بخطواتي تعثرت

البارت الثاني من رواية بخطواتي تعثرت

البارت الثاني من رواية بخطواتي تعثرت
بقلم دينا ال سلمان ⭐⭐

اخذني يمك
عينيّ مِشتاگه لضواك
وگَلبي چن شُباك ماشايف شمس.
نجود:: من رخصتك شوي
باوعلي وحجه امم هذا رقمي ضروري تتصلين عليه
نجود,:: ابتعد شنو اخذ رقمك ليش شايفني استاذ؟
باوعلي بجمود وحجه اني مااقصد نتواصل وعلاقات ومااعرف شنو عندي موضوع ضروري بخصوص استاذ علي
نجود:: يخص بابا هذاك روحله وحاجي اني شكو من رخصتك ابتعد مشيت عنه مااحس اله انجريت من ايدي وحجه هذا رقمي وحق الحق أن ماخبرتيني ليصير شي تتندمين عليه طول عمرج
نجود::خله الرقم بيدي ومشه هو كدامي اباوع عليه عيونه سود وضخم وحواجبه مااعرف هنه هيج لو هو ضايج وعاكدهن خليت الرقم بالكفر مال الفون ورحت كعدت يمهم تغير مودي وحتى نفسيتي تعبت
نجود::يله بابا والله تعبت خلنرجع
علياء::اي والله اني هم تعبت
علي: يله كومو
نجود::اخذنه اغراضنه ورحنه رجعنه للبيت رحت لغرفتي بدلت واجت اسماء بدلت واخذت كتاب وطلعت هي اسماء من يومها مدمنه كتب وروايات
رحت للمطبخ جبت كلاص مي ورجعت عدلت فراشي وطلعت الرقم باوعت اخابر لولا
زين هو منو وشرايد وشنو يقصد موضوع يخص بابا باوعت ع الساعه جانت ب١١ضليت افتر واتكلب لحد مصارت ب٢ الكل نايم حتى اسماء نايمه بصاله والكتاب ع وجها طلعت التليفون وخليت الرقم اتصلت بسرعه فصلت
خليت ايدي ع كلبي وحجيت همزين مالحك يحصل بعدني ماكملت الجمله وصاح تليفوني
الاماكن كلها مشتاقه لك
والعيون الي نرسم فيها خيالك
من الصدمه كمت وكع التليفون من ايدي شلته وخليته جوا المخده ورجعت طلعته انكطع الخط
واني مااعرف شنو اتصرف لحد ما صار هدوء كعدت ووخليت الفون كدامي وضربت كصتي بغباء
طن طن
ياربي شنو هاي باوعت رساله اي هيه هاي الناقصتني
فتحت الرساله جان داز
هلا نجود اعرف انتي المتصله اذا عندج وقت تكدرين تفتحين خط راح اتصل بعد ١٠دقايق...
فتحت عيوني بصدمه يمه هذا شلون عرفني
مرن العشر دقايق بس جنهن دهر
اول مااتصل فتحت خط بس بدون كلام
حجه هلا نجود
نجود:: اهلا وسهلا تفضل
حمحم وكال احم انه اسمي سيف الدين
وعمري ٣٥, مااكدر اكلج بشنو اشتغل بس انه اشتغل بدوله تكدرين تكولين صاحب منصب بالجيش
ومامزوج وعندي ام واب واخت واخويه مريض وهاي عائلتي أنه الوحيد المعيل الهم ابوي رجال جبير وامي ملتهيه بااخوي واختي دكتوره ..
نجود ،:: استاذ بس اني شعلي بكل هذا وشنو شغلي بيك حتى تعرفني ع أولوياتك وعائلتك اني لحد الان مااعرف شنو وليش حتى نطيتني الرقم ؟!
سيف:: انتي نجود من بغداد جنتي عايشه هناك وابوج انطرد من وضيفته والطفل راح ضحيه وانتو هنا عايشين وأهل الطفل محد يعرف شصار وشنو عايشين!
نجود:: من رخصتك استاذ هسه المطلوب مني شنو
سيف:: مامطلوب شي اني عايش بالانبار بس صار عندي شغل هنا صار اشهر من اجيتو شفتكم وهواي دورت وبحث عنكم ولكيت كل الاجوبه وعرفت كلشي عنكم ..
نجود:: استغفر الله اخوي انت كتلي عندي موضوع ضروري بخصوص بابا
سيف:: اي بس مو وقته
نجود:: حجيت بهمس شلون ورطه ياربي وشكو خابرت امدا حضي
سيف:: لا لا احجي بصوت عالي هههه
نجود:: استاذ شنو المطلوب وشرايد مني!
سيف::يوويل مااريد كلشي بس جنت اريد حجه حتى احاجيج يويل دخلتي لكلبي وحبيت احجي معاج ومن طلعتو من البيت راقبتكم وشفتكم من رحتو وطلعت وراكم
اني كاعد مقابيلكم
نجود::يله اترخص اني اروح انام تأخر الوقت
سديت الخط قبل لايحجي اي شي طفيته وخليته ع الشحن ونمت بدون تفكير لأن مو اول والثاني ارفضه
كعدت الصبح رحت لكيت اهلي كاعدين يتريكون رحت غسلت وجهي وكعدت اكل ويتهم حجيت بابا اريد خط جديد
علي::ليش بابا
نجود:: مابيه خدمات
علي:: اليوم اجيبلج وياي
نجود :: دنكت راسي واكلت شبعت كمت طلعت بالحديقة جانت اسماء مبدله تريد تطلع حجيت وين رايحه
اسماء::لكيت شغل بصيدليه وراح اداوم اليوم اول يوم
نجود::شوماكلتي
اسماء::بابا البارحه مخبرية وماكالي اله الصبح
نجود::بيها الخير موفقه حبيبتي
اسماء:: حياتي جوجو
نجود::شمرتلي بوسه وراحت فتحت الباب وشغلت سيارتها وطلعت رحت اريد اسد الباب صار بوجهي حجه
سيف:::صباح الخير
نجود:: مارديت سديت الباب ودخلت لكيت بابا يلبس بساعه ويريد يطلع حجيت كلكم عدكم شغل اله اني انت موكلت راح اشتريلج سياره لعد وينها
علي:: من يبدي الدوام الج احسن سياره وشرط لونها احمر
نجود:: تقرب عليه وباس راسي وطلع اخذت التليفون وفتحته اول مافتحته اتصل نطيته رفض
رجع اتصل واني ارفضه لحد ما دزلي رساله
يويل وحق ربج اليوم اله أكفر بيج يويل جاهل عندج يويل لاداهريني وافتحي الصخام
نجود:: هذا شبيه نوب يحجي مدري شلون بعدني احجي ويه نفسي اتصل فتحت خط
سيف:: يويل اكضبج لومااكضبج اله اخليج ادكولين الله حق
نجود:: اني شسويت وبعدين ليش افتح خط تقبل اختك تحجي ويه ولد غريب
سيف ؛؛' يويل لاداهريني غريب يأبه شحاجي وياج حب وغزل
نجود:: لعد شنو يسموها هاي تتصل عليه واني لااعرفك ولاتعرفني  والله بس تتصل مره اخرى أحاجي بابا
سيف ': يويل لاتحجين بغدادي مو حتى كلبي حركتي نبضو
نجود:: يله اني اروح باي
سيف:: انتي مره سدي الخط وشوفي شسوي
نجود:: اصلا راح اغير خطي. وشتريد اسوي سوي
سيف::: يويل لا تصرعين راسي خليني وياج يعني انه زاعجج بتصالي
نجود::اي هواي كاعد تزعجني واني مااريد اخسر ثقت اهلي واحجي ويه ولد غريب
سيف:: هاهيه براحتج أخذي راحتج
نجود::بعدني محجيت كلشي سدا بوجهي
كمت رحت لكيت امي كاعدا اتنضف رحت حضنتها من وره حجت ولج نجود شوكت تكبرين
نجود:: ابد مااكبر يمه هم حبيتي
علياء:: حبيت ابوج واخذني كوه لأن اهلي جانو من النجف ومتشددين كوه خلصت الجامعه وانوب من بغداد واجه تقدملي شفت ضيم وكتل بس الحمدلله اخر شي اخذني ابوج غصبا عن الكل
نجود:: شكد تحبين بابا
علياء:: هواي احبه هو نفسي اذا يوم مااشوفه اتخبل تخيلي اول ماازوجنه جنت اروح لاهلي وكوه يجبروني ابات يمهم الليل كله ابقى ابجي
نجود:: الله يحفظكم ويخليكم النه
علياء::ويخليج ياامي
راحت امي تكمل شغلها واني كلساع اباوع ع التليفون
كمت طلعت مواد حتى اسوي كيك
حجت امي
علياء:: عوفي اني اسوي
نجود:: يمه ضايجه
شوكت يبدي الدوام
علياء ': هههه تلحكين وتكومين تصيحين شوكت تجي العطله
نجود ؛:'خبطت الكيكه وخليتها بالفرن وسويت كريم وكاكو ومكسرات ورا مستوت خليت فوكاها قطعتها وخليتها بثلاجه اخذت قطعه وكلاص عصير وطلعت بالحديقه جان الضحى والجو بارد ع حار كعدت ع الكرسي  بفي البرتقال انفتح الباب ودخل بابا بسياره جديده ولونها احمر كمت رحت وكفت كبال الكراج  صفها ونزل رحت اركض تقربت عليها حجيت هاي المن!
علي:: الج هاي هديتج بعد شرايده
نجود:: اخذت المفتاح وطلعت اركض فتحت الباب وصعدت اباوع اجنن سياره احلامي ولونها احمر حتى الكشن احمر والاستيرن احمر وبيه لمع حتى دبابه مخلي بيها نزلت اركض حضنته حيل شكرا بابا ربي يخليك الي يااحلا علي بالدنيا
طلعت امي رحت اركض حضنتها شوفي بابا شنو جابلي
حضنتني امي وحجت
علياء::الف مبروك حبيبتي
علي:: من الأحد اليجي اخليج بدوره مال سياقه وراها اطلعلج رخصه
نجود::اني اعرف اسوق
علي::ميخالف حتى تتعودين وتعرفين أكثر
نجود ؛::هزيت راسي ورحت صعدت بسياره وصورتها ..
صار العصر واني كلساع اطلع اباوع عليها وارجع ادخل لحد ماا امي صاحت بيه
علياء::هذا المشايف وشاف
علي::عوفيها خليها فرحانه
نجود:: علياء تغارين موو
علياء:: اي اغار
نجود::بس اطلع رخصه اخذج افرفر بيج حتى مضوجين
علياء::خلفالله عليج
نجود :: اجت رساله الي فتحت عيوني بصدمه
كمت رحت للغرفه
سيف:: الف مبروك تتهنين بيها انشاءالله
نجود:: يبارك بعمرك تم الإرسال
شوي واتصل فتحت خط
سيف::شلونج
نجود:: الحمدلله
سيف:: انه بخير
نجود::ها هو استوني اريد اسألك
سيف:: اي هم زين
شكاعد اتسوون
نجود::كاعدا مااسوي شي
سيف:: انه حاليآ بالدوام واسبوع اله اكدر انزل
نجود:: الله يقويك
سيف:: ويقويج
احجيلي عن نفسج شوي
نجود::اسأل واني اجاوبك
سيف:: شكد عمرج اووو شهل سؤال الغبي
نجود:: اني نجود من بغداد وعمري ١٩
خلصت السادس بمعدل 92
ويمكن اعيد السنه واطلع معدل احسنذ
وانشاء الله انقبل طب عام
احب الحياه واحب الفرح اكره شي اسمه حزن اريد اكوون اسعد انسانه اريد اسافر كل بلدان العالم واريد اصعد للمريخ واريد اصعد ع الغيم
سيف:: حلو طموحه انه هم هيج جنت بس صار العكس
نجود::اني لازم اروح بعدين نحجي
سيف:: هساع برد كلبي ينبضو انتظرج من يصيرلج مجال رمشي
نجود::حاضر
سديت الخط وضميت الفون بحضنني مااعرف ليش احس راح يكون هذا السيف قدري