فوط +كومنتار
في الصباح
حلت عينيها بتعب حاسة جسمها كلو مدقدق بقات تخزر في السقف مدة تستوعب تفكرت اللي صرا البارح بدات تبكي بصمت ميمتها راحت وخلاتها قبل ما تعيش وتحس بحنانتها وحبها شافت في الغرفة مستغربة هي رجعت !!؟؟ لهاذ الدرجة نومها ثقيل!!
بعدت الغطا عليها وناضت حكمت في لاتابل دو نوي دايخة حلت باب الغرفة عرفت اللي هي في ايطاليا ... طاحو دموعها بغزارة كانت حابة تشوفها للمرة الاخيرة ... اليوم الجنازة .... حطت يدها على كرشها بألم من المغص اللي جاها توجهت للدروج تحوس على ادم هبطت بالشوي والدوخة تلعب عليها حبست في نص الدروج شادة راسها حساتو ثڨااال بدات تترنح رايحة جاية كملت هبطت الدرجات ذوك بالسيف وهي ميش شايفة متوالها غفلت على درجة حطت رجلها في الهوا حضنت كرشها بتملك وعيطت عيطة وحدة
بقات تنهج وهي تشوف في الارض مقابلة وجهها بلعت ريقها وغمضت عينيها يد قوية شدتتها ستر ربي كون جات على كرشها دقايق كانت قاتلة عليه وعليها وحتى الخدامات كانو مصدومين كل وحدة حاطة يدها على فمها منعت منها على شعرررة كون راحت بيها بصغيرها بعدت عليه مصدومة تخزر في الارض ويديها مزالو على كرشها تخمم كون مالحڨهاش وش صرالها
ادم بالعياط :$###$$#$$ اثبببتي لمرررة وحدة برررك في بلاصتك ... مرة وحدة خوذي راييي
شدها من ذرعيها في زوج يخض فيها
ادم :وش منوووض $$###من بلااااااصتك هااااا كون ماحكمتش انا وش صرالك ڨووووووولي لوووكتا تحبسي التهور تاعك هاذا ماتتهناي حتان تقتليه
شافت فيه والدمعة حابسة على طرف عينها كان عندو الحق كون مالحقهاش كون خسرت صغيرها .. بعد ماخسرت امها!! ميش راح تقدر تصبر ولا تقدر تعيش ساعتها غمضت عينيها بخفة وتعب وهي تشوف فيه بصدمة مزالها مرعوبة من الشي اللي صرا
قعدت في اخر درجة بوهن وهي تمسح على كرشها حركات دائرية تخفف من حركة الصغير اللي داخلها حتى هو دا خضة هبط لمستواها حالس القرفصاء شاد وجهها بين يديه
ادم : وش بيك!!!!! وجعتك كرشكك!!!دارلك مغص ؟؟نعيط للطبيبة ؟
شافت فيه بعشق وابتسامة باهتة مهما دار فيها يبقى حبو وعشقو ليها اكثر من اي حاجة تبسمتلو بتعب وهي تشوف في ملامح الخوف على وجهو هزت يدو وحطتها على كرشها
لميس : هديه برك
بقا مركز عينيه في كرشها وقعد في الارض يتمعن بعينه زير الروبة على كرشها يتفرج فيها قريب يلصق عينه فيها تبسم ابتسامة عريييضة وهو يشوف فيه يتحرك داخلها ويضرب في بطنها هز راسو ليها شافت فرحتو مبينة من عينيه
ادم : ههههه او يتتتحرك ... والله غار او يتحرك شفتيه !!!ههههه
غمضتلو عينيها بايه
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
