لميس : نحوس ع الطلاق
ادم : بصح مزال ماديتش اللي تزوجتي على جالو
لميس بغصة : قصدك الملف الاسود ؟
شاف لرماد عينيها بحدة وجدية : تستعرفي بلا تردد
لميس : من اللول كنت واضحة معاك ومكنتش مدرقة عليك بالعكس فرحتني كي علابالك على واش نحوس وراح نتخلى على زواجنا كي نلقاه
ادم : انا ماحبيتكش هباءا لميس نتي طفلة مانقدرش نوصفها و صرااحتك هاذي تزيد من حبي ليك تعجبيني كي تضربي طول في الوجه ماتتنيفقيش عندك وجه واحد تمشي بيه مع الناس كامل
بعدت عليه حالة فمها على شكل o
لميس : مريض نتا ولا وشبييك ؟؟ اني قتلك بلي راني نستغل فيييك
ادم بابتسامة : لاه اللي يستغل يخبر ؟؟
لميس وهي تعدل في شعرها : باش ماتتسماش خيانة برك قلتلك دير في حسابك اللي نلقا الملف ماتزيدش تشوف وجهي
تبسم ادم بسخرية على كلامها اللي من المستحيلات السبع اولا ميش رايحة تلقا الملف وثانيا مام وتلقاه ميش راح يخليها تبعد عليه
ادم ببرود : باش هددك باباك حتان قبلتي عرضو
لميس بصدمة : نتا؟ كيفاه عرفت بلي بابا ؟ كيفاه تعرف كلش
ادم بحدة : لميس اهدري انتي ماكيش الطفلة اللي تنفذ اوامر باباها
لميس : هاذي حاجة تخصني
ادم : وشمن خصوصية اكي تهدري عليها مكانش حاجة تخصك ونتي مرتي اللي يخصك يخصني سامعة؟؟
لميس بابتسامة : كاينين حوايج لازم على راجلي العزيز ميعرفهاش باش تبقى علاقتنا مليحة وثابتة
تنهد بقوة عرف اللي ردتهالو وعرفت كيفاش تردلو كلامو خلاها ومشا رايح
ادم : نعرفها نعرفها هاذ الحاجة اليوم ولا غدوة
بقات تشوف فيه حتان خرج من الصالة وجهت نظرها للقاعة اللي كانت تشبه بزاااف لي صال دو سبور ماشي تشبه خيرمنهم بألف مرة
لميس : يتدرب في هاذ الحوايج كامل ؟ وااااو
شافت نظرة اخيرة وخرجت وهي تخمم وين ممكن تلقا الملف الاسود اللي معندها عليه حتى فكرة كل اللي تعرفو انو شكلو الخارجي اسود وفيه حاجة مميزة من برا معلاابلهاش شنهي هاذا وش خبرها باباها تنهدت بحزن كي تفكرت صحبتها اللي مزادتش شافتها ملي تزوجت خايفة تكون حاسبة اللي تخلات عليها وهي رمات روحها في قفص الزوجية على جالها
سيلفا بحدة : لمييس
دارت ليها لميس وهي تشوف في كمية الغضب الللي في عينيها تبسمتلها لميس بتوتر
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
