المتمردة وزعيم المافيا (باللهجة الجزائرية)

البارت46

ادم : ماتطوليش

ربت على كتفها بخفة ولصق  على الجاكيت تاعها  جهاز تنصت وتعقب  بلاما تفيقلو خايف كشما يصرالها وهوما راهم بلا حراسة 

سكرت باب الطومبيل بقوة قريب قلعاتو شافت فيه بكره وهو شاف فيها ادم بحدة نحا لاسانتير تاعو هابط ليها شافها كي راحت تجري تبسم شطر تبسيمة على عمايل  لميس الصغيرة  خرج باكي دخان يتكيف بيزمان ما تجي 

مع كل خطوة تخطيها  لميس لغرفة مايا  يزيد نبض قلبها  حكمت في الباس بضعف ويدها ترجف  خذات نفس عمييق  وحلت الباب ودخلت بمرحها المعتاد لقاتها متسطحة كي العادة  وتشوف في السقف بشرود 

لميس : اوووو وش راهي تدير مهووسة النظافة اي تشوف اذا كاين بقعة في السقف ولا كشما رتيلة في القراني ؟؟ 

وجهت مايا نظرها للميس غرغرو عينيها  راحت ليها لميس تجري عنقتها بكل قوتها  متوحشتها 

لميس : توووحشتك بزااااف  اسمحيلي اسمحييلي بزااف  كنت صديقة سيئة  علابالي خليتك وحدك  بين ربع حيوط  بصح والله غار كنت غايبة علاجالك  علابالي طولت عليك بزااف كي ترتاحي نحكيلك كللش  ونتي توحشتيني ؟؟

غمضتلها عينيها مرتين  بدات الدموع تتشكل في عينيها  حتى لميس هبطو دموعها لا ارادي

لميس : ياااا ماتبكييش عييشك  مايا علابالي عندك بزااف اسئلة في راسك  وحايرة لاه مانيش نجي نزورك ولاه تزوجتك   بصح ميش رايحة نجاوبك باش نحمسك ترتاحي 

رمشتلها 3 مرات فهمت اللي معترضة وحابة تسمع 

لميس : اوووف والله غار حكاية طويلة  المفتاح تاعها الملف الاسود علابالي ميش رايحة تفهمي عليا بصح هاذ ...........

كانت مايا تسمعلها باهتمام قاطع كلامها صوت التيليفون يصوني كان ادم تأففت وكوبات في وجهو  شافت في مايا اللي كانت تستفسر شكون 

لميس : هاذا الزوج الكريم علابالك عندنا طريق قالي ماتطوليش  

تنهدت مايا وشافت في لميس اللي كانت تخزرلها بحزن حكمتها لميس من يدها 

لميس : مايا ماتفقديش الامل والله غار تديري الارادة غار تقدري توقفي على رجليك  وانا ندبرلك عريس ونزوجك نتهنى منك 

ضحكت في اخر كلامها وهي تشوف في مايا اللي  جاتها متبدلة المرض بدلها مارجعتش مايا اللي كانت  .... نظرتها متبدلة بزاااف معرفتش تترجمها  ولا تفهمها

لميس : كون جيت.................

قاطع كلامها ادم اللي دخل  وهو يخزرلها بحدة قعرها ناضت من بلاصتها باست مايا من جبينها 

لميس : بون كوراج حبيبتي والله غار بربي ان شاء الله تولي تمشي كيما كنتي كيما الغزالة 

شافت في ادم اللي كان يتخنزر فيها تأففت منو وهزت الساكودو تاعها