ရည်းစား​လေးထားချင်မိတဲ့ကျွန်​တော် (ဘာသာပြန်)

Cha-65

[Unicode]

ယွီချင့်ဟွမ်၏ အအေးမိဖျားနာခြင်းမှာ ခြိမ်းခြောက်နှောက်ယှက်နေပြီး အချိန်အတော်ကြာအောင်မသက်သာပေ။ တစ်ပတ်ကျော်ကြာမှ သူ့အခြေအနေသည် အခြေခံအားဖြင့် အကောင်းဘက်သို့ဦးတည်လာခဲ့သည်။

ရံဖန်ရံခါချောင်းဆိုးတတ်တာကြောင့် ယွီရှင်းသည် monk သစ်သီးကို အချိန်ပြည့် တပါတည်းဆောင်ထားပြီး ချင့်ဟွမ်အတွက် ရေနွေးကြမ်းမကြာမကြာလုပ်ပေး၏။

'The Line of Life and Death' ၏ Roadshow ပွဲသည် လဝက်ကြာမြင့်ခဲ့သည်။ ယနေ့စုရပ်က သူတို့၏ နောက်ဆုံးဆိုက်ရောက်ရာဌာနီဖြစ်လေသည်။ ညစာစားပြီးတဲ့အခါ သူတို့အားလုံး ကိုယ့်အိမ်ကိုယ်ပြန်နိုင်ကြပြီဖြစ်၏။

အားလုံးသောရုပ်ရှင်အဖွဲ့သားတွေမှာ အစောကြီးထ၊ အလွန်နောက်ကျမှအိပ်၊ အလုပ်တွေရေကုန်ရေခမ်းလုပ်ဖို့မလိုတော့တာ တွေးမိသွားကြပြီး စိတ်သက်သာရာရသွားတဲ့အမူအရာတွေ ဖော်ပြလာကြသည်။

အမြဲလိုတင်းမာတဲ့ပုံစံရှိတဲ့ လျိုကျားအန့်တောင် သူ့နဖူးပြောင်ကိုသူထိလိုက်ပြီး ပထမဆုံးအကြိမ်ပြုံးလာသည်။

"အားလုံးကို ကျေးဇူးတင်ပါတယ်။ နောက်ပြီးကျရင် အားလုံးရဲ့ group chat မှာ စာအိတ်နီတွေပို့လိုက်မယ်"

ခေတ္တရပ်တန့်သွားပြီးနောက် သူကတမင်အလေးပေးပြောလာ၏။ "စာအိတ်နီအကြီးကြီးတွေ!"

တကယ်တမ်းမှာ ဒါရိုက်တာဖြစ်သူလည်း အတိတ်နိမိတ်ကောင်းတခုကိုရယူလိုသည်ပင်။ မနက်ဖြန်က 'The Line of Life and Death' ထုတ်လွှင့်မည့်ရက်ဖြစ်၏။ လျိုကျားအန့်မှာ ကောင်းမွန်တဲ့စတင်မှုတစ်ခုကို ကြိုတင်လိုလားခဲ့ခြင်းသာ။

စာအိတ်နီတွေအကြောင်းကို ရိုက်ကူးရေးအဖွဲ့သားတွေကြားသိလိုက်တာနဲ့ ချက်ချင်းဆိုသလို တက်ကြွလာကြသည်။ တိတ်ဆိတ်ငြိမ်သက်နေတဲ့ chat group မှာ လက်ပွတ်နေတဲ့ဟန် အီမိုဂျီအမျိုးမျိုးဖြင့် မဆိုင်းမတွပြည့်နှက်သွားခဲ့သည်။ လျိုကျားအန့်ကိုစနောက်နေတဲ့ ဝန်ထမ်းအချို့ပင်ရှိ၏။

[ဒါရိုက်တာလျို၊ စောင့်မနေပါနဲ့တော့ အခုပဲပို့လိုက်ပါ]

[ဟုတ်တယ်! အခုပို့ပါ။ အခုပို့ပါ]