فوط+كومنتار
انفاسها بدات تعلى بعد ماحست بصوت تعرفو ملييح حلت عينيها وعيطت عيطة وحدة حاطة يدها على فمها تمنع صوتها يخرج وهي ترجف بقوووة ميش مأمنة الشي اللي تشوف فيه
ميرا ببكاء : لميييييس
شافا فيها لميس بصدمة معلقة في الحيط من ذرعيها ويديها راح بالزربية ليها كانت مضروبة من كل بلاص. وجهها مجروح جسمها ازرق فكتلها يديها بسرعة وهبطت بالشوية تربعت في الارض لأنو كرشها تعيقلها حريتها فكتلها رجليها بالسيييف مدت يدها لميرا باش تعاونها توقف... ناضت عنقو بعضاهم بقوة ضمت ميرا وجه لميس بين يديها
ميرا : ياك لباس !! وليدك لباااس !!! معليكمش
لميس : لباس ... لباس .... وش صرالكم هكا شكون هاذوك
اشارتلها بيدها للقفص
ميرا : ايفان ومايا
حلت لميس عينيها على وسعهم من الصدمة
لميس : ش...ش.ش..نهي؟!! ش..شكون دارلهم هكا ... ما تقوليليش .. ا ..ا..ادم!!
غمضتلها عينيها بإيه حتى هي مكانتش اقل من لميس اليوم عرفت اللي حبت الانسان الغلط .. او بالاحرى ماحباتوش كان مجرد اعجاب ومرحلة هوس فاتت ... اما ضك برد قلبها من جيهتو تماااما
قربت بخطوات مترددة لذاك القفص تخزر في الجثث اللي فيه والدم اللي معمر الحالة دموعها طاحو بصمممت مدت يدها ليد مايا اللي كانت خارج. من القفص ذاك عقدت ملامحها بامتعاض من ريحة الدم اللي دخلت لنيفها غلقت فمها وبعدت استفرغت كلشي وش في كرشها لين تجرحت حنجرتها وتقيات الدم (حشاكم) شافت فيها ميرا بفزع وراحت تجري ليها تمسح على ظهرها سندتها ومسحتلها فمها طرطقت لميس بالبكا وعنقت ميرا شددت ميرا العناق
لميس : هو.... قتلهااا ... ميرا قتلهاا .. بهاذ الوحشية ... هي. ... معلابالهاش بالحقيقة معلابالهاش بلي بابا ورا كلش
ميرا : اشششش لميس صاااي اسكتي صحبتك مكانتش انسانة مليحة هو حكالها وهي كذّبت ..حتى كي حكالها كانت تتوعد انو تحرقلو قلبو بيك وبابنك .. كانت تتوعد انو تخلف نفس الشي اللي صرا في خوها .. في وولدددك ماااايا ماهيش صحبتك افففهمي ... هو ...هو عرف اللي ايفان اللي حاول يغتصبك جن جنونو ... خرج مبعد رجع ليه لاحهم في زوج في القفص ... يعني ماشي حكاية الخيانة ولا الخطف اللي خلاتو يدير هكا وانما حكاية محاولة الاغتصاب اللي تعرضتي ليها ... كان كي المهبول اللي خرج من مستشفى الامراض العقلية مكنتش حاسبة اللي هو بهاذ السوء والجنون
لميس ببكاء : علاااش وش درررت علاش دارولي هكا ... علاش طعنتيني في ظهري وش. ذنبي انا اذا كان بابا انسان سيئ هااا قوليلي علاه انا منحوسة هكذا علاش كانت حاملة الحقد عليا و..........
سامر : ادم لعب بيا ودار مني انسان ساذج ومغفل طول هاذ السنين .... نتي وحدة $#$$ ماتستاهليش تعيشي ... ميش راح نخلي ابنك ولد ال$#$$ يعاود نفس السيناريو اللي عملو باباه مادام كلشي صرا معاك وماصرالو والو وماماتش ... فهاذا من ضك مبينة خطورتو ولازم نتخلصو منو ... وحنى نتي يا وحد الخاينة ... تمردتي عليا كيما هاذي اللعينة ... وطعنتيني في ظهري وخرجتي على طاعتي كيما دارت اختك ال$#$$ ياك .... انا ماجبتكمش باش توقفوا ضدي يا اما تنفعوني يا اما مبقاش وجودكم يفيدني ماجبتش ولاد انا جبت عا&$#$$ وساقطات
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
