قبل ماتبداو ديرو فوط وكومنت ماتزربوش تكرهو وتملو من الكرونيك علابالي لي بارت اللي فاتو مملين بزااف مافيهم حتى احداث مليحة ولا مشوقة بصح بعد هاذ البارت تقدرو تقولو بداية الكرونيك
لميس : اوووووف خددمة خدممة كرهت حيااااتي يانمي ااااااااي اااوووه
دارت لزاكي اللي خبطها لرسها بقوة تعيط ضرباتو لكرشو
لميس : كلب حيوان ماتحشمش مرييييض ايييي راااسي تصدع اااا ربي اليوم نحيلك جد باباك الحلوف
زاكي : خلاص خلاص والله ماتتعاود توحشتك برك
لميس : تزيد تعاودها تتخلط
زاكي : لاه زربتي خرجتي من لي كونترول ؟ نتي اللولة اللي يشوفك يحسب خباشة الله يبارك زربتي خلصتي
لميس : وشراك مداير فيها مع يارا ؟؟
زاكي : متبدليليش الهدرة لميس كيفاه ربع ساعة تخرجي ؟؟ هبللتي تعب عام ضيعيتيه في ربع ساعة
تنهدت وشافت فيه بحزن : وش ندير علابالك بيا لاعلاقة بالقراية وزيد الاحداث تاع اليامات اللخرة وحكاية مايا ومنا معنديش حتى الوقت باش نهز الكتاب من خدمة لخدمة جهدي نلحق مصاريف مايا
زاكي : امممم ربي يكون معاك مصاريف مايا نتشاركو فيهم انا وياك
لميس : خليني انا ندبر راسي
بدلت ملامحها ثمثم ورسمت ابتسامة عررريضة على وجهها تتناسى الشي اللي عايشاتو
لميس : اهاه ماقتليش وش مداير فيها مع يارا ؟؟؟
زاكي : ميش تهدر معايا ديما تتهرب مني
ضرباتو لميس لصدرو بقوة خلاتو يتأوه
لميس : الششه تستاهل وش تدير بيك بعد ما جرحتها بهدرتك
زاكي : ماقصدتش نجرحها حسيتها ما كانتش مدايرة فيا كونفيونس
لميس : نتا الغالط في هاذ لسوجي خاطر مااعترفتلهاش من قبل وقلبت كلش عليها هي
زاكي : ايييه ضكا تقول درت جريمة
لميس : ايه غلطت بزااف في حقها زاكي
سكتت كي لمحت ايفان اللي كان يخزرلها من بعيد عيطلها
ايفان : انسة من فضلك
بلعت ريقها وهي تتجنب تشوف في عينيه : ضك هاذا لاه راه يتبع في جدي
مشات جيهتو تشوف وش يحوس
لميس : وش هو الطلب تاعك سيدي ؟؟
ايفان : انت
لميس : باغدون!!!!!!!
شبك يديه في بعضهم وتبسم يخزرلها باعجاب : كيما سمعتي هاذا هو طلبي نفذيه
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
