فوط + كومنتار
ادم : قتلك ماكيش نتي اللي راح تتعاقبي ... كل تمرد ليك رايح يخلصو شخص اوخر في بلاصتك كيما علاابالك مويا جينا انا منقدرش نأذيك
لميس : ادم لالا عيييشك متخلينيش نكرهك
قدمت غطات الممرضة بجسمها ناشرة ذرعيها
هز حاجبو الايسر فيها بطريقة مخيفة
ادم : جوهرتي تبكي بسبة هاذي ؟ رايحة تكرهيني بسبة هاذي ؟؟ مالا لازم نتفنن في تعذيبها بسبتها رايح يصرا هاذا كامل ؟
بدا يضغط ع الزناد راحت تجري لميس عنقاتو بكل قوووتها وهي تبكي بالشقهة
لميس : لالا ادددم عيييشك خلاص والله مانعاودها مرة اخرى عيشك ماتأذيهاش والله مانزيد نعاندك ونتمرد اقسم بالله غار نسمع لكلامك وننفذو بالحرف الواحد عيشك خليها في حالها في خاطري ولا ميش علاجالي علاجال ابنك اللي في كرشي
شاف ادم لحالتها بصح المهم قدر يروضها متأكد انو من بعد اليوم ماتزيدش تخرج على كلامو بعدت عليه وهو عيط للخدامات جاو خرجو الممرضة اما لميس بقات تبكي على حالة الممرضة اللي راهي فيها بسبتها قرب ادم ليها وحط يدو على خدها يخزر في عينيها اللي طابو من الدموع
ادم : اشششش خلاص ماتبكيش .... ماتطيحيش دموعك على حوايج كيما هاذو
مسحلها دموعها بابهامو وكمل يهدر
ادم : ماتعاوديهاش مرة اخرى ... يخي نظن ماكيش حابة نعاودو نفس السيناريو كل مرة
قال كلامو وهو يبوس في كل انش من وجهها ...جبهتها ... عينيها .. نيفها ..خدها ...فمها وهو حاس روحو كأنو في عالم اوخر اما هي كانت تدز فيه بيديها بعد ماحست روحها تخنقت لأنو ذكرها ببعض تفاصيل الماضي
لميس : بععد .. عليا .. ما .. تمسنيش
ماسمعش كلامها لأنو كان في عالم اوخر جذباتو ليه من غير ماتحس بعد خصلات شعرها اللي زاد طولو كان واصل لكتفها كان راح يغرس راسو في رقبتها يستنشق ريحتها تمعن في رقبتها البيضا مليح وهو يشوف في ندبة في عنقها جامي شافها ولا لمحها من قبل لأنو كانت ديما تطلق شعرها كانت مبينة قدييمة
ادم : وش حكاية هاذ الندبة ؟؟
لميس : اددم عييشك طلقني مابقيتش قادرة
غلق ادم عينيه بقوة وبعد عليها يماصي في جبينو يحاول ينسى الشي اللي قالاتو موش حاب يغلط معاها خاطر مبقاش يسيطر على روحو متوالها بصح هي حالفة تخرج الشيطان اللي داخلو
لميس : انا مستحيل نقدر نكمل حياتي معاك
لاحظت صمتو الغريب ونظرو موجه لبقعة معينة في الارض
لميس بالعياط : قتلك نحووووس على الطلاق ماتفهممش ؟
مسح على رقبتو يحاول يهدي روحو تكلم بهدوء عكس النار اللي شاعلة داخلو
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
