المتمردة وزعيم المافيا (باللهجة الجزائرية)

البارت 40

خبط المكتب بكل قوة خلى اللي قدامو يترعب من الخوف 

ايفان : مايهمنيييش فيك نحوسك تخططفها من ثم بأي طريقة 

" مسيو ايفان الحراسة مشددة بزاااف في كل شبر كاين حراس "

ايفان : بعد يومين نحبك تخرجها من ثم ولا اعتبر روحك من الميتين  

" اوكي مسيو ايفان راح ندير جهدي باش تكون عندك "

خرج الراجل من ثم  خبط ايفان البيرو بقبضة يدو وهو منرفز

ايفان : ميش راح نستراح حتان نقضي عليك نتا و المافيا تاعك يا ادم لوينو 

وجه نظرو للتيليفون اللي يصوني تبسم شطر تبسيمة وهز 

ايفان : اهلا  بيدي اليسرى 

ميرا : وشكون اليمنى ان شاء الله

ايفان : خليها للايام تكشفلك شكون يدي اليمنى 

ميرا : حاجة ماتخصنيش المهم عيطلتك عندي معلومات على لميس تحتاجهم 

ايفان  وهو يلعب بالكاس اللي متوالو  : وش تعرفي ؟

ميرا : ههه كل اللي نعرفو اللي  انا منقدرش نقعد هكذا نتفرج  فيهم وهوما عايشين حياتهم الزوجية بكل فرح وسرور

ايفان بمكر : علابالي وش تحوسي ونتي اكثر وحدة تعرفي ادم لوينو  حتى لو ديتها وخطفتها  يلقاها ادم في ظرف ربع ساعة  لازم علينا نبعدوه قبل من طريقنا 

ميرا : مقدرتش نحمل نشوفهم هكذا  يحبها لدرجة متتصورهاش كون جات بيدي كون قتلتها هاذا قداه  ولات شايفة روحها بزااف  بعد ماتزوجت 

ايفان : شوفي تمسي منها شعرة وحدة  ماتسلكيش من بين يديا 

ميرا بالعياط : الكلام هاذا موجه ليك ثاني مسيو ايفان  منحبش حاجة تمس ادم   غدوة نتلاقاو ونتفاهمو  ع الخطة

كوبات وهي تغلي من الحقد على اختها مفهمتش وش الحاجة المميزة اللي فيها اللي تخلي الكل عاشق فيها  دارت خارجة لقات امها واقفة في الباب  دخلت بعد ماسمعتها تعيط وهي فايتة على لا صال دو مونج  بيسك مزالو في قصر ادم  راحت ليها وشدتها بقوة من ذراعها 

فيروز : نتي ماتفهميش ؟؟؟  ولا هبلتي  قتلك ادم ميش تااعك  هو راجل لميس وضك تشوفي كيفاه تشكريني بعد ما تشوفي  التملك تاعو اني كبيرة ونعرف خيرمنك 

ميرا : ماما لاه راكي تديري فيا هكذا قتلك نحببببو ماتفهميش ؟ حسي بيا شوي  مايهمنيش تملكو ولا طباعو  انا نعشق كل حاجة فيه  مع الايام تعرفي بلي يولي ملكي

يارا : شكون اللي يولي ملكك ميرا ؟؟ 

دخلت يارا لاصال دو مونج ووراها امها  تبسمت معها ميرا بلطف  جات رايحة تجاوبها دخل ادم  ووراه لميس