بنااات تتفاعلو نكمل ماتتفاعلوش والله غار نحبسها يخي ماتخسرو والو كي تديرو فوطو تمدو رايكم
في الصباح
قاعدة في الغرفة تاع السبيطار في سريرها مربعة ذرعيها ماعلابالهاش وش تدير ولا وش رايحة تدير مصروفها الشهري مايغطيش نص حصة من علاج مايا ماتقدرش تخدم كثر من زوج خدمات خاطر تقرا وقربو ليكونترول وتتخرج وتبدا بداية حربها وجرأتها في الصحافة ماتقدرش تخلي صحبتها
في هاذ الحالة لازم تكون هي سندها وماتحسسهاش بالاحباط وتخليها تفقد الامل ضمت رجليها لصدرها بقوة وحطت راسها عليهم نزلت دمعة خاينة على خدها على هاذ الحياة اللي ديما تكون ضدها.. صمت رهييب كان في ذيك الغرفة مايتسمع فيها غار صوت الساعة اللي تدير التوتر اللي تخبرها انو الوقت هو سبيلها
كان يشوف في صمتها الغريب اللي ميش من عادتها اطلاقا حتى وكي تكون وحدها خاطر ديما تحكي مع الحوايج كاامل حتى سير سباطها تسبو وتهدر معاه تقول بلي ماتزيدش تربطو كون يزيد يتحل.. وضكا ساكتة !!
بقا يراقب فيها من الكاميرا من غرفتو مبقاتش رحمة فيه غار اتجاهها صدق اللي قال بلي الراجل يضعف متوال محبوبتو
نحات السيروم من ذراعها بقوة راحت للحيط وتقلبت راسها التحت ورجليها الفوق ومزالت ساكتة الحزن مبين على ملامحها شوية وناضت تضحك وحدها تصبر في روحها كي العادة
لميس : عندو الحق غامبول السعادة ماشي بالمال. بالاموال
بقات تضحك على هدرتها وهي مزالها في نفس الوضعية تحس بالراحة كي تدير هاذ الحركة
لميس : ياا بررج بيزا المايل جابلي ربي زهري جبتو منك ف ولا سور سور فيروز توحمت عليه اللي ديما الحياة عاكستني لازم ندغدغها شوي بلاك تضحكلي وتولي مسڨمة
عقلها : صبرك يا ربي وش هو ذنبي اني عقل هاذ الغبية
لميس : عندك شررف كبيير ياوحد البغل نتا هو الغبي العقول كامل تتمنى تكون في بلاصتك في راس لميس كانغ
هدرتها بصوت مسموع كأنو ميش حوار داخلي خلات لوخر يضحك عليها ومستغرب من تصرفاتها تقولها مهبولة
ادم : كيفاه الانسان يكون احمق لهاذ الدرجة ؟؟!! كيفاه رايح نتزوج هاذي هه كيفاه راح تكون أم لولادي ؟!!! لاه نعشقهااا لهاذ الدرجة كيفاه قدرت تسيطر عليا
بقات على ذيك الحالة لعشر دقايق بدلت من وضعيتها برشاقة وقفت تنهدت بفرحة ضربت وجهها بقوة تفطن في روحها... خرجت من الشمبرة بمورال طالع لدرجة نسات مالبستش صباطها وراحت للبيرو تاع الطبيب دخلت كيما الارهابي
لميس : دكتوووووووووووووور وين راك وقعلي على اوراق خروجي وقتي غالي من اني نڨعد هنا وندفع تكاليف المشفى ونتوما عاجبكم الحال مااذ بيكم تقول في فندق
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
