာပဲ"
"မင်းကများ ကြီးကြီးကျယ်ကျယ်။ ပြောစမ်းပါဦး မင်းက ဘာလို့များ မမျှော်လင့်ချင်ရတာလဲ"
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
