بخطواتي تعثرت

الخامس والعشرون

#بخطواتي_تعثرت
البارت الخامس والعشرون
بقلم دينا ال سلمان ⭐⭐

‏

لا وألله ألزعل مريود
وماضن راح نتراضه
الشلناهم منحجي منين
وتمسكنه بيهم حيل
مثل مجنون واغراضه
بس خلصو ليريدو
حارو بينه شيسون
كطف من ماكو نفاضه..
نجود:: انت مجنووون شعندي قاابل موزين كاعد يوصلني ويرجعني للدوام كلمن يشوف الناس بعين طبعه
محسيت غير ع ضربه براسي وراها فقدت
كعدت اتلفت دنيا ليل وكلشي ميبين
ضلام بس صوت الجلاب برا ومدري شنو يعوي خفت  لزمت راسي اكو شي لزج بيه عرفته دم
حجيت بهمس أحد هنا احد يسمعني يمه يممممه وينج شوفي شصار بيه بعدج فوك مامتي وانتي ماراضيه عليه انوب حملوني موتج وشمرت نفسي يم ناس غرب اهلي تبرو مني يمه وينج حسيت أحد لمسني شهكت حيل وكمت
يمكن خلص نص عمري بهل ثانيتين حجيت انتووو منوو وطن ووووطن ياااوطن وينك بداعت امك تعال وحق الله ماعندي كلشي ويه فراس حسيت دوخه براسي مااكدر اوكف بعد كعدت وكرفصت حاضنه رجليه لااكدر اضل كاعده ولااكدر اكوم الجلاب اصواتهن قريبه وصوت مرعب مال حيوانات كتمت حتى النفس
غمضت عيوني عرفت هنا راح اموت احجي ويه روحي
راح اموت ومحد يندلني اني ليش هيج من دون البنات حسيت أحد لزمني واني عطت بعلو صوتي يمااامااا
وطن:: انكتمي اجعلج بالعمى
نجود:: وطن انت هنا وطن شغل الضوه حباب والله اخاف
بدون لايحجي شغل اكلوب التليفون
باوعت عليه مرتجي ع الحايط ومغمض
حجه
وطن:: نجود شعندج ويه اخووي
نجود:: وحف الله ماعندي شي والرب
تقرب عليه وراواني فيديو اني نايمه وفراس شايلني ويباوع بوجهي
والله هاي اني شسمه
وطن:: شنووووو احجي لاوحق الخظر احفرلج نكره هينا واطمج
نجود: شفت امكط ناطق وناطق يكتلون بدلال وو وو شسمه واحد وياها وحتى لاينتبهون عليه هو سد حلكي واني من الجفله فقدت ومن كعدت لكيت روحي يم مشاعل
وطن:: شنو شفتي؛!!؟
نجود:: يعذبون بدلال حجيت وبجيت والله كلشي ماعندي وياه معتبرني اخته الله شاهد بس لان شافو يوصلني ومن اريد شي اروحله رادو يخربون علاقتك بااخوك واني تطردني
اباوع عليه فرك وجه بعشوائية وكام
كمت رحت لزمته من قميصه وطن لتروح وتعوووفني كمت ابجي واشهك لمني لحضنه وحجه
وطن::انه اسف أن جان عندج حك يمي بس وحق ربج اذا حسيت اجذبين اله امحيج
نجود::هزيت راسي وسكتت صاح
وطن::يله امشي
نجود::جرني من ايدي فتح باب الغرفه لكيت السياره كدام الباب صعدت بسياره ورجعنه محجيت كلشي راسي حيل ايأذيني
لزمته وغمضت كمت افرك بيه اريده يهود انتبه عليه
وطن::اشبيج عش تفركين براسج
نجود::حيل يأذيني حتى عيوني احسهن مغوشات ويمكن  مشكوك لأن حيل يوجعني
فر السياره وغير طريقه اني هم خليت راسي ع الجامه ودموعي يجرن اذكرت بيبي من جنت اداهر وياها وهي تزعل مني
بيبي هاي الشوربه ماصخه
وهي تكلي مو امصخ منج
لومن ازعل واسماء تراضيني
لزمني شي وبابا يكلي من عيوني
وعبدالله يغار وبابا يكله عيب انت زلمه
عبدالله: لا انت تفرق تحبها أكثر
علي::كلكم احبكم بس نجود الوتين هاي تختلف عنكم فقيره وعلى نياتها انتو تأخذون حقكم بس هي ضعيفه تريدني اني اخذ حقها
لعد انت موتعرف اني فقيره ليش عفتني دموعي نزلن مسحتهن ورجعت للواقع من حجه وياي وطن
وطن::راح احدر (انزل) اشوفلج شي لراسج ممنوع تتحركين
نجود ؛:مارديت نزل دخل للصيدليه جاب علاج ورجع شغل واني ساكته
وطن:: اني اسف نجود والله جنت شارب وشوفوني الفيديو وتخبلت
نجود:: محجيت كلشي ساكته وهو من شافني هيج سكت
وصلنه للنبكه الجبيره حجيت اوكف هنا اريد اتنفس
وكف السياره فتحت الباب ونزلت رحت كعدت وارتجيت على جذع الشجرة دنيا ليل والجو بارد بس اني محسيت بااي برد
اجه هو نزل غصن كسره مليان نبك نطانياه
اخذته منه جنت ميته جوع اكلت نبكتين وجمعت الباقي حجه
وطن:: شسوين بيه ؟
نجود::من اجيت لليوم ماشبعت بطني يما الكه الثلاجه مقفوله يما تأكلون ومحد يبقيلي لوما مشاعل تضملي لفه جان متت من زمان أخذهم اضمهن من الجوع اكل لحد ما يصير الصبح واروح ادور بيت ااجره واكعد بيه كمت نفضت ملابسي ومشيت صعدت بسياره وهو واكف اندار واجه فتح الباب وصعد مشه حجه
وطن ؛؛ليش اتأجرين؛؟
نجود:: خلص خلصتني من اهلي وجان اتفاقنه تحميني منهم لحد مااتخرج بس ماشفت منك اي حمايه دوامي من يذكر فراس يوديني ومن عنده شغل ينساني بالجامعه وانت ماداري عن هوى داري اجر بيت قريب على الجامعه واشتغل العصر حتى لو خدامه واعيش روحي
وطن::عش هيج تحجين انه صح غلطت بحكج والمفروض اخليلج خط فد والله سالفة دلال خلت عقل براسي
نجود::انت ممجبور بيه مشكور على وكفتك وياي بس اني اريد اطلكني اريد اطلع منا مااريد ابقى يم اهلك
وطن:: اطلك انسي وطلعه ماكو بأجر انه ازتج وارجعج وادورلج خط بلا حجي زايد
نجود:: مااريد خط اني اريد أشتري سيارة
وطن::يصير خير بس كافي مو عساي راسج يعورج!؟
نجود::
محجيت ارتجيت ع الجامه وسكتت وصلني وراح دخلت بيدي العلاج جانت ام ناطق وهيام كاعدات ياكلن فواكهه كرزات ويباوعن فلم
سلمت
تم ناطق::ياهلا والله ها بشري شسوالج حاتم ولو اعرفو اغم
نجود ،::ليش هو شكو حتى يسويلي شي ا
هيام ؛؛نايمه بحضن اخوه وهو ما يدري
نجود:: ها زين لعد من يجي احجن وياه خلي احجيلج كلمه وطن يحبني وابنه بطني واكيد ميصدكج ويكذب ام ابنه وانتي هيوممه ديري بالج ع ابو بيتج حبيبه
هيام:: شكصدج شنو اديرن بالي ها شبيه ناطق
نجود::رفعت حاجبي بستنكار وحجيت مااعرف
ام ناطق::صدك انتي حبله
نجود::اي ليش احسج مافرحتي لو لأن وطن مو ابنج؟
ام ناطق:: وطن ابني ماعندي فرق بينهم انجبي وسكري لحلكج لا اسكرو بطريقتي
نجود:: مرديت عفتهن وصعدت جنت محتاجه حمام اخذت ملابس وطلعت للحمام سبحت ولبست وطلعت صار بوجهي فراس وجهه كله كدمات وآثار ضرب وعينه وحده منهن مورمه
نجود::هذا شبيه وجهك؟
فراس:: ماابو شي
نجود::عافني وراح اني هم دخلت للغرفه وقفلت الباب مشطت وكملت طلعت كتبي اقرا كملت ونمت كعدت راسي مصدع واليوم خميس مااروح للدوام خابرت ميعاد
نجود:: الو صباح الخير حبي
ميعاد::هلا صباحو عسل
نجود:: تروحين للدوام
ميعاد::اي وانتي
نجود:: مابيه حيل احس روحي امرض
ميعاد::لعد اني هم مااروح ابقى وحدي اصفن
نجود::لا روحي منين ناخذ الدروس يمعوده
ميعاد ؛:لا مااروح عود اخابر مها ادزهن النه يله روحي خلرجع انام
نجود:: مخبله انتي
سديت الخط وكمت غرفتي بس سرير حديد وكنتور بابين وفراش بالكاع عدلت السرير ونفضت الفراش وجبت مكناسه كنست وشعلت بخور وطلعت جانو كلهم يتريكون
صباح الخير
أبو ناطق م؛: هلا يبه عش متنزلين صار يومين مشايفج
نجود:: رحت تقربت بست راسه وحجيت والله اقرا دراستي صعبه
أبو ناطق :: إنشاءالله ميضيع تعبج يبه تعالي اكلي
نجود::كعدت وي عناهم اكل وعيون ام ناطق تريد تطلع
حجت
ام ناطق::اليوم م رحين للدوام
نجود::لا عمه راسي مصدع واحس روحي راح امرض
ام ناطق:: خبرتي زلمتج بحملج
نجود:: فتحت عيوني وغصيت حجه عمي
أبو ناطق:: ع كيفج يبوي اشربي ماي هاج يبه هاج
على كيفج بهداي يمره
ام ناطق:: واني شعملت عش تصيح
أبو ناطق :: ها يبه نجوده صدك حبله
نجود:: احم والله عمو مااعرف بعد هو اني مارحت للدوام حتى اروح احلل
أبو ناطق:: اي روحي انتي وعمتج لو خبري وطن يجيج ياخذج هو وينو عش مهمود برا
ام ناطق:: وانه شعرفني
نجود:: سفره دايمه كمت رحت للمطبخ صار لكيت مشاعل تغسل بالكاونتر
صباح الخير
مشااعل::يسعد صباحج حبيبه
نجود::ليش مااجيتي البارحه يمي والله دورتج
مشااعل: ها مو شسمه
نجود::صغرت عيوني وحجيت شنو
مشااعل:: ناطق اجه وكسر هجرانه
نجود::صدك والله ع الخير انشاء الله يوم تحبلين
مشااعل:: وج اشش مو بس البارحه هاي صار مرتين يجي بس بالختله يخاف تسمع هيام
نجود:: وانتي راح تضلين ساكته!!
مشاعل:: ها اي اخاف يرجع يهجرني
نجود:: من يجي يمج خبليه اي شي يريده سوي ودلليه خليه ميشوف غيرج ليمته اضلين تتختلين وياه
مشاعل: انتي متعرفينها شلونها ابسط شي تسويلي فضيحه
نجود:: اي اذا انتي كسبتي ناطق يكوم يملج أكثر ومراح يصدك بيها
مشاعل:: اي هسه تعالي خلنطلع للبستان نروح انجيب حطب اريد اخبز
نجود:انتي اجيبين حطب
مشاعل:: لا جدتي ولج البستان هينا ورا البيت بس نطلع السياج نخش بهو
نجود:: يله امشي
طلعته صدك حيل قريب كامت تلم حطب واني اباوع ع البستان جنه مال الله كلشي بيه حتى جوز حجيت هذا البستان الكم
مشااعل: اي هيه هذا النه وبعد اكو ثنين هم لنه
نجود:: ماشاء الله تبارك الله كلشي بيه لعد ليش متاخذون للبيت
مشاعل: كلمن تاخذ وتخلي بغرفتها
نجود: يصير اخذ
مشاعل :: اي بس مو تخلين ام ناطق وناطق يحسون أو يشوفونج ميقبلون
نجود:: وليش هذا البستان ماشاء الله ماله نهايه يعني شيصير لو اخذنه للبيت وللجهال كل واحد شوي
مشاعل:: أخذي حبيبه محد يحجي بس ميقبلون لأن بعد الموسم محد حاش شوفي الأشجار بعدها على شكلها
نجود:: عجيب بس هسه احنه بشهر الدعش والبرتقال كامل ليش ميكطفونه
مشاعل:: لا هسه رخيص ينباع وبعد بشهر الواحد اله يحوشون يله أخذي الي تريدينه ووانطيني خلي اخليه بالحزمه
نجود:: اخذت كم برتقاله وطلعنه خلت الحزمه مال الحطب يم التنور طلعت البرتقال ونطتنياه
وهي شجرت اني أخذتهم وصعدت لغرفتي خليتهم يم الجربايه ونزلت اساعدها خطيه
بعدني ممكمله الدرج سمعت فراس يصيح ويحجي بعصبيه
رجعت صعدت وكعدت ع الدرج اسمع مااعرف ليش فضول يمكن أو اريد افهم هالاسرار الي بهل بيت شوكت تخلص
عزيزه:: ولك اعقل وحق ربك لو وطن يحس يوركك ومايبرد كلبو شوف شسوه بيك بس شك لو عندو دليل والله يورك مثل ماور اختو
فراس:: عزيزه اني هسه عبالج ممحترك والله من اشوفها وياه احس نار وتحرك بصدري وين أولي اذا ابقى هينا اموت والله عوفيني خلي انكلع اسافر شهرين وارجع مااتأخر
عزيزه:: لا فراس تعوفني واني بحاجتك والله بس تروح يموتونو لهشام لليوم رابطينو بالمخزن حالو حال البهيمه فد انت تكدرلهم ولو رحت يتولونو ويموتونو وانه وجهالي مالنه غيرو
فراس:: انت اكو عكل براسج يويل خاينج ومحبل اختج وجايه تتوسلين حتى يعفون عنوو
عزيزه:: والله يخوي نضيع بدونو محد يصد علينه وأنه عندي كومه جهال
فراس::لتخافين امج مراح تأذيه ولاتأذي دلال مجرد تربيهم يله يخوي بعدني عن طريجي خليني امش قبل لايردون
نجود؛: كمت عسريع نزلت ع شنو يحجون اوي خلحير بمصيبتي جذبت جذبه اكبر من راسي حامل شلون حامل يعني عمه بعيني هو مره وحده تقربلي ومصار سبوع اذا يسمع يعلكني من شعري ويخلي ياهو اليفوت من يمي يتفل عليه
صحتني من صفنتي مشاعل سائله صينية الخبز
عزااا خطيه نسيت زعمن اجي اساعدج والله نسيت
مشاعل:لا حبيبه انه متعلمه اخبز وحيدي بس ناوشيني ماي بعد اختج
نجود::لي جبتلها ماي شربت ورجعت تسوي غدا
حجيت انتي ليش متحجين ويه هيام تساعدج
كله عليج
مشاعل::ختولي انه متعلمه مايهمني الشغل اصلا من مااشتغل احس نفسي مريضه اتعافه بشغل
نجود:اكلج اني جذبت جذبه اكبر من راسي
مشاعل:'اي مال الحمل ادري جذبه
نجود::شسوي بله
مشاعل::عادي روحي على الدكتوره وكليلهم رحت وكالت عندج خربطه بالهرمونات
اصبر عادي
نجود:: ها ببس هو مصارله سبوع من نام وياي شلون اكله خاف يتفل عليه
مشاعل:: وعش تكليلوو كليلو عندي وجع بطني واريدن اروح اجيك وضعي
نجود:: اي زين من يجي احجي وياه
مشاعل :: يله ايدج وياي خلنفض الغدا صارت ب١٢
نجود:: كملنه كلشي وصبينه واجو الولد وديناه للصاله اكلو واحته كلمن اخذت غداها لغرفتها اني اكلت بالمطبخ عالسريع ولميت المواعين غسلتهن ورجعت غسلت ايدي ونشفتها وصعدت لغرفتي دخلت لكيت وطن مدد بفراشي ويكلب بتليفونه
حجيت
نجود:: اريد اروح للدكتورة
وطن:: عش شنو بيج
نجود:: شغله مال نسوان
وطن:: تهيري العصر اخذج
نجود::اي هزيت راسي ومددت بالكاع
صاحلي
وطن ':عش نمتي غاد كربي نامي يمي
نجود::وين انام ع هذا السرير هو انت كوه شايلك عوزنه نأخذه نوديه للمتحف الله هو وهل كنتور درت وجهي
حجه
وطن:: وصيت ع غرفة نوم بس كالو الاحد تجيبوها
نجود:'اي عود بالاحد انام يمك
عفته ونمت كعدت ع صوته وهو يكلي كومي راح الوكت متريدين ترحين للدكتوره
نجود:: كعدت كمت غسلت وجهي وىجعت بدلت وطلعت وياه
وطن:: فراس سافر تدرين
نجود:: الله يرجعه بسلامه اني شعلي!؟
وطن:: ها بس اكول
نجود::، انت كل عقلك تفكر انو اني عندي شي ويه اخووك؟؟
ترا أنته مجرد
زوجي ع الورق صح تقربت عليه بس جنت غبيه وخليتك بس منا وهيج تحلم تمسني وتحلم اشووفني وارجع رجعنيي للبيت اريد الم أغراضي وارجع لبيت اهلي غصباً عليهم يتحملوووني وووكف السياره
وطن؛ نجود مااكلت عندج شي مجرد سألتج عش تكبرين السالفه ؟؟ ومال اعوفج ترحين هاي كطنه وطلعيها من اذنج
نجود:: ليش ها ليش انت شايف حالك وحق الله انهزم بليله ضلمه وخلص من هالعذاب شو لانت الرايدني ولاانت العايفني ترا تعبت مزاجي متقلب المزاج اني مو لعبه عندك كتلي اخذج احميج منهم وهسه اني مااريد الحمايه خلص اعتقني لخاطر الله
وكف السياره بنص الطريق وكز أسنانه
وطن:: نجوووود لتجربين حضج وياي ترا الخاطر طايب من تصرفاتج الرعنه كل كلمه وكاتب اعتقني طلكني وحك الخضر يانجود احركج وما اطلكج وإذا عدتيها مره ثانيه اورج ومايرفلي جفن سمعتتي
نجود:: اي تصرفات مثلا اني اشك بيك واخذك لمكان مهجور واني الي عايفه مسؤليتك واني الي العالم توصلك موو انت دكيتلي صدر وكتلي اتكفلج لحد ما تخلصين جامعه وهسه متعرف اراضيي وين لو ما فراس اني جان مداومت هو تكفل يوصلني ويرجعني وانت شسويت رحت شكيت بيه وبااخوك معناها انت ماعندك ثقه لأبيه ولا ابخوك ولابنفسك
وطن:: كااافي كافي لخاطر الله هسه الرايدتوو شنوو
نجود:: اطلكني
وطن:: والج الرايتوو
نجود:: اي يله طلكني
وطن:: لحد ماتخلصين جامعه بعد ماادخل بيج وراح اشتريلج سياره ترحين بيها
وخلص غرفتج بعد ماادخلها
نجود:: اي خلص هاهيه رجعني للبيت
وطن:: لا روحي للدكتوره ونرجع
نجود:: محجيت شي شغل السياره وطلع وصلني نزلت
وطن:: ساعه وارجع
نجود:: هزيت راسي
وطن:: هاج هذا مصرف
نجود:: شكرا مااحتاج راح اروح اسحب فلوس من اي مكتب
وطن:: هاج نجوود لتخبليني
نجود: أخذتهم ورحت اخذت باص وكعدت انتظر
صاحت اسمي ودخلت
الدكتوره: ها ماما شنو تعانين
نجود:: مااعرف بس اريد تحاليل كامله
كتبتلي وطلعت سويت تحاليل كامله نص ساعه ورجعت عليها
كالت
الدكتوره:: ماما  تحاليلج نضيفه وكلشي مابيج انتي شنو مزوجه رايده طفل
نجود::لا مزوجه بس مااريد طفل بس اريد اعرف خاف بيه شي
الدكتوره::اصعدي خلي اجيكج بسونار
نجود :: لا محاجه بس اكتبيلي شي مال صداع وهاهيه
الدكتوره:: براحتج
نجود: طلعت اخذت العلاج ورجعت كعدت انتظره يجي
نص ساعه واجه اشرلي وكمت رجعنه للبيت ساكتين
وصلنه نزلل واني امشي ورا دخلت لكيت
كلهم كاعدين
سلمنه عليهم
حجه ابو ناطق :: ها يبه بشري
نجود:. دنكت راسي
عزاا شكد عيب شراح يكول عليه مجذبه ع اهلي
حجه ابو ناطق مره ثانيه
أبو ناطق: ها يبه عش ساكته
نجود:: لا عمو طلعت غلطانه خربطه بالهرمونات
أبو ناطق::, يله يبه لا تنقهرين بعدكم بوالها كدامكم العمر كلو
وطن:: ليش هو شكو
نجود:: ها شسمه موجنت شاكه بنفسي حامل وطلعت غلطانه
وطن ؛: ها شنو
نجود ؛: يله اني اترخص
كمت واسمع ام ناطق تحجي موكتلكم جذابه محد صدكني نسوان اجانب يجذبن علينه
وطن:: كاافي لخاطر ربج انتي متملين بس كليلي
أبو ناطق:: جب لابارك الله بيك تصيح ع حرمتي الي ربتك وبحسبت امك كدامي
ام ناطق::عوفو عوفو حجي غيرتو علينه
نجود ؛: صعدت لغرفتي وقفلت الباب كعدت اباوع مااكدر ابقى هنا ومااكدر اروح وين اروح ومنو يلفيني وإذا ابقى هنا اشبع اهاين عصرتني بطني من الجوع كمت طلعت البرتقال اريد اكشر وحده ماكو سجين نزلت اجيب واجيب ماي وياي
سمعت صوت غريب بالصاله
اخذها يمك خاله اني تعبت الليل كله تهلوس بيك موكافي انت جنت سبب موت زوجها وابنها...
لا أنساها، الليلة التي كبرتُ فيها عمرًا فوق عُمري ونضجت فيها من شدّة ما كان آذاها عميقاً .
يتبع... لاتنسون التصويت والتعليق احبكم 🤗🤍