المتمردة وزعيم المافيا (باللهجة الجزائرية)

البارت 55

لميس : عيشششك نحوس ننزلو 

شافت فيها الطبيبة بابتسامة : في هاذ الحياة الحاجة اللي ما نكونوش مستنيينها  تكون من اجمل  الاشياء كل اللي تحتاجيه  هو الوقت باش تكتشفي  هاذ الشي  ماتتخلايش عليه رايح يكون نورك وطريقك في شي نهار ضك ماكيش حاسة بيه بصح نهار يولي يتحرك داخلك ساعتها تتمناي تتقاسي نتي ومايتقاس هو بشعرة خليها للوقت برك 

قنعتها الطبيبة بكلامها كان عندها الحق ميتين بالمية تبسمتلها بامتنان

لميس : عيييشك ماتخبرري حتى واحد بحملي  حتى راجلي حابة نخليهالو سيربريز 

تبستلها الطبيبة بحب وهزتلها راسها بايه  : فرحتيني  ... وخرجت 

زيرت  لميس ع الغطا  بقوة وحطت يدها على كرشها تتحسسها وهي تبكي وتشهق بقوة 

لميس : ماكنتش نستنا فيك  مرره مكنتش ضمن مخططاتي  يا صغرون  دخلت لحياتي بلا اذن ... بصح ميش رايحة نتخلى عليك ضك نحاول نكون ام  مليحة ليك قدر الامكان ... علاابلي سمعت كلامي هاذا وين شوي  اسمحلي بزاااف صغروني كانت من الصدمة برك ... نوعدك نحميك  ونتهلى فيك نتا ابني وابنو نتا ثمرة حبنا 

بكات بقوة حتان نشفو عينيها من الدموع  حاولت تنوض بصح رجليها مايقدروش يحملوها  عظامها حاستهم مكسورين رجعت لفراشها يائسة بقات تشوف في السقف  وهي تتفكر في معاملة باباها ..... من المستحيل يكون باباها .... ضرربها ومرحمهاش وامر باغتصابها كأنها بضاعة يحوس يتخلص منها ماتوقعتش يوصل سواد قلبو لهاذ الدرجة  وميش رايحة تسمحلو اطلاقا لا في الدنيا ولا الاخرة 

كانت راقدة فاجئها باب الغرفة اللي تفتح بقوة قعدت تكات على ظهر السرير  وضمت رجليها لصدرها وهي تأن بألم شافت ناحية الباب تشوف شكون اللي  جا في هاذ الوقت المتأخر  طاحو دموعها بعد ماشافتو بجبروتو توجه ليها وعينيه حمورة .. عروقو بارزة .... ويدو تسيل بالدم 

--------------------------------

وصل للمشفى ركن سيارتو بقوة مخلف صوت مرعب واثار في الارض خبط باب الطومبيل وراح يجري للسبيطار  متوجه لغرفتها  وهو رايح يفقد اعصابو فتح الباب بقوة سمع صوت انينها المتألم فتح عينيه على وسعهم وهو يشوف في حالتها .. عينين منفوخين وتحتهم زرقة واثار صباع في خدها  وفمها المجروح وجبهتها اللي معمرة خدوش وجه نظرو لجسمها كان كلو كدمات ماسلمت حتى بلاصة من الضرب لمح رقبتها المجروحة ورجلها المضمدة  كانت في حالة لا يرثى لها

ماقدرش يشوف حالتها شكل قبضة وضرب الحيط بكل قوة  حست لميس اللي يديو تكسرت حاولت توقف تمنعو بصح ماقدرتش قريب طاحت في الارض كون ماحكمهاش ادم عيط عليها بصوت مررعب

ادم بالعياط : ماتتحركيييش

لميس والدموع في عينيها : راني بخيير ادم شوف ماصرالي والو هاني متوالك لباس عليا .... شوف يديك راهي تنزف لازم نضمدها ماتجي تبرا تزيد تجرحها