المتمردة وزعيم المافيا (باللهجة الجزائرية)

البارت3

فوط + تعليق 

وصل قدام مركز الشرطة هبط من طومبيلو بقوة وجبروت يخافو منو اللي يشوفوه نحا ليناتو ومشا وقف متوال البيرو حل الباب ..... ناض اللي كان قاعد فوق الكرسي سلم عليه وهو ميت بالخوف لدرجة تصدم ابنو اللي متوالو من تصرف باباه

الراجل بخوف : مسيو آدم اسمحلي على الاتصال المفاجئ وشكرا ليك كي خصصتلي وقت

قاعد ينغز في ابنو من تحت الطاولة ينوض احتراما ليه دار وش قالو بااباه بتردد وهو مزالو مصدوم كيفاه باباه السياسي العظيم ويخافو منو يعتذر ويخاف من هاذ الجون  اللي مزال في اواخر العشرينات

وجه آدم النظر تاعو لجهة هاذاك السياسي هزلو راسو باش يكمل هدرتو

الراجل : كيما راك تشوف مسيو هاذا ابني أيان  تهجمت عليه طفللة وشوهت  وجههو وضرباتو ودزاتو للسبيطار في حالة وماعندوش بزاف ملي ناض

هز ادم حاجبو بصدمة واستفهام ومزالو يشوف فيه ببرود

الراجل بتوتر : احممم قصدي ضرباتو كي كان بالملهى البارح

آدم : ونتا لاه مادافعتش على روحك ؟؟

أيان  :ماكنتش في وعيي مسيو وانا مانضربش البنات

تبسم ادم بسخرية : لاه ضرباتك !!!! اكيد ميش راح تضربك هكذا بلا سبة من ساسها راسها 

أيان :  هي اللي همجية وعنيفة  تقولها كلب مصعور  تضرب برك 

آدم : راح نبحث في هاذ الموضوع

وجه النظر تاعو للكبير اللي يدو ترجف من الخوف وهو يتمنى يكون اللي قدامو ادم البارد ماشي هاذاك الشبح اللي يعرفو ويعرف اعمالو البشعة

الراجل : نشكرك مسيو ادم على هاذا وانا بعثت بعض رجال الشرطة يقبضو عليها ونظن راهم في الطريق .......

ماكملش هدرتو كي سمعو صوت عياط كبيير جاي من التحت وفوضى عارمة تقول ناضت حرب عالمية ثالثة

لميس بالعياط : هاي ياوحد الحيوان المتخلف يخي قتلك اعرف كيفاش  تعامل الانسات  بعقلك اني طفلة مانيش راجل ا السي خونا وشبيه جدك !! انا تنازلت وجيت معاكم لهنا وفرطت في ماكلتي  وخليتها وحدها فوق الطابلة ونتا تجر فيا هنا كي الكلبة ياوحد الباندا يا الكلب يا القرد الفرطاس اللي يخلي القمل في مجاعة اطلقنننني 

بقات تنفض في روحها وتدز فيه باش يطلقها  

البوليسي: اوووووووف اسكتي صدعتيلي راسي معييتيش  ؟؟؟ من قبيل ونتي ترني فوق راسي بلععي فمك شوي تقول سارطة كاسات

لميس: اطلقني يا الحمار اطلللللللقني اني جيت هنا بارادتي ياااااا راس البندير اطللق متقيدنيش هكذا كي الذليلة اني جيت بكرامتي ماحكمتونيش