بخطواتي تعثرت

البالبارت الخامس #رواية_بخطواتي_تعثرت

البارت الخامس
#رواية_بخطواتي_تعثرت
بقلم دينا ال سلمان ⭐⭐
ليتنى أصب بفقدان الذاكرة
حتى أنسى كل وجع مر فى حياتى

نجود::سمعت صوت بابا حجه لايا حقيره ادخلييييين زلم لبيتي وراها دخلوو اسماء والولد للبيت اسماء جايبتهم وياها هم وبابا
اني هنا  انتهيتت...
دخلت اسماء وحجت
اسماء::شكو ليش بابا يصيح

نجود::محجيت كلشي تجاوزتني ودخلت تركض فتحت الباب وهي عاطت
اسماء:: لا بابا عليك الله عوف امي
نجود ؛:اول مره اشوف بابا يضرب امي وامي متقاوم اصلا مصدومه بس رحت اركض دخلت للغرفه وكمت اجر باامي دفعني بابا وجرها من شعرها جانت امي لابسه بس ملابس داخليه والشباك مفتوح وهو بيتنه طابق واحد ووره الغرفه مال امي حديقه والسور مو عالي يعني يكدر ينهزم بسهوله
جر امي من شعرها وشمرها بصاله وراح للمكتب مالته طلع مسدس واجه يركض اسماء صارت كدام امي وامي تدفع بيها
علياء:: علي كول ياالله لتتهور تعوذ من الشيطان اني علياء وش الله مااعرفه
نجود:: امي تحجي وبابا جر اسماء وخلاها توكع ع وجها رفع المسدس بوجها وهي بلعت ريكها وباوعتلي بنضره حسيت اني شكد حقيره هاي امي المفروض أروح احجي بس خفت من كلشي واصلا ممتوقعين بابا راح يصوب امي مجرد يخوفها بس سمعت صوت طلقه ناريه جانت قريبه بس ابد مصدكت هاي الطلقه بصدر امي فتحت عيوني وهزيت راسي لااالااا رحت اركض حضنت راسها اجت اسماء تباوع ممصدكه معقوله بابا كتل امي
اخوتي يصارخوون بكل قوتهم وامي مدده بالكاع ومابيها نفس واني حاضنة راسها واصيح لاااا لاا تقرب عليه وجرني من شعري وحجه
منو هذا لاا ليش لا والله ماعليه بابا اتركني اخخخ
اجت اسماء تركض وكعت ع وجها وكامت جرتني وخلتني وراها حجت ابتعد عنها عووفنه بحالنه
اباوع الدم تارس المكان وامي غركانه بدمها وبابا واكف شايل المسدس مصدوم اخوتي واكفين وصافنين تقرب عليه وجرني من شعري حجه منو هذا الجان يمجن احجي...
حجت اسماء مابين دموعها
اسماء::بابا عووفها لخاطر ربك شدراها هاي الطفله عوفها
نجود::هدني وكعد خله ايده على رأسه وحجه علي::: وحق الله ليكول اني قتلتها ميلوم اله نفسه
نجود::اباوع عليه
حجه
علي:: تعال انت صالح سبع هاك الزم وكلهم جنت العب بيه ومااعرف شلون طلعت طلقه وكعت باامي
اسماء:: انت مستحيل اتكوون ابووونا علي انت منووو احنه منعرفك ليش تريد تورط اخووي بعده جاهل شاااف من حياته
علي::انجبي وسدي حلكج اخوج بعده طفل ومحد يحاكمه روحي خابري خوالج وعمامج
اسماء::ولج يمه كووومي يوووم لتعووفينه
نجود:::كاعده على صفحه ومكوره ع روحي واحجي امي ماتت امي راحت بعد ماعدنه ام ارجف واباوع لاامي اخوتي يبجون ويبوسون بيها اسماء خابرت خوالي وعمامي بس كالتلهم اخوي صالح محجت غير الي حجاه بابا وعلمه النه
خابرت اسماء الاسعاف وره ربع ساعة اجت اخذو امي لفوها وطلعو كالو ميته
رحنه كلنه ويه اسماء وبابا وياهم بالاسعاف
وصلنه للمستشفى ونزلنه نركض لكيناهم مدخليها للمشرحه
للعصر والمستشفى والشرطه والناس التمت وصارت عركه بين خوالي وبابا واخر شي نطونه الجثه اي الجثه مو امي مو هذيج ام وجه الحلو الي تهتم بينه قبل روحها موهي الي تركت وضيفتها حتى تشووف طلباتنه ومتقصر ويانه موهي الي عاندت جدي وخوالي حتى تأخذ حب عمرها وخوش جازاها
اخذنا امي وخوالي كالو ندفنها بالنجف رحنه كلنه وياهم عمامي وابوي واحنه وبيبي خطيه اجت رغم هي قبل سبوع رجعت لبغداد
اخذونا ورحنه وصلنه لبيت خوالي تلكتنه بيبيي ام امي وخالاتي ونسوانهم اخذنها غسلنها والعياط والنحيب والصريخ غسلنها وجفننها بيدهن ويبوسن بيها امها تبوس بيها بكل مكان وصيح ولج يمه ماشبعت منج اخذوج مني واني لهفانه على شوفتج
ثلث ايام بالفاتحه مااكلت ولاحجيت بس دموعي يجرن كمت اكووم واوكع لحد ما رجعنه للبيت و من الدفنه وعيوني ادور امي معقوله راحت لااكيد هذا حلم
دخلت للبيت اني واختي واخواني وبابا  وصلنه للباب وراح
دخلت لغرفتها يمه عليج الله ارجعي
امي حين رحلتي اجبرتيني على إكمال الحياة بلا حياة
دخلت اسماء وحجت منو هذا الجان يمجن وامي شعدها وياه
نجود؛: دفعتها وطلعت
حجيت بداخلي شحجي شكول منو هذا اخ ياكلبي
اسكت واخلي امي هي المتهمه لواحجي ويرجع بابا يقتلني
تعبت من التفكير وراسي يوجعني فدمرا ودوخه نمت وحلمت امي يمي بس مااكدر اوصللها اصيح وميطلع صوتي وهي واكفه منطيتني ضهرها راحت واني اركض وراها لحد مابتعدت عني واني اركض بس بمكاني اريد اوصللها مااكدر لحد ما حسيت وكعت بنص حفره وفزيت كعدت بالكاع وخليت ايدي ع وجهي وكمت ابجي واصيح بهستريا ولج يمه وينج تعااالي يووم مااكدر بدونج يمه وينج ليش عفتيني
دخلت اسماء وحضنتني اسكتي حبيبتي اترحمي الها حرام عليج هيج تسوون بروحج هسه امي زعلانه عليج لأن هملتي روحج ومتاكلين كافي اني اختج وامج وكلشي تريدين اصير بس قوي روحج لخاطر اخوتج
نجود::حضنتها حيل حجيت كلبي كلبي يوجعني اريد امي اني هواي تعبانه احس روحي مخنوكه واريد امووت اخخ يمه
تمسكت بيها كومتني واخذتني للمغسله غسلت وجهي ورحت للمطبخ سوتلي لفه وعصير وكالت
اسماء :::اكلي هاي لخاطر امي
نجود::,اخذت اللفه منها واكلت لكمه وشربت عصير وطلعت بالحديقه أريد اشتم هوى احس اني سبب موت امي وشنو احس اصلا اني السبب الله يأخذني يتمت اخوتي بسببي
اندك الباب رحت فتحته
جانن عمتي وبيبي
وعمي حسن
دخلتهم للبيت وتلكتهم اسماء وديت مي وجاي
حسن:: مشكوره عمو
نجود::الشكر لله
حسن::هاي بيبيتكم راح تبقى وياكم
اسماء: هلا بيها
نجود:: شربو الجاي وطلعو وبيبي بقت يمنه
صار المغرب وبابا ماكو اتصلت عليه اسماء
اسماء::بابا انت وين بيبي ترا يمنه
علي::اني بالطريق جاي
اسماء::جيبلنه وياك عشا ومسواك ترا الثلاجه فارغه
علي:: انشاءالله
نجود ':: سدت الخط وحجت
اسماء :::حيل كارهه بابا وكلما اشوفه احس اني ساكته عن دم امي
نجود:: احنه ونحجي الباب اندفر ودخلو الشرطه طوقو البيت ويصيحون احنه والولد التمينه يم بيبي اجه واحد طويل اسمر وعنده شوارب طوال شكله يخووف اذا ينفخ علينه نطير
حجه
الشرطي::: اني النقيب أحمد
واليوم اجتنه اخباريه كالو امكم ماتت مقتوله مو حادث
يعني مو اخوكم الي كاتلها أو صار سوء فهم انو يلعب واطلق النار عليها اووو اذا نرجع هو وينه سلاح الجريمه
نجود:: يحجي ويروح ويرجع ويباوع علينه ويغمض تصرفاته تخليك ترجف من الخوف
يفتح كف ايده ويضربه بيده الثانيه ويكز ع أسنانه
كعدت بالكاع وخليت ايدي ع حلكي اكتم خوفي اخواني يتراجفون مجلبين بيبي خطيه صالح لازم ثوب بيبي ومخلي وجها بثوبها
بس اسماء جانت مخايفه لأن هيه طالعه وشايفه هواي هيج ناس حجت اسماء
اسماء::: احنه مفجوعين والحد الان احنه ممصدكين اخوي موت امي بالغلط وانت بدال مجاي تحقق ويه النسوان والجهال روح ع إلزلم لو كدرتك ع نسوان
النقيب أحمد:: مفجوووعين اخخ والله قهرتيني اني متأكد انتوو كلكم تعرفون شلون امكم انقتلت بس ثقو بالله اذا عرفت انتو تعرفون شي وضامينه علينه اله اخليجن تخيسن بالسجن
نجود:: دخل بابا وهم لازمينه من ادينه
حجه
علي؛: خير سيدي خما اكو شي
احمد::: لا استاذ علي ماكو شي بس شوي تحقيق عرفنه او احد بلغنه انو زوجتك ماتت مقتوله عمداً يعني مو حادث
علي:: وين دليلك ؟!
احمد:: هو احنه جاي ندور دليل
علي:: اها تمام ولكيت دليل
نجود:: جان بابا يحجي برود دفعهم وكعدت ع القنفه ويحجي وياهم من وره خشمه
حجه النقيب ؛:: وين ادات الجريمه
علي:: اخذو الشرطه الي ببغداد
احمد:: شلك بيها هاي شلون ياخذونه واحنه هنا
علي ''' من رحنه ندفن المرحومه بالطريق احد السيطرات لكوه بالسياره واخذو
النقيب:: وكلشي مسوولك
علي::: لا لان هو اصلا مرخص واني نطيته الهم كتبهم اتصرفو بيه
صاح النقيب بصوت خله بابا يوكف ع حيله
النقيب::: كووووووم اوكف واحجي عدل شلون نطيته شلون هم اصلا اخذوو انت كاعد تجذب عليه
حجه بابا
علي:: خلص الصار صار وطفل ويلعب وضرب امه ترا اصير هوواي كافي اجو الشرطه وحققوا وشافو كلشي صار وحتى المشرحه ثبتت هذا الشي بعد شكو يوميه جااين سالبين راحتنه
حجه النقيب::اني رايح بس راجع والكم يوم وممنوع تطلعون من الموصل لحد ماتنحل القضيه
علي:: اي قضيه الي تحجي عنها كتلك كلشي انحل وانغلقت القضيه كاافي فوك ضيمنه نوب انتووو
احمد ': اني حجيت واريد احد يطلع خارج الموصل واني اعلمه لوتروح للجحيم هم الحكك
نجود:: اشر للشرطه الي وياه وراحو
كعد بابا وكلم يصرخ ويضرب ع راسه
تقربت بيبي منه خطيه جان وجها اصفر مبينه خايفه خلت راسه بحضنها وكامت تبجي وياه حجه
علي:: ولج يوووم ادخل الكاها ويه واحد بالغرفه وهي مالابسه غير ملابس داخليه وهو نازع البدي من سمعو صوتي هو طلع من الشباك وهي سترت روحها ماشفت وجها يووم لوبس اعرف منو هذا جان كلبي ارتاح منو هذا الي باعت عشرتنه وحبنه ع موده
بيبي:: عزا يبووووو يعني انت الي كتلتها راح وليدي يمه عزا بعينج فضيله راح ابني ولك جان طلكتها وطردتها تكتلها يمه انت العاقل العارف ليش يمه ليش
علي:: يمه شتريدين مني واني اشوفها ويه واحد بغرفتي ماتمالكت نفسيييي يمه شلون بيه تعبت والله
نجود:: خله ايده ع وجها وكام يبجي اني ادري واعرف شنو الحب الي بين بابا وماما بس اني دمرت كلشي حلو جان يجمعهم كلنه بجينه ع بجي بابا لحد مصار هدوء باوعت الكل ساكت بس صوت الشهكات تطلع بيت لضبم مرعب مابيه روح امي راحت وبهذا البيت
كامت اسماء وصاحتلي رحنه نزلنه المسواك من السياره وسويته عشا
ورحنه خليناه يمهم كل واحد اكل لكمه وكام راح لغرفته فرشنه لبيبي ومددت واحنه رحنه لغرفتنه دخلت مددت بالكاع مااريد انام ع الفراش امي نايمه بالكاع واني انام بالفراش دموعي وحدهن يوكعن احس كاعد يحركني
مديت ايدي ع التليفون اخذته ولكيت كوومه رسايل ع الماسنجر رحت حضرته بدون مااقرا ومسحت المحادثه ولزمت التليفون كسرته
اسماء تخبلت تريد تعرف شبيه واني اخاف احجي اي شي اخاف اكلها اني السبب اخاف اكلها امي بريئه واني المذنبه اني الي سمحت لعاطفتي تتحكم بيه
اسماء:: نجووود شبيج راح تتخبلين كولي ياالله
نجود:: شمرت روحي بحضنها وكمت اشهك وابجي حضنتني حيل وتمسح ع شعراي وضهري بعدها حسيت ع اشعه الشمس بعيوني غمضت حيل وفتحت بنزعاج كمت رحت للمطبخ غسلت وجهي باوعت ع الساعه جانت ب٩وماكو غير بيبي وصالح كاعدين والبقيه رايحين كلمن ع دوامه وشغله اني هم بدلت
لبست بنطلون اسود وقميص اسود وشعري سويته كبايه واخذت ملتزمي وكتبي وطلعت اخذت السياره ورحت للجامعه جنت حيل ضايجه دخلت للكراج ركنت السياره ورحت دخلت للجامعه جان قسمي داخلين محاضره دكيت الباب وطلبت ادخل
الدكتور::دخلي بس هاي اخر مره احد يجي متأخر بمحاضرتي
دخلت ودموعي تلالي بعيوني من الفشله مسحت ادموعي وباوعت لكيته مركز وياي طلعت ملزمتي وسجل الملاحظات وكعدت استمع اله لحد مخلص حجه
الدكتور :::نجود تعالي للمكتب عندي موضوع وياج
نجود::تمام دكتور
راح واني ارجف عزا شيريد مني هو يطلع عمره بالخمسين وسمعته زفت كلها تحجي بيه
اخذت جنطتي وملازمي حاضنتهم ورحت دكيت الباب سمعت صوت ادخل
نجود ': مرحبا استاذ طلبتي
الدكتور:: اي بس صارلج سبوع ممداومه شنو السبب
نجود:: امي توفت ومكدرت اداووم
الدكتور:: الله يرحمها بس احنا امتحنه مثل متعرفين وانتي ممتحنتي اذا تريدين امتحنج بأي وقت اني حاضر
نجود:: اكلني بنضراته ونضراته مبينات مال واحد حقير حجيت من بين ادموعي
شكرا دكتور بس انت شوكت عندك مجال اني ماعندي اي مانع
الدكتور:: بأجر ب ١٠
ماعندي شي تعالي هنا امتحنج
نجود:: إنشاء الله
الدكتور ': أخذي راحتج
نجود:: طلعت اركض ممصدكه اجت انس صديقتي
انس:: شرايد منج هذا
نجود:: عالمود الامتحان لأن ماا امتحنت حددلي بأجر امتحن
انس:: ليش هيج صاير بحالج وليش لابسه اسود
نجود:: امي توفت
انس ': ياعمري الله يرحمها ويغفر الها والله مااعرف ليش مخابرتي جان اجيتج
نجود:: بالنجف سوينه الفاتحه
انس: يعمري لتنقهرين كلنه ع هذا الطريق ترحميلها لضلين تبجين ترا هي تزعل من اشوفج تبجين
نجود::تواسيني متدري اني سبب موت امي نفضت راسي من الأفكار وكمت اتمشا رحنه للكافتريا معدنه ناكل ونحجي رفعت راسي جان واحد كبالي يباوعلي ومبين مو من الكليه بس اني شايفته وخاصتآ هالعيون شايفتهن والله بس مااعرف وين لحد ماضربتني انس
التفت عليها
وجع شبيج اذيتيني
انس::فصلتي الرجال
نجود::مااعرف وين شايفته وهيج منتيها عليه يالعوبه
خلصنه محاضرات وصارت الساعه ب٢
طلعت
صعدت بسياره اريد اشغلها متشتغل نزل ضرربت التاير هسه وكتج
تقرب عليه وججه تحتاجين مساعده
تقربت عليه وحجيت كم مره كتلك لتتقرب عليه ولوتوصل يمي انت متفهم
جرني من ايدي ولواها صرت قريبه منه نفخ شعري بهوى حلكه وحجه اني الجحيم ومستحيل اعوفج قبل لاادمرج دفعني وكعت بالكاع باوعت ماكو مااعرف وين وشوكت راح
رجعت للسياره كعدت اشغلها مااشتغلت
اندك شباك السياره باوعت بقلة حيلة
سيف::انزلي اوصلج
نجود::ههههههه ضحكتني تروح منا لا الم الناس عليك
سيف::وخري خالشوف ليش متشتغل
نجود::اكيد انت خربتها
نزلت متوجعه من ايدي فتح البنيد وكام يشتغل بيها صاح شغلي
نجود:'صعدت شغلتها اشتغلت
تقرب عليه وحجه
سيف::تدللين
نجود::شخطت السياره وطلعت وصلت للبيت لكيت هذا الولد الي بالكافتريا نفسه واكف كبال بيتنا رجفن رجليه وباوعت ياسر ابن جيرانه واكف ع صفحه يباوع عليه
فتحت الباب ورجعت صعدت دخلت السياره بالبيت ودخلت جان الاولاد جايين وبابا هم سلمت ودخلت سبحت وطلعت اخذت ماعون تمن وخليت فوكاه مركه سمعت صوت الباب يندك طلع بابا واسمع يحجي ويه أحد طلعت ع كيفي اسمع ياسر يكله عمي اني يوميه اشوفهم منيطلعن البنات يراقبونهن ومن يرجعن هم وراهن واكو ثنين ميروحون من يم بيتكم....
هسه اذكرت هذا ابو عيون نفسه الي اجه ع بابا وأخذه واني اكول شايفه هل عيون صح كل مره اشوفه بمكان وأكثر المرات لابس كمامه......
سأظــل ..اگتم
واگتم واگتم !
حــتىٰ تقتلنــي
شهقــة البگاء : (
في ليلهـ ....وينتهي امـــري
يتبع....