فوط+ كومنتار
حست بافرازات غير طبيعية وحاجة سخونة سالت بين رجليها .. هبطت عينيها بصدممة كان ماء الرحم شهقت بقوة وهي تبكي
لميس : اااااااااه كرررررششششي يااااراااااااا راح ... راح ننننوللللد كلماتها كانو كي الصاعقة عليههم اكل واحد فيهم ماتحرك
حكمت في لافابو وطبسب شادة كرشها تلز عليها بقوة وتبكي على طولها .. حاسة روحها راح تخخرج ألم غير طبيعي .. لا يطااق كانت تبكي بالشهقة .... جات صوفيا تجري سندتها
صوفيا : وش راكم تتفررررجو فيها ارواحو عاونوني
الطفلة رايحة تزيد وتتوجع ونتوم تتفرجو ؟!
راحت ميرا تشدها من ذرعاها بركتلهم في الارض تتلوى من السطر هزها امير بسررعة وحطها فوق السرير لحقتها صوفيا تجري طرطقت يارا بالباكا كي شافتها في ذيك الحالة تبكي وتخبط من الالم تتلوى يمين ويسار تعيط على طولها حطت يديها على فمها تبكي بالشهقة .... ندممت بزاااااف على عملتها ندممت كي بعدتها على ادم .... اذا كشما صرالها مراحش يسامحها ادم ولا هي تقدر تسامح روحها حست بيدين جبدوها وحضن ضمها بلاما تهز راسها عرفت شكون غرست راسها في صدرو حتى هو حالتو مكانتش اقل منها ميش ساهلة تشوف اختك تتوجع ونتا تتفرج ... بلا ما ننساو ميرا اللي كانت واقفة بجموود مصدونة تخزرلها والدمعة ع الشافر رؤيتها في ذيك الحالة تشڨ الڨلب
صوفيا : اخرجو
كأنو ماهدرتش كانوا كلهم يتفرجو فيها وامير قدم ليها يمسح على شعرها وهو قلبو يتوجع عليها
صوفيا بالعياط : ماتتتفهمووووش اخررررجو
يارا : منخرجش منخرجش لمي...لميس .. لميس. وشبيها ؟! علاه راهي تعيط هكذاااا
قدمت ماريا خرجتهم بالسيف ميرا ماحكات حتى كلمة تكات ع الحيط ضامة رجليها لصدرها وشادة شعرها تخزر في الارض بشرود وامير خبط الحيط بقوة وخرج مقدرش يسمع عياط خطوتوجع اختو وهو واقف عاجز مايقدر يدير والو ... ويارا حالتها مكانتش اقل منهم كانت تغوث بالصوت كأنها تعاون في لميس
اما حالة لميس الداخل كانت كأنها تحتضر ألم فظيع تحس بيه وجهها رجع احمر والعرق يتصبب منها وهي تخبط في الفراش بقوة وبعدها كرشها
لميس ببكاء : خرجججججووووه عيششششككم .... خرججوووه راه قتتتلني ... حزامممي تحللل اااا ربي .... ااااااه ياااااااربي خفف عليا
جابت صوفيا فوطة مسحتلها جبينها وهي تربت عليها تحاول ترتب كلمات بالانجليزية تحكي بلهجة ركيكة
صوفيا : شدة وتزول شدة وتزول
شدتلها لميس يدها : خرجيييه عييشك عاااونيني الله يستتترك خرجييييه مقددددرتش نتحمممل اكثر ااااااه
غطاتها صوفيا بملاية وراحت تقابلها لقاتها وقت ولادتها بالضبط البيبي قريب يخرج ...
صوفيا : مارياااااا ماررريااا
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
