لميس : رد بالك كشما تعجب وحدة بيك ماتنساااش راك متزوج
ادم : متخافيش ههه
لف يديه على عنقها ومشاو لوجهتهم للمطار وكي العادة لصق ادم جهاز تعقب للميس بلاما تعرف
ادم : ديري بالك على روحك ضك يستقبلوك الحراس في المطار ويوصلوك للدار
كمل كلامو بحدة وتحذير : لميس مكانش خرجة من الدار سمعتي ؟؟ مانحب يوصلني حتى خبر بلي خرجتي ولا هربتي
لميس : لاه ت...................
قاطعها مخلاهاش تكمل كلامها : منيش حاب نتناقش معاك اني قتلك مكانش خرجة حتان نجي واتهلاي في روحك مليح
بقات تحملق فيه ملت من التملك تاعو قاطع تفكيرها سؤالو مرة اخرى
لميس : فهمت فهمت
قرب ليها ضمها بقووة وهو يشم في ريحتها وريحة شعرها يحاول يدي قدرو الكافي من عبيرها شددت هي من العناق
لميس : اتهلا في روحك نتا ثاني وبعد ع الشراب والدخان وماتشوفش في البنات فهمممت ؟؟
ادم : هههه وعععععد
لميس : بااااااااي
ودعاتو ومشات تركب طيارتها بقا يتبع فيها بعينيه حتان تأكد بلي ركبت من خوفو عليها بزااف بعثها في طائرتو الخاصة اما هو فضل يروح في طيارة عادية درجة رجال الاعمال
كل واحد منهم اتجه للوجهة تاعو لدولة مختلفة لاول مرة يفترقو ملي تزوجو كان بالنسبة لادم حاجة واعرة بزااف اما بالنسبة للميس كانت تفكر في خططها الجاية ومتحمسة بزااف تتلاقا بيارا
________________________
" مرحبا بكم في ايطاليا . ستنزل الطائرة بعد دقائق رجاءا اربطوا احزمة امانكم وضعوا هواتفكم على وضع الطيران "
ربط ادم حزام الامان تاعو وغلق تليفونو بعد ماكان يسمع لتفاهات لميس طيلة الرحلة
هبط من الطيارة دار لينات تاعو لقا كم هائل من الرجال يستقبلو فيه حتى انو الطريق اللي يفوت منها تغلقت باش يمر بأمان .... ضك راهو في ايطاليا وشكون مايعرفوش في ايطاليا كان الرجال حولو كلهم بنفس الهيأة واللباس بنية ضخمة ، طول فارع ، ملامح جامدة ، عاد الدون ، عاد الاسد للعرين تاعو ملي هبط من الطيارة راحت الابتسامة ذيك اللي كانت موجهة للميس قابلتها نظرات حادة كي تاع الصقر هيأتو ترعب يمكن كون تشوفو لميس متصدقش بلي هو
خرج من المطار استلم المسدس تاعو شاف في السيارات اللي يرافقوه كأنو رئيس ايطاليا اللي جا ماشي ادم حتى الرايس كي يجي ماتكونش هكذا سبقو الراجل حلو باب الطومبيل قعد ببرود وأمر الشوفور يمشي
-------------------------
بعد ساعة من نزول طيارة ادم حطت طيارة لميس في المطار خرجت وهي تجر في لي فاليز تاعها تحوس بعينيها على رجال ادم بصح قبل ماتعقب على بوابة الخروج قرب منها راجل خلسة من الخلف صوب المسدس تاعو في ظهرها يهدد فيها بهمس
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
