RECOMMEND SONG !
........
"အကိုလေး ။ကား ကားသော့ မဖွင့်ရသေးဘူးလေ "
"အော် အင်း။မေ့သွားတာ "
"ဟုတ်ကဲ့ဗျ ။ဒီမှာ အကိုလေးပစ္စည်းတွေ ကျွန်တော်နောက်ခန်းထဲပဲ ထည့်လိုက်မယ်ဗျ။"
"အင်း "
ဒီနေ့မှ အကိုလေးက တစ်ခုခုကိုစိတ်တိုနေသလိုပင်။မနက်တည်းက အကိုလေးက အရင်နေ့များလို အကြည်ဓာတ်လေးဖြစ်မနေ ။ရုံးကလူတွေကို မကြည်တာမျိုးလဲမဟုတ် ။၀န်ထမ်းတွေကိုလဲ တစ်ယောက်မှ ခေါ်ပြီးဆူတာမျိုးမရှိ ။အကိုလေးက သူတစ်ယောက်တည်းကိုပဲ ဘာကိုအလိုမကျမှန်းမသိ ။အနီးကပ်နေရတဲ့ အတွင်းရေးမှူးကျွန်တော်ကပဲ သူဌေးကစိတ်တိုနေတော့ စစ်မြေပြင်ထဲ စစ်တိုက်ထွက်နေရသလို ကြောက်လန့်နေရပါသည်။ခန့်မှန်းမိသလောက်ဆို ဒီနေ့ အကိုလေးကသူ့ယောင်္ကျား လာမကြိုလို့များ စိတ်ကောက်နေတာလား ။
အကိုလေးထွက်သွားကာမှ ကျွန်တော်လည်း အသက်ကောင်းကောင်းရှုနိုင်တာဖြစ်သည်။ဟူး .. ကံသီပေလို့ပေါ့ ။ကျွန်တော်တို့အကိုလေးက သူဌေးကောင်း၊သူဌေးမြတ် ။ကျွန်တော်ကသာ ထိတ်လန့်နေတာ အကိုလေးက ကိုယ်ရေးကိုယ်တာကိစ္စအတွက်နဲ့တော့ ကျွန်တော်တို့ကို ဆူပူနေမည့်သူမျိုးမဟုတ်လို့ တော်ပါသေးသည်။
"ဟဲ့ ဒီနေ့တို့သူဌေးက ဘယ်လိုဖြစ်ရတာလဲ ၊ကြည့်ရတာ စိတ်တိုနေပုံပဲ "
"ဒီမှာ ၊အကိုလေးအကြောင်းကို ကွယ်ရာမှာအတင်းချမယ် မကြံနဲ့ ၊နင်တို့ အကိုလေးကို ကောင်းတိုင်း မထောင်းကြနဲ့ ။သဘောကောင်းတယ်ဆိုပြီး သစ်ကုလားအုပ် လုပ်မယ်မကြံနဲ့ ။"
"အံမယ် ၊အတွင်းရေးမှူးဆိုတိုင်း ထောင်ကြွားနေလိုက်တာ ။ဟဲ့ သူဌေးက ငါတို့သူဌေးလဲ ဟုတ်ပါတယ်နော် ။ငါတို့က စိတ်ပူလို့ပြောတာ အတင်းပြောစရာလား ။"
"ပြီးတာပဲ ။နင်တို့လဲ ပြန်ကြတော့ ငါလဲပြန်တော့မယ်။"
"ငါတို့က ခုပြန်တော့မှာ ၊နင်သာတစ်ယောက်ထဲကျန်ခဲ့တော့မှာ ရုံးထဲကသရဲခြောက်ရင်တော့ မတတ်နိုင်ဘူး ပြန်ပြီဟေ့ ဘိုင့်ဘိုင် ။"
YOU ARE READING
မောင့်ရဲ့နှိုင်း (သို့မဟုတ်)နှိုင်းတုမမှီ [COMPLETED]
Short Story"ထွက်သွားခိုင်းလဲ ထွက်မသွားမယ့် ကျွန်တော်မလို့ အကိုသာ ခါးသိမ်သိမ်လေးတွေကို မတွန့်တိုကြေး"