Unicode~
အသီးအရွက်နဲ့ အသားခြောက်အနည်းငယ်၊ ဂျုံအိတ်တစ်အိတ်နဲ့ တခြားကောက်ပဲများ.. အစစအရာရာက ဈေးတက်ပြီး ခပ်ရှားရှား။
Taehyungကတော့ ဈေးတက်တယ်၊ ကျတယ်ဆိုတာတွေကို သိမနေပါ။ ဒါဟာ သူ့အဖို့တော့ ပထမဆုံး အစားအသောက်အတွက်ဈေး၀ယ်ထွက်ဖူးခြင်းပင်။
ဆန်ဆီဈေး၊ ဂျုံပြောင်းဈေးအတက်အကျများဟာ သူနဲ့ သက်ဆိုင်လာလိမ့်မည်ဟူ၍လည်း အိပ်မက်ထဲတောင်ထည့်မမက်ဖူးခဲ့။
"ဘာပဲဖြစ်ဖြစ် မီးဖိုးချောင်သုံးပစ္စည်းတွေရှိနေလို့တော်သေးတာပေါ့။ မဟုတ်ရင် ခုချိန်မှာ ပန်းကန်ခွက်ယောက်ကအစ ဈေးကြီးနေတာနဲ့"
Jeon JungKookက တစ်ယောက်တည်း တီးတိုးရေရွတ်လျက်။ သူ့ဘက်က မနှစ်သိမ့်ပေးသလို ဘာမှလည်း ပြန်မလုပ်ပေးနိုင်။
သူ့ရဲ့နဂိုဘဝလေးကနေ ချက်ချင်းချောက်ထဲကျသွားသကဲ့သို့သော အပြောင်းအလဲအပေါ် အံဝင်ခွင်ကျဖြစ်အောင်ပင် အနိုင်နိုင်လုပ်ယူနေရသည်။
"ဆီဝယ်ပြီးရင်တော့ အိမ်ပြန်ကြတာပေါ့။ မနက်စာနဲ့ နေ့လည်စာလည်း လမ်းကဆိုင်မှာပဲ ပေါင်းစားကြမယ်"
"ဟင်...ဒါဆို မွန်းလွဲလက်ဖက်ရည်ချိန်ကရော"
"ခင်ဗျားကိုလက်ဖက်ရည်ချိန်ပေးနိုင်ဖို့ ကျုပ်အချိန်ယူကြိုးစားရဦးမယ်"
ဆိုလိုသည်က သည်မှာ လက်ဖက်ရည်ချိန်မရှိဘူးပေါ့။
တဖြေးဖြေးနှင့် လူတွေပြောနေကျ အထည်ကြီးပျက်ဆိုတဲ့စကားကို အထာပေါက်လာသည်။
အခု သူပါ အထည်ကြီးပျက်ဖြစ်နေပြီလေ။
ချမ်းသားမှုနှင့် ဆင်းရဲမှုကြား အလွှာက ပါးပါးလေး။ ထိုအလွှာပါးကို မကျော်မိစေရန် ထိန်းသိမ်းဖို့ရာက လွယ်မယောင်နဲ့ခက်သည်။
နေ့ချင်းညချင်း သူထိုအလွှာပါးကို ဖြတ်ကျော်မိလိုက်ပြီး လှည့်ပြန်နိုင်စရာ အကြောင်းမရှိတော့။
JungKookက ပစ္စည်းတွေကို လက်နှစ်ဖက်နှင့်အပြည် သယ်သည်။ ဆီပုံး၊ ဂျုံအိတ်လို ပစ္စည်းအလေးကြီးတွေကြောင့် လက်မောင်းကြွက်သားများက ဖုထစ်လျက်။
သို့တိုင်အောင် ဘယ်ပစ္စည်းပစ္စယကိုမှ Taehyungကို သယ်မ,ခိုင်းခြင်းမရှိ။
JE LEEST
𝐋𝑢𝑐𝑖𝑑 𝐃𝑟𝑒𝑎𝑚
FanfictieI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
