⭐ تصويت + ✍️💬 تعليق فضلا وليس امرا
بعيد على لوس انجلوس لمنطقة ابرد منها روسيا البلد المشهور بالجمال والعصابات الخطيرة والمافيات اللي يترأسها بطلنا داخل قصر كبييير عريق كلاسيكي مترأس طاولة الطعام راجل في الخمسينات مزال بوهرتو وكاريزمتو قاعدة جنبو مرا ماتفوتوش في السن بزااف ملامحها معقوودين تشوف في اللي قاعدة قدامها قريب تنوض ليها تكرفسها
الياس : خلاص حبيبتي راح تقتليها بنظراتك هاذي ماكيش تشوفي فيها ماشي مليحة ؟؟ كالمي روحك وجهك ولا مجعد
سيلفا : كيفاه نكالمي روحي وبنتك ميش ملتزمة بحصص الترويض تتصرف باهمال وكأنها ميش حابة تمشي مرة اخرى
تنهد الياس بحزن شاف في بنتو اللي كانت تشوف في صحنها قلبو يتقطع عليها كلما يشوفها كانت تعابير الحزن وفقدان الامل ماتفارقش عينيها من هاذاك اليوم اللي ولات ماتقدرش تمشي فيه ... رغم مجهود عايلتها وتحفيزهم ليها بصح فقدت طعم الحياة رغم حنان والديها ومحاولات خوها ماقدرتش تمشي خاطر مقتنعة بلي صايي مستحيل تزيد تحرك رجليها
تبدلت حياتها من طفلة مرحة لطفلة منغلقة على روحها قليلة الكلام ماتتبسمش غار بوجود خوها ادم هو الوحيد اللي يزين حياتها كونها تعرف وش يدير علاجالها
يارا والدموع في عينيها : ماتشوفش فيا هكذا بابا انا ميش راح نمشي مرة اخرى مانقدرش نوقف ولا نمشي ولا نجري مالا مكان لاه تتأملو خليوني في حالي عيشكم
حكمها باباها من يدها
الياس : لاه راكي تديري في روحك هكذا يارا ماتعقديش الامور بزاف كاينة 5% باش ترتاحي لاه ماتأمنيش بيها كاين احتمال باش تمشي لشتا صغير
سيلفا : صح يابنتي راكي مزلتي صغيرة في العشرينات لاه تفقدي الامل وتحطمي روحك هكذا مزال قداامك عمر طوييل عيشك يارا نحتاجو عزيمتك وارادتك وحماستك راكي تقتلي في روحك وفيا بالعرق راني نتحرق عليك كبدتي مشوية عليك يلا ماشي علاجالك علاجنا انا بااباك خووك
يارا بالعياط: من وكتا انا عندي الزهر لاه هاذيك النسبة الضئيلة رايحة تكون من نصيبي؟؟ طول العمر ميش رايح يرجعو رجليا ماتضغطوش عليا عيشكم
مسحت دموعها وخرجت
سيلفا : كون ماتروحيش للترويض نخبر ادم ونظن ميش راح يعجبو هاذا وتشوفي كسع يشقى ليك لهنا ينعتلك وهو اللي يضغط عليك
يارا : كون تقوليو والله مانسمحلك خليوووني في حالي مانيش حاااابة اسيدي ميش رايحة نولي نمشي لاه ماتفهموش .... والله وتقولو لادم مانسامحكم
الياس : كون يعرف ادم بهاذ الشي والله غار يدقدها
_________________________________
دخلت لميس للملهى بعد ماشرات روبة نوار ميني محلولة جيهة الصرة طالقة شعرها مغطي غار رقبتها راحت ديراكت وين تشطح تحت عينين الرجال المعجبة
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
