فوط+كومنتار
ادريان : دير اللي تشوفو صواب بيسك ماتقدرش تهرب اي في ايطاليا
ادم بسخرية: اممم راهي في العرين
ادريان : وش اخبار سراج لاه موش يجي ؟
ادم : مزالو يحوس على الفاتنة تاعو
ادريان : ماتقوللييش مزال مشهمش ؟؟
ادم : نو خمم على روحك خو
ادريان : تحيا العزوبية .. تحيا العزوبية وش ندير بالزواج
ادم : الدليل قدامك كنت رافضو تماما مكنتش مداير في بالي يجي نهار ونتزوج
ادريان : بصح سامحني خو نتا حالة خاصة لميس طفلة نادرة ومميزة انا عرفتها يوم ودخلت قل .... خلاص والله ماقلت حاجة والله سامحني
بدل كلامو كي شاف ادم حط الكاس من يدو ولاح يدو ورا ظهرو يجبد سلاحو عارفو جدي سيرتو في موضوع يخص لميس
ادم : شوف اخر مرة سااامع ... المرة الجاية والله ماندير اعتبار لعشرتنا مانحبكش حتى تشكرها ولا تمدحها ولا تتغزل بيها متواالي
ادريان : خلاص حق ربي مانعاودها
سكتو شوية وهوما يشربو من الكاس اللي في يدهم قاطع ذاك الصمت ادم
ادم : تشفا على امير ؟؟
ضحك ادريان بقوة وبزق وش في فمو وهو يكحكح
ادريان : هههههه ماتفكرنيش عيشك ، يخي تحوس على امير الخوااف اللي كان صاحبنا حنا الثلاثة كي كنا في روسيا قبل 12سنة نتفكر كي بعد علينا كي تعرف على طبيعة خدمتنا ههه تشفا كي قاللنا نبعدو على هاذ الخدمة ولا يخبر الشرطة ؟؟ ايييي كرشششي بصح عطيناه درس مرتب ساعتها بصح وش فكرك فيه ضك
كان ادريان يهدر ويضحك من قلبو مداير جو وحدة عكس ادم اللي كان بارد تماما يتفرج فيه بهدوء
ادم : هو اخ لميس
ادريان : ماتزيدنيش خو ميرا؟؟
ادم : اففففففف قلت لميس ماشي ميرا هاذا وش استنتجت من كلامي ؟؟... دير في حسابك بلي رايح نقتلها رايح نقتلها
_______________________
ناضت لميس كي العادة في نص الليل ولالها قانون في حياتها شافت في ادم اللي كان بجنبها راقد دارت ليه وحطت يدها على لحيتو تمسح عليها بحنان وهي شاردة في ملامحو شافت في كتفو وبلعت ريقها جاها هبالها نص ليل حطت يدها على كرشها تهمس
لميس : علاه تدير فيا هكذا يا صغروني وش جاك على باباك ضكا ليل ليل
شافت فيه نظرة اخيرة وخرجت مدية شهوتها في قلبها كان حابة بزااف تعضو مفهمتش علاه جاها الوحم عليه مالغري الشي الي دارو فيها مزالت حاباتو مزالت كون تصيب تبقى تتفرج فيه ليل مع النهار
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
