المتمردة وزعيم المافيا (باللهجة الجزائرية)

البارت74

فوط + كومنتار

تسريع الاحداث

فاتو الايام وشهور وبالضبط فاتو شهرين على ابطالنا من ذاك اليوم ولميس هازة روحها على ادم ماتهدرش معاه اطلاقا قالبتها غار ع النوم وخلاص رجعو عندها 4 اشهر حمل وكرشها برزت بزاااف ماشي غار شوية بان عليها الحمل صصحح

كانت قاعدة في الكوزينة وبالضبط فوق البوطاجي متربعة بصعوبة توكل في الكرام بلا حبسة طول فترة حملها وهي هكذا كانت ملتزمة الصمت بيسك ميش رايحين يفهموها ولا تفهمهم طول هاذ الشهرين قاعدة وحدها لا اتصال لا تواصل شافت ادم اللي دخل الخدم كلهم هبطو روسهم باحترام اما هي كملت توكل متجاهلاتو

مشا باتجاهها وهي كملت توكل ولا على بالها

ادم : هيا وجدي روحك نخرجو تبدلي شوي ملييح ليك تتحسن نفسيتك شوي

لميس ببرود : لا

ادم : لميس ماتخلينيش ضك نخرج من حبال عقلي اني نهدر معاك بالعقلية روحي البسي قشك وهيا

لميس : منخرجش تساالني ؟؟ ديجا رايحة نرقد نعست بعد علي

دزاتو وجات هابطة قريب فقدت توازنها قريب تفلقت حكمها ادم اخر شعرة كون جات على وجهها حضنت كرشها برعب

ادم : ***** اتولهي تزيدي تطلعي لهنا نحيلك الرحمة تاعك

لميس : بعد عليا متحوسش عليا

رمات كلامها وجات خارجة شاف فيها ادم وهو حاكم الضحكة من هيأتها حملها حلاها كثر وكثر رجعت عصبية بزاف وكرشها المكعبرة خلاتها تبان في منظر مغرري كانت بزااف كيوت وفي قمة اللطافة

ادم : اذا قعدتي هكذا الماكلة والرقاد مايجي يوصل التاسع تولي قد البقرة ماتقدريش تتحركي هاذا وين قلنا بسم الله في الرابع وليتي قد هك

حلت عينيها بصدمة ودارت ليه منرفزة عرف مليح كيفاش يتمكن منها ويلعبلها ع الوتر الحساس

لميس : ماتتنساااش بلي نتا اللي خليتني هكذاااا قد البقرة وزيد ابنك اللي بسلامتو ثقيل ومثقلني معاه زي باباه يحب يتعبني بزااف

ضحك عليها ومشا ليها قعد القرفصاء وحط يدو على كرشها يمسح عليها بحنانة بعدت عليه

لميس : بعد عليا قتتلك ماتمسنيش

ادم : مانيش نمس فيك اني نمس في ابني

قلبت عينيها بملل وهي حاطة يديها على خصرها

ادم : وش رايك نروحو للطبيبة نعرفو جنسو كلاني الفضول

لميس : لا لا والف لا مزاال حتان يولد ونعرفو .... ديجا نحي نحي يدك المدودة عليا مابقيتش نحملك تستغل في ابنك باش تتحرش بيا ياوحد المنحرف

بعدت عليه وهي قالبة خليقتها عليه طول هاذ الشهرينو وهو صابر عليها عارف اللي كرهاتو في وحمها بعد ماكانت تحبو قرا على الحمل وفهم اللي هاذ هرمونات الحمل اللي راهم يلعبو بيها وهاذ الشي اللي راه مصبرو عليها