بخطواتي تعثرت

السابع عشر ⭐

البارت السابع عشر ⭐⭐
من رواية بخطواتي تعثرت ⭐⭐
بقلم دينا ال سلمان ⭐⭐

وأنا متعبٌ
‏وبيني وبين الطمأنينة
‏دروبٌ طويلة
‏وخلف هذه المسافات
‏بلادٌ تؤذيني
‏بيتًا مسكونًا بالصمت
‏وآهات لا تعرفُ سوى فمَي
‏وجرحٌ عميق
‏ينزفُ من حيث وّلدت.

نجود:::طلعت الممرضه تركض
اجه الدكتور مخبوص ويركض اسماء تخبلت كامت تلطم وادك بابا راح راح مااات مااات عاافنه وتلطم والجهال يبجووون واني اعيط لاااا فدوه لاا لتروح بابا لخاطرنه لتروح وتعوووفنه لااا اسمعهم يكولون كلبه كلبه وكف

كعدت بالكاع وكمت اردد
‏﴿قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ﴾

طلعت الممرضه والدكتور وره نص ساعه من البجي والدعاء والقهر كالت الحمدلله كلبه وكف والله لطف بحالكم
اسماء ،::الحمد لله الحمد لله
نجود::حضنت محمد وبجيت يااارب رجعلنياه ماعدنا غيره نضيع بلياه يارب ارحم بحالنه لخاطر هل اطفااال ياارب
اجت اسماء ،حجت
اسماء::كووومي روحي للبيت أخذي الجهال وارجعيي
نجود::ماارجع انتي روحي اني مااروح
تقربت عليه وحجت بهمس
اسماء::مووتيي امميي وهسه تريدين تخلصين على بااابااا بيج شي انتيي بس يشووفج هسه يمووت روحي انكلعي لخاااااطر الله ارحمينه ارحمييييينه
نجود::دفعتني وكعت ع ضهري كمت دمووعي نزلن بوحدهن عفت الجهال وكلشي وطلعت اركض للشارع كعدت ع الرصيف وابجي بعلو صوتي تعبتتت يااربي محد يحس بيه ا والجوو عادي مو بارد واني لابسه تراك بيتي بس شو ثلجت عبالك بشهر الواحد احس اعضامي تكسرن من البرد اطك سن بسن مرت نص ساعه على كعدتي ودموعي يجرن حسيت أحد كعد يمي رفعت عيوني اصلا كلشي مااشوف بيهم مغوشات مسحتهن حيل ورجعت باوعت جان كاعد وطن بصفي حجبت
نجود '::شررايد انت الثاني وشدراك اني هناا
وطن::كومي دا وصلج للبيت
نجود:: اطك سن بسن واحجي رووح انت شكوو شعليك
وطن :؛ كومي راح تموتين مشوفين روحج ترجفين
نجود::مدخلك رووح انت
وطن ::يوويل نجووووود لتخليني اسحلج بسياره كومي دا اكلج راح تموتييين واختج قبل شوي خابرت عمامج راح يوصلون كوومي ياعيني
نجود::كمت رحت وياه مابيه حيل أناقش شغل السياره
وطن ::شنو يوجعج
نجود::بردانه بردانه حيلل
وطن ::ماضل شي ونوصل
نجود::هممم بعدها ماحسيت بشي كعدت ع صوته هو واحد يمه
فتحت عيوني لكيت روحي بغرفه ومره ببعمر امي يمي وطن شايل فوطه بيها مااي
وطن :: الحمدلله على السلامه شلون صرتي
نجود::اني وين وشكد صارلي نايمه
وطن '::يومين ونص
نجود::كمزت وباوعت عليهم صدك عليك الله هسه اهلي تخبلوو
وطن::لتخافين ماكو احد بعدهم بالمستشفى
نجود::مستحيل هاي ثالث يوم الي هنا ومحد فقدني!
وطن:: لاامي خابرت اسماء كلتلها يمي واني صاحبتها بالجامعه وسكتت
نجود::كمت باوع مغير ملابسي شهكت
منوووو غير ملابسي
وطن:: امي والله
نجود::لازم اروح للمستشفى كمت اختل توازني ورجعت كعدت
دخلت امه بيدها صينيه وهو واكف لازم بيد صفحته وايد لازم فوطه بيها مااي
حجه اكعدي اكلي لكمه واني اوصلج والله
الام :: اكعدي يمه اكليلج شي لوما المغذي جان هسه انتي ميته ياامي
نجود::خاله مااريد كلشي بس اروح اشوف بابا خطيه
الام ::اكلي واسبحي وراها اني اوديج بيدي
نجود::اكلت شوي ودخلتني للحمام جانت ريحة الصخونه كفيله اتخايني اتسبح بدون اعتراض جابتلي ملابسي لبستهم وطلعت مشطت وشلت شعري بقراصه ولبست حذائي وطلعت
مشيت وهو وأمه ورايي صعدنه بسياره ومشينه
وصلني للمستشفى ونزلنه هو وأمه وياي دوصلت لكيت بس اسماء وعمي ابو شاهين كاعدين ع كراسي الانتظار بالممر
نجود:: السلام عليكم
اسماء ماردت بس عمي كام باسني من راسي
وجه
ابو شاهين:شلون صرتي بنيتي خابرت صديقتج خطيه كالت مريضه
نجود ؛: الحمدلله
ام وطن:: الحمدلله على السلامه خويه مشووفون شر إنشاء الله
أبو شاهين::تسلمين اختي ربي يحفظكم
وطن ::يله يمه امشينا
نجود:راحو واني حجيت عمو شلونه بابا
أبو شاهين::زين طلعو غرفه خاصه يجوز اليوم العصر نطلعه
نجود::يعني صحه ويحجي كلشي مابيه
أبو شاهين::لا بابا انشل شلل نصفي بس يحجي بصعوبه بس بالعلاج الفيزيائي يرجع انشاء الله
نجود::كعدت بالكاع وخليت ايدي ع راسي
اسماء::ارجعي للبيت نجود الاطفال وحدهم
ابو شاهين::خليها عموو خلشوف ابوها
اسماء::لا عمو خلتروح خطيه صالح خابرني رفل تبجي وعبدالله وأحمد مبتلشين بيها ختروح ويجون الولد هينا
أبو شاهين::عمو انتي وين جنتي صارلج ثلث ايام
نجود::قبل لااحجي اسماء حجت
اسماء::جانت بيت صديقتها تخربطت واني وديتها يله نجووود كوومي رووحي
نجود::كمت صاحت عليه
اسماء:؛هاج هذا مفتاح السياره وخلي عبدالله وأحمد يجون
نجود::محجيت كلشي اخذت المفتاح وطلعت فتحت السياره وصعدت بعد بجسمي رجفه وبعدني ممسيطره ع روحي شغلتها وطلعت وصلت للبيت نزلت فتحت الباب صار بوجهي عبدالله شايل رفل وهي تبجي تقرب عليه وسلم
حضنته وبجيت
عبدالله::نجود حيل مشتاقلج شلونج شخبارج
نجود::مسحت ادموعي وباوعت عليه حبيبي صاير رجال سنتين مشايفتك
عبدالله::خلص راح ابقى هنا بعد ماارجع اني وأحمد راح نسوي نقل ونبقى يمكم
طلع احمد شايل سلة ملابس
باوعلي
حجه
احمد::عبدالله منيلك هاي ألحاته
نجود::ضحكت وفتحته حضني اجه حضني ويمسح بوجهي
احمد ؛: لتبجين احنه سندج والله الي يحاجيج تحركه خلص جوجو خلصص شوفي منا وجاي نقسم الشغل
نجود: كعد ع القنفه ويحجي
انتي عليج الملابس والمواعيد على عبدالله والطبخ ع اسماء والتنضيف ع صالح
نجود::تخصرتله وحجيت وانت استااذ
أحمد::اني عليه افتر عليكم وأشوف شغلكم وإذا مزيين ارجعكم
عبدالله::كووم منا احمد انشر الملابس احسلك كووم
نجود:: فدوه ربي يحفظكم كلشي اني اسووي بس ابقو يمنا
تقربوا عليه باسوني من راسي ونطوني رفل احمد اخذ السله مال الملابس وعبد الله كعد يمي
حجيت عبدالله ترا اسماء كالت خليجيون هو وأحمد
عبدالله:: اي هسه نروح
نجود:: هذا المفتاح مال السياره
اخذه وطلع صاير رجال حبيبي نزل احمد بدل وطلعوو اخذت رفل غسلتلها وبدلتلها وصالح ومحمد بالغرفه يقروون انطيت لرفل العاب وكعدت اسوي عشا
كملت صبيت الجهال وكعدت يمهم يأكلون واني اوكل برفل
خلصوا لميت البيت واخذت رفل تنام صارت ب٩
دخلت اسماء بوحدها بدون سلام اخذت ملابس ودخلت للحمام اسمع بجيها
نامت رفل غطيتها وكمت لكيت محمد نايم ع الكتاب شلته نومته بمكانه وصالح هم دخل بفراشه ناموو وسديت الباب عليهم رحت كعدت بالصاله اريدها تحجي تعاتب تعبت من كلشي طلعت لافه المنشفة على رأسها مشطت وراحت للمطبخ سوت عشا وجابت الاكل تاكل وهبالك اني مموجوده نزلن دموعي باوعتلي بعدم مبالاه ورجعت تاكل كملت وراحت غسلت المواعين وطلعت خابرت عبدالله
اسماء::ها عبود شلون صار بابا