فوط + كومنتار
لميس : بخصوص الاطفال تحبهم ؟؟؟
دور راسو ليها بتفاجئ
ادم : وش حكاية هاذ السؤال على غرة
لميس : مجرد فضول برك
ادم بصراحة : لا
لميس بحزن : لاه ؟؟
سكت لمدة وهو يتفكر في اجزاء من الماضي وجاوبها
ادم : يقلقو
لميس بغضب : ماهمش هكذاك لاه يهبببببلو
ادم بابتسامة : راح تكوني ام ملييحة
لميس : منكونش .... ماشي قلت بلي ماتحبهمش؟؟
ادم : بصح انا ماهدرتش علينا .... سؤالك مكانش يخصنا
لميس : نفس الشي
ادم : نن ميش كيفكيف اذا جاني طفل منك راح نكون اسعد انسان في الدنيا بلاك نجن من السعادة
لميس بابتسامة : تجن علاجاال كي عاد مني ولا لأنو ابنك برك
ادم : باينة كي عاد منك
طبع بوسة خفيفة على شفافها وهو يمسح على شعرها
ادم : بدا شعرك يطوال ولونو الاصلي يبان
لميس : اممم لازم نزيد نقصو ونصبغو مرة اخرى
ادم : يخي هدرنا المرة اللي فاتت قتلك مانقبلكش تزيدي تقصيه
لميس : لااه ؟ مانحملوش طويل
ادم : لالا الشعر الطويل يوالمك خير واللون الاصلي افضل
لميس بحيرة : زعما ؟؟؟
لز على حضنو ليها : ايه علاجالي
لميس : اممم اوكي
سكتت مدة وغمضت عينيها وهي تحاول ترقد ... راسها متكي على كتفو
لميس : ادم
ماسمعتش اجابتو هزت راسها ليه تبسمت كي لقاتو راقد فمدام رقد بهاذ السرعة باين بلي عيان لزت على شفافها ومدت يدها تمس الوشم اللي عشقت فيه كل حاجة فيه تعجبها وهذا كلو من عوارض الحمل والوحم اللي جاها عليه حطت يدها على خدها وبقات تتفرج فيه بشرود مدت يدها للحيتو
لميس : كيفاه تكون بهاذ المثالية لهاذ الدرجة يا ادم .... متأكدة مخبي عليا حاجة
نقلت يدها لخصلات شعرو مررت يدها بخفة عليه بعدها فاتت لحواجبو ضحكت بخفة لأنو مالغري راقد مزالو محافظ على حدة ملامحو ومزال عاقد حواجبو بدات تدلك بإبهامها بين حواجبو باش يرتاحو ويرتخي وبالفعل بدات تختفي تعابير الحدة اللي كانت بين حواجبو تبسمت بفخر بقات تتفرج فيه لمدة حتان داهاا لنوم
_______________
في الصباح
فتحت عينيها من ضو الشمس اللي ضرب طول فيها شافت ادم واقف متوال المراية يمشط في شعرو ولابس مكستم
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
