My Personal Yaya

Chapter 35

Chapter 35

“Oh hija, buti nandito ka.”

Napatingin ako kay ma’am Celine, na kadadating lang, nang marinig ko ang boses niya.

“Yes, tita. I was about to leave na nga, eh.” nakangiting sabi ni Cheska, tumayo siya galing sa pagkakaupo sa gitna ng long sofa sa living room, at nakipagbeso dito.

“Mom.” Tumayo rin si Zach na katabi ni Cheska’ng nakaupo sa sofa, at humalik sa pisngi ng kanyang mommy.

“Naku, ma’am nandito pala kayo? Sandali lang po at ipapahanda ko ang meryenda niyo.” Nagulat si Manang Koring ng makita niya si ma’am Celine na narooon sa may living room ng bahay.

“Thanks, Manang.” Sabi ni ma’am Celine.

Nang marinig kami ni Cheska kaninang nag-uusap ni Kary, ay kararating lang pala niya nun’. Dito na rin siya nananghalian, at ngayon ay dito sila sa may living room ni Zach nanonood ng horror film.

Kanina pa sila nagtatalo sa kung ano ang gusto nilang panuorin, ang gusto ni Zach ay basketball, well… hindi na ‘yun iba sa mga lalaki. Ang gusto naman nitong si Cheska ay romance movie, kaya ako ang tinanong ni Zach ngayon, na tahimik lang na nag-aarange ng mga bulaklak doon.

Wala sa sarili kung sinabi ang horror, hindi ko naman inakala na susunduin ito ni Zach. Nang una ay makikita sa mukha ni Cheska ang pagkainis sa’kin, ngunit kalaunan tingin ko ay nagugustuhan niya na rin ang palabas. Dahil tuwing may nakakatakot na scene, ay napapatili, o ‘di naman kaya ay napapayakap siya kay Zach para itago ang mukha niya sa dibdib nito.

Lihim akong napailing papahapon pa ngalang ay ganyan na ang mga reaksyon niya, paano pa kaya kung gabi at patay ang mga ilaw at ilaw lang galing sa television ang nagsisilbing liwanag. O pwede rin na sinasadya niya, dahil pagkatapos niyang yumakap kay Zach ay kita ko sa gilid ng mata ko ang paglingon niya sa’kin, at hindi nakaligtas sa’kin ang pagngisi niya.

Pati ako ay nakinood na rin habang ako’y nag-aarange ng bulaklak. Para sa’kin ay hindi naman nakakatakot, eh, nagugulat minsan sa sounds effect, pero minsan mas nagugulat pa nga ako sa reaksyon ni Cheska kapag natatakot siya, eh. Pero itong si Zach naman yata ang nagsisisi na sinunod niya ako, dahil kay Cheska. Dahil sa t’wing mapapatingin ako sa kanila ay ang sama ng tingin sa’kin.

Nahihiwagahan pa rin ako kay Cheska kung paano niya nalaman na nakainom ako at may hangover, sa huli ay ipinagkibit balikat ko nalang ito.

Nilagay ko ang panghuling flower sa vase, pagkatapos ay kinuha ko ang maliit na watering can at marahang binuhusan ito ng tubig. Gano’n din ang ginawa ko sa iba pang halaman na naroon sa loob ng bahay.

“Bye, tita.” Rinig kung sabi ni Cheska.

“Ma’am Celine. Ito na po ang meryenda niyo.” Sabi ni ate Risa pagkatapos ilagay ang blue berry cheesecake at fresh squeeze orange juice sa center table.

“Oh, okay. Take care, dear.” Nginitian niya si Cheska.

“Yes, tita.” Kumaway si Cheska habang naglalakad palabas ng bahay.

Umupo si ma’am Celine sa tabi ng kanyang anak, kinuha ang plate ng blue berry cheesecake pagkatapos ay maliit itong hiniwaan ‘tsaka sinubo. Humiwa ulit siya at inilapit naman niya ngayon ang kutsara sa bibig ng kanyang anak. “Ah…” sabi niya pa.

Una ay hindi siya pinapansin ni Zach ngunit makulit ang kanyang mommy. Inilayo niya ang kanyang mukha at hinawakan ang kutsara para siya ang pagsubo sa sarili niya, ngunit hindi siya hinayaan ng mommy niya at inilayo ang kutsara sa kanya ‘tsaka iniumang ulit sa kanyang bibig.

“Mom.” reklamo niya sa kanyang Ina 'tsaka napipilitan na isinubo ang iniumang na pagkain ng kanyang mommy. Hindi na siya makatingin sa’kin, at kita ko na rin ang bahagyang pagpula ng dulo ng kanyang tenga.