فوط + كومنتار
وصلو لوجهتهم دارت لميس روحها راقدة .. ماعندهاش الحرأة تهدر معاه ... هوها ادم بين يديه كي العادة توجه لمدخل الباب حلت لميس شطر من عينيها بالتخبية بفضول تشوف التصميم
لميس في نفسها : شحال عندو من دار هاذا كل وحدة بستيل شحاا يخلص زعما !!؟؟
توجه مباشرة لغرفتهم حطها فوق السرير وراح جاب قشها وبدللها ... بلعت لميس ريقها من الحرررج بصح ماقدرت تدير والو ... لأنو هو راجلها بعد كلشي وثانيا اذا ناضت راح يكون موقفها غبببي .. قاومت وهي تحاول ماتتكشفش لأنو راح تكون تبهديلة حمممرة
حطها ادم وغطاها وراح بدل قشو حتى هو وهو يعطس في كل دقيقة
تنفست لميس براحة بعد ماخرجت ضربت على قلبها بخفة اللي ماحبش يحبس من النبض بقوة فتحت عينيها من جمال الغرفة اللي بيها راققية بزاااف البيوت اللي عاشت فيهم في زوج كل وحدة تنسي في لوخرا غمضت عينها بسرعة كي حست بيه رجع تسطح في السرير وجبدهاةضمها معاه تحت الغطا ورقد ثمثم من التعب
مر الوقت فتحت لميس عينيها ببطء بعد ماسمعت انفاسو المنتظمة شافت في وجهو بحززن... حست بآلام في صدرها ع الشي اللي راه ديرو فيه ... علابالها هي الوحيدة اللي تشوف ابتسامتو وضحتو.. ودفئو .. حنانتو ... طيبتو ... مانساتش نظرتو المرعبة اللي شاف بيها للرجال ولكل من حولهم .. علابالها اللي قادر يقتل العالم في سبيل راحتهة وهاذا اللي مخوفها ... خايفة يزيد يدير حاجة سيئة وحدة اخرى بسبتها وهي ماتتحمل تتأذى نمل. بسبتها ... هو يدافع عليها ويحميها بما لا يجوز
لميس بهمس : وش الشي اللي خلى راجل كيفك يطيح في حبي لهاذ الدرجة !!؟؟ وش الحاجة المميزة اللي فيا اللي خلاتك تطيح فيا ؟؟!
لمست لحيتو بلطف وعينين يبرقو طبعت بوسة على ذقنو بخفة كانت في قلبها بقات تحاول تحفظ كل ملامحو شحااال حابة تقعد بجنبو وفي حضنو وتحت ظلو شكون اللي راح يحبها ويحميها من غيرو
مسحت على حواجبو بهيام وغمضت عينيها بتعب بعد تأمل كبير فيه غمضت عينيها بخفة وبتعب وهي تخمم كيفاش توفي بوعدها لصحبتها ...نزلت نظرها للرسمة الموشومة il fantasma في يدها وهي تتحسسها معلابالهاش كيفاش تقدر تنحيها اكيد تتنحى بمادة معينة
بللت شفافها وشافت في ادم تنحي في يدو اللي لافها على خصرها بالشوي خايفة ينوض ناضت من السرير بالعقل علابالها حركة خفيفة تفيقو خرجت من الغرفة بخفة وراحت تبحث في القصر ع البيرو تاعو تحوس على ورقة وقلم
دخلت لكل الغرف واخير لقات المكتب تاعو شافت فيه بانبهار راحت تحوس في الادراج قطبت حواجبها باستغراب كي لقات نفس الملف اللي لقاتو في لوس انجلوس كي كانت تسرق القضايا لسبقها الجريمة المنظمة "
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
