ناض كي حس بحرارتو مرتفعه ناض بالسيف شاف في ساعة يدو ناض يسب ويلعن كي دار روطار ساعة ع الاجتماع وهاذا جامي صرا من قبل عيط على طولو على الخدم دخلو كامل مهبطين روسهم مرعوبين
ادم : لاه مانضوووتونيش تأخرت ع الاجتماع تاعي بسبتكم ؟؟
نطقت وحدة من الخدم اللي ثم وهي ترجف هزت راسها بقات مسمرة كان عريان من صدرو بقات تايهة في هاذوك العضلات ولا وجهو اللي كان لوحة فنية
الخدامة : والله غار نوضناك سيدي بصح نتا اللي ماحبيتش
تصدم من هدرتها خاطر اغلب الخدم وافقوها الراي
ادم في نفسو : ا ربي وليت كيما البهلولة هاذيك اثرالعشق بقلبي لدرجة نسيت عقلي ؟ يا الرب وش درتي فيا
ادم : اخررجوا
خرجو بكل احترام وهو مشا للحمام وهو يفكر في روحو جااامي دار روطار في النوم لشتا دقيقة ولشتا مريض دقيق بزااف في مواعيدو نفض الافكار من راسو دار دوش سريع ولبس قشو اللي كان عبارة عن بدلة رسمية كي العادة
___________________________
في وسط الشركة اللي يوصل عدد العمال فيها الالاف المؤلفة وبالضبط وسط قاعة الاجتماع تقلقو من هاذيك اللي واقفة في القاعة وجاية رايحة قلقتهم بصوت طالونها اللي يخبط في الارض بقوة
ميرا : فاتت ساعة وحنا هنا نستناو لاه مجااش؟
زادو تقلقو من هدرتها صح حسوه بلي يتمسخر بيهم يستغل في بلاصتو باش يدير فيهم اللي يحب كانت رايحة تزيد تهدر قاطعها الباب اللي تفتح ودخل منو اكثر رجل شهامة وقوة وصرامة ورجولة في نظرها شافو كامل جيهتو باهتمام عكسو هو اللي كانت نظرتو باردة ولا على بالو يحوس ينهي الاجتماع بسرعة اول مرة يخمم في هاذ الشي من اللي بدا مسيرتو وهذا كامل علاجال باش يبدا يوجد لحفل زواج اسطورري من اللي اسرت قلبو من اول مرة
مشا بااتجاه بلاصتو بكل كاريزما ووهرة وقعد مترأس طاولة الاجتماع مد اشارة باش يبداو حاس بنظرات ميرا ليه واللي منحاتش عينيها منو طول الاجتماع فهم غايتها وتخمامها وين حابة توصل
بعد مدة خلاص الاجتماع وخرجو الاعضاء واحد ورا واحد رخى روحو على كرسيه وتكا راسو مغمض عينيه حس بلي واحد مزال في القاعة فتح عينيه بهدوء ........
***************************
لميس : اعععععععع وشنهي هاذا نميي والله ماهي عفسة هاذي نوض صباح ربي من فراشي نعلبو القراية تاع الهم هاذي
ناضت بزربة غسلت وجهها ومشطت شعرها خفيف ظريف بلابروس ولبست قشها
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...