المتمردة وزعيم المافيا (باللهجة الجزائرية)

البارت34

في بلاصة اخرى

حطها السرير تاع السبيطار ببطء ومسح على شعرها

سراج : ضك انا نتكفل بكللش لازم تزربي ترتاحي وتولي كيما كنتي وبموافقتك نوليو كيما لميس وادم

بقات مايا تخرز في تفاصيل وجهو بملل من هاذا اللي راه واقف قدامها وش يكون حتان راهو مهتم بيها هكذا لهاذ الدرجة حابة تهدر وتخرج كلام من فمها باش تنوض ليه تضربو وتقسمو لاه وش يكون حتان يحط يدو عليها ويمسها قلبت عينيها بغضب وغمضتهم عاطياتو بظهر بقا يتفرج فيها وفي هيأتها وتفاصـــيلها كلشي يجذب فيها بصح حاس بحاجة انورمال فيها

________________________________

لميس : وااااااو حمام مرييييييح بزااااف واخيرا نحيت هاذيك الروبة تحسب مخدومة بالسيمة

لبست البرنوس اللي لقاتو ثم جاها كبييييير عرفاتو بلي تاع ادم من هاذ البرنوس عرفت وادركت فررق الحجم اللي بيناتهم حست روحها متحنطة كثر من المومياء فيه كان بزاف كبير عليها خرجت من الحمام وهي تتهاوش مع ذبان راسها

لميس : ياااا سلاام على العايلة الحنينة اللي عندي ماجابوليش حتى لبسة نلبسها

تنهدت بحزن ومشات لا دريسينغ شافت في قش ادم حلت فمها بصدمة

لميس:واااااااو كم هاذا راااائع السيد حال سونتر كوميرسال هنا هاذو كاامل يلبسهم؟؟؟ ماشي قالي بلي هاذ الدار كاريها ؟ وكتا لحق يجيب هاذ القش كاامل هنا..؟ ... اووف وانا ضك وش يهمني فيه يدير اللي يحب ينندب

درات في لادريسينغ هاذيك حايرة فيها كانت قد الدار اللي كانت عايشة فيها هي ومايا كانت تشوف فيها باعجاب كبير بلاما تخمم راحت دات سيرفات نوار من قشو وطبعا مكانتش مناسبة لاطايها رفعت كمام السيرفات للمرفق والسروال شمراتو للركبة ولات زي الفلاح بصح هاذاا لشي ماخباش جمالها وطفوليتها

لميس: هههه البطلات في الافلام والمسلسلات في نفس الموقف تاعي يلبسو غار تريكو البطل وانا دفنت روحي في هاذ الشكارة

هزت كتافها بلا مبالاة ومشات لبست كلاكات من تاع ادم وهي تأفف من منظرها هاذا اللي كان بالحق يضضضحك مشات هابطة تروح للكوزينة كشما توكل شمت ريحة الشراب والدخان قاااسحة في الصالون مشات ثما عقدت حواجبها كي شافاتو متسطح ع الفوتاي ناشر ذرعيه ورجليه على الطابلة ومغمض عينيه ويتكيف تقريبا قريب يخلص الباكي وشحال تكره ريحة الدخااان كي وصلتها ريحتو بدات تسعل وصل صوتها لمسامعو مي تجاهلها

لميس :ااااااي وش راك تدير؟؟

لزت على قبضة يدهاا لصغيرة كي تجاهلها وشعل سجارة وحد اخرى مشات جيهتو ونحاتهالو من فمو

لميس : قتلك وش راك تدير م******

في لحظة كانت بين يديه يلز على فكها وحاكمها من شعرها من الخلف وعينيه حمورة شي من الدخان شي من القلقة