المتمردة وزعيم المافيا (باللهجة الجزائرية)

البارت 33

قبل ماتبداو ديرو فووط ومتنساوش كومنتار في اخر البارت 

في صالة العرس

سيلفا بضحكة برجوازية : ههههه راحو وخلاونا ماستناوش حتى وماقالولناش وين رايحين

فيروز : هههه وي ماستناوش حتى خلاص عرسهم

سيلفا :مقدرش يقاوم جمال بنتك كانت قمر الله يبارك عجبتني بزاااااف مخلاناش ادم حتى تعرفنا عليها مليح اول مرة يتعلق بمرا هكذا

حطت الكاس من يدها وشافت في فيروز تهدر بجدية : بصح نقلك ؟؟؟ بنتك مميزة عندها حاجة خاصة تخليها تحلا في العين وتتحب عكس وش شايع عليها بلي جايحة ومهبولة

فيروز : هاذيك كامل اشاعات ومزية تأكدتي اليوم بلي ميش هكذاك بلعكس بنتي رزينة وأنيقة شنهي تهدر بزاااف

سيلفا : هههههه بصح نتمنى تقدر تغير طبعو الحاد هاذا مي ان شاء الله ماتهبلوش برك خاطر مايصبرش ويدير فيها حاجة

فيروز : ان شاء الله بصح ماشكيتش لميس تسكت تعاند في كلش شيطتني في صغرها ..... حقا حطيتي الدوا ؟؟؟

سيلفا بتذمر : افف نن ماحطيتش راح لدار وحد اخرى وضيع تعبي كاامل

فيروز : وضك كيفاه نديرو ؟

سيلفا : ضك حتان نعرف وش دار رايح يستقر فيها كي نروح نزورهم نحط

فيروز : ان شاء الله ياااربي تنجحلنا الخطة هاذي ويرزقنا ربي بحفيد صغيرون نلعبو بيه .... كملت بهمس : هاذا اذا ماقتلهاش طبعا

سيلفا : ااييي تحممممست فيروز ههههه

_____________________________________ 

كي شافها خارجة برا ضغط على راسو بصباعو ميش حاب يدقدقها لازم يربيها بطريقتو ويكسرلها شوكة العناد والتمرد تاعها مع حلت الباب 2 سم غلقو وحصرها بين الباب وبينو خلا تنفسها يقوى من هاذ القرب اللي بيناتهم كانت حال القزمة متوالو بلا ما يخمم هزها بين يديه وهي تتخبط وداها للغرفة ديراكت رماها فوق السرير بقوة ناضت تعيط

لميس : بعقلللك وجععععتني وشبيك تطيش فيا كيما الشكارة اني عبد

رفعت راسها تحاول تنوض بهاذيك لاغوب بلونش الليي تقلقت منها شاف فيها بخزرة ترعب وحدة ونبرة صوت خلاها تخاف منو

ادم : اكي تشوفي في هاذاك الباب ؟؟ ممنوع تخرجي منو بدون اذني نتي مالكة هاذ القصر والسيدة فيه ونكرر للمرة الاخيرة الخروج ممنوع اطلاقا مايتجرأ يشوف فيك واللي يحاول يخلصها غالية وديري في بالك مكان لاه تحاولي تتحدايني خاطر راكي تشوفي حاجة ماتعجبكش ومانقبل تهدري مع حتى ذكرر سمعتتتتتيي؟؟؟؟

ناضت ووقفت متوال تخزر فيه بتحدي كأنو مكانش يحذر فيها ضك وضمت يديها لصدرها تحكي بثقة