ادم : والو برك مجرد ماضي فات
لميس : نظن انا الوحيدة اللي بديت من الصفر
رماتلو كلامها غايضها الحال منو وراحت تجري للبحر تعوم بمهارة وهي تتكلم مع روحها تحاول تدفن غصتها
لميس : يعرف كللش عليا ملي ولدت وانا ماهو مخليني نعرف واالو عليه ولا يخليني ندير حاجة علاجالو تنازلتلو على كللش وهو ماقدرش يتنازل يخبرني على روحو .... زعما يكون يحبني كي راني مختلفة ولا كنت مجرد تحدي يحوس يوصل ليه ومبعد يروح ويخليني
بقا عقلها يدي فيها ويجيب وهي تخرج غشها كلو في السباحة حبست بعد مافاقت بروحها وين راهي وادركت بلي بعدت بزااف ع الشط عطات ظهرها للناس اللي في الشط اللي كانو يبانو صغااااار بسبة البعد ووجها مقابل البحر اللامتناهي هنا اطلقت العنان لدموعها تبقي بحرقة من قلبها عندها وقت ماخرجتش الغيض اللي في قلبها خلات دموعها المحبوسة تسيل بحرية
لميس : لاه كل حاجة نديرها تكون ضددي حاجة ماهي تمشي كيما راني حااابة عيييت من اللي عايشاتو الناس حاسدتني على السعادة معلابالهمش القلب وش كاتم وش مخبي يشوفو غار للقشرة الفوقانية مايعرفوش اللي القلب محروق ماعدتش قاااادرة نتحمل
هبطت راسها بالشوي وطلقت روحها لداخل البحر غطست في الما وعيطت على طوووولها بالشي اللي قدرت باش مايسمعوهاش الناس بلاك شي يتخفف العبء والكبت اللي في قلبها ظلت على هاذ الوضعية تخرج وتعاود تدخل تكرر كي حست بلي فادتها ..... عيطت بهلع كي حست بواحد جبدها من العمق اللي كانت فيه شافت في ادم اللي كانو عينيه حمورة وشعرو لاصق في جبهتو
ادم : وشبيك هبلتي؟؟؟وش راكي تديري ب*******
بقات تحملق فيه ميش مصدقة ماشي قال هاذا وين بلي يخاف من البحر ؟ وش جابو لهاذ المسافة البعيدة وبالاساس وكتا وصل ليها وهي مافقتش
لميس ببرود : مكان وااالو ماغرقتش برك كنت نتنفس لاه تجبد فيا؟
ادم : من واش تتنفسي ؟؟ علاه مناش مخنوقة ؟ وانا معلاباليش
مجاوباتوش كتفات بالصمت ميش حابة تتناقش معاه اصلا نفسيتها تاعبة ميش قادرة تتضارب ضك تجاهلاتو ومشات عاطياتو بظهر راجعة جرها بقووة ليه حست اللي يدها رايحة تنصل
ادم بحدة : نهدررر معاك
لميس وهي تجبد في يدها : وانا مانيش حابة نهدر اطلق عزرين يدي ضك
ادم : ماتلعبيليش بشياطن راسي راني شاد روحي عليك على شعرة
لميس وهي تضرب في يدو اللي حاكمها : وانا وش دخلني فيك اطرطق ولا اتحرق ولا اندب اصلا ضك خلاص كلللشي
شدها من خلف راسها وجرها ليه
ادم : حاجة ما خلاصت ..... ديري في بالك بلي حاجة ماتخلاص غار بموافقتي
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
