السلام عليكم ورحمه الله
كل عام وانتم بخير
اسفه على التأخير بس تعرفون عيد وخطار وسفر
اوعدكم اعوضكم وانشاء الله بعد مااتأخر 🧡🧡
اشكر الي دخلي خاص واشكر الي تجاوز واشكر الي قدر ضروفي ربي يحفظكم 💕🥰
البارت السابع والعشرون 🌟🌟⭐
#بخطواتي_تعثرت⭐⭐🌟
#بقلم_دينا_ال_سلمان
كل شيء مؤقت...
الحب مؤقت، الصداقة مؤقتة، الاهتمام مؤقت، الحنية مؤقتة حتى الحياة مؤقتة...
فـ بأيّ حق نبحث عن انسان دائم؟ عن اهتمام دائم ، عن حنان وأمان وسلام دائم!
تعلم أن لا تتعلق كثيرا بأشيائك المفضلة لا بأس
أن تحبها لكن احرص على أن لا تتعود عليه
فالتعلق أشد ألمًـا من الحب.
نجود ؛': لا اني اريد اخلص جامعتي وراها اسافر اهج من العراق سمعت صوت الباب يندك قوي وصياح وصوت وطن
اني خرطت العافيه وكمت لزمت ايد ميعاد
ميلاد ؛:هذا وطن شدراه انتي عدنه مودكولين محد يعرف
ميعاد:: كومي كومي موكت هالحجي كومي ندخل جوا وهو وميلاد يتفاهمون
نجود؛: يحجون واني مركزه ع الصوت البرا شنو راح يسوي بيه اذا لكاني هنا كاعده وفوكاها يم ناس غرب وعدهم ولد شاب
جرتني حيل ميعاد دخلتني للبيت كالت اروح اكعد امي راحت واني لميت روحي وكعدت مااريد ارجع واخاف ابقى ويحرمني من جامعتي اني تاليتي وين!!
اهلي عافوني بيد الغرب والغرب متوليني اهاين وغلط وشغل واني لازم اسكت لميت روحي حيل وارجف مااعرف منين اجتني الرجفه حتى اسناني يطكن مو خوف بس مااعرف حسيت روحي تمرضت بهل ثانيتين
هن دقايق ودخل وطن وياه خالد وثنين مااعرفهم
وطن:' نجووود شبيج نجود اصحي
نجود:: على صياحه دخلن للصاله ام ميعاد وميعاد
ركضلي جرتني خاله حيل بس جنت مااعرف شنو بيه جسمي كله يبس واسناني يطكن فاتحه عيوني بس مااشوف بعيوني بس غواش تقرب عليه وطن وبعد مااعرف شصار
وطن ؛: نجوود باعي نجوود نجوووود شبيج بس حاجيني ابقي هنا والله مااعليه بيج
صاح خالد بيه
خالد:: يويل ماتتتت مشوفها راح تصكط شيلها خلناخذها للمستشفى
ميعاد ': يبووو ولج نجوود تحجي احجي شبيج يوووم راح تمووت يمه تعالي شوفي
ام ميعاد ': شيلها يمه شيلها خلي نلحك عليها
ميعاد:: شالها وطلع يركض وميلاد وخالد والولد ورا واني طلعت بتراكي وراهم اركض صعدت وي وطن خالد السايق وطن خالها ع رجلينه واني افرك بيدها بس عبالك عصا
انتفضت حيل وسدت أيدها حيل
صاح وطن
وطن::: ولك استعجللللل راح تمووت يبس جسمها
ميعاد:: يااا يااا حتى شفايفها صارن سوود يمه نجووود اكعدي الله لايوفقكم كله بسببك جانت شحلاتها وكاعدين بالحديقة اجيت وخبلتها الله ياخذك تخلص من زباله وتوكع باازبل منها
وطن:: والله بس خلي تصحى اطلكها والله اذا متريدني اعوفها براحتها والله انه عالمودها اريدها تخلص جامعه واعوفها براحتها انه حبيتها أكثر من نفسي والله
ميعاد:: يمسح بدموعه ويرجعن ينزلن
وصلنه نزل شالها وطلع يركض تلكونه اخذوها وراحوو وهو يركض وراهم لحد مادخلوها بغرفة الطوارئ نص ساعه واحنه كاعدين اني وخالد و وطن ماكعد يروح ويرجع بالممر واني حاضني ميلاد ويمسح براسي لحد ماطلع الدكتور
وطن؛:,ها دكتور بشر شبيها ليش هيج
صار وياها
الدكتور::هدي هدي بابا مابيها شي بداية صرع اعتقد
وطن:: شنو تعتقد يعني انت دكتور لوشنووو !!؟
الدكتور:: ماراح ارد عليك بس احنه ماسوينالها لا فحوصات ولا اي شي ولازم تروح ع دكتور اخصائي وكتلك اعتقد لأن صار عدها تشنجات عضلية وهذا يدل انو عدها صرع واحتمال ممكن تكون الاختلاجات العصبية في الجسم عرض منفرد غير مزمن لأحد الأسباب الطبية، أو كردة فعل نتيجة التعرض لصدمة أو إصابة الرأس، أو غيرها
وقد يكون سبب اختلاجات الجسم والتشنج غير معروف.
يعني مواكيد صرع
وطن:: اكدر اشوفها بس هي مو اول مره قبل فتره هم كلبها كام يوجعها
الدكتور:: اني انصحك تاخذها لدكتور اخصائي لو لمستشفى اهلي
ميعاد:: عافنه وراح صاح وطن
وطن ،::زين اكدر اشوفها
الدكتور:: نطيناها مهدي ساعتين اله تصحى
ميلاد:: يله كومي نرجع للبيت والصبح نجي
ميعاد:: لا مااروح اذا متصحى
ميلاد:: شوفي انتي شلابسه
ميعاد:: لابسه تراك بيتي دموعي نزلن وحجيت بس اني مااروح اذا متكعد راح تزعل مني وعبالها مااجينه وياها وتزاعلني
تقرب خالد نزع الشماغ وكال
خالد:: هاك خويه خلي تخليه ع راسها وخلها جاعده هينا
اخذته من ميلاد وفتحته وخليته ع راسي
مرن ساعتين ونص وصحت دخلن الممرضات وطلعن كالن تكدرون تدخلون بس على كيفكم وياها
وطن:: انه انه ادخل اشوفها واعتذر منها
ميعاد:: لا من اشوفك تنتكس حالتها لا اني ادخل
ميلاد:: ميعاااد سكتي خلي يدخل على حرمتوو
وطن:: والله مااضوجها
نجود::صحيت لكيت روحي نايمه بالمستشفى راسي مصدع وعيوني وجسمي كله يوجعني عدلت كعدتي ودخلن ممرضات حجت وحده وياي
ها ماما شلون صرتي شتحسين
نجود:: الحمدلله اني وين ومنو جابني
:: بالمستشفى مابيج شي ماما ضغطج جان صاعد وهيه صرتي زينه
نجود:: خللي مغذي ثاني وطلعن
وره شويه فتح الباب ودخل وطن
وطن:: ها نجود خوفتيني عليج شلون صرتي
نجود:: زينه
وطن:: ليش هيج سويتي
نجود:: ماسويت شي
وطن :: لاا سويتي
نجود:: اريد اخلص منك اني ماعندي احد الأهل ولا اي احد مااريدك انت هم كلما احتاجك ماالكااك
وطن:: ليش ماكتيلي الي ابالج وليش ماكتيلي مااريدك ليش تنزلين راسي كدام اهليييي
انه جنت موجود يمج انه أكثر المرات جنت اسأل مشاعل واخليها تسويلج كل الي بنفسج متعرفين ؟؟!
بشنو احس وانتي نافرتني متعرفين بشنو احس وانتي تشااقين ويه الكل وانه لاا تضحكين للكل واني لاا كارهتني حقج بس انه ماسويتلج شي استحق عليه الكره اني خاطرت بروحي واخذتج من اهلج اني جنت ايام واكف كبال بابكم وكبال باب الجامعه حتى لا يأذيج سيف أنه جبيتج من كلب ولسان وعقل وانتي بالمقابل انطيتيني الكره هههه
والج الي رايدتو انتي طالق
نجود::فتحت عيوني بصدمه رجع وكف واندارلي وحجه
وطن:: أنه راح اسافر وراح ابعد عنج ومراح اخليج اشوفني مره ثانيه ولااشوفج بس ها أخذي بالج خاف انتي متخيله راح أضعف وارجع أتوسل بيج لا ابد مصرفج مال الجامعه يجي ليمج تريدين تكعدين بيت ميعاد لوبيتنا لوبيت امي نادين بقت يمج
نجود :: مااريد منك كلشي سمعت
سمعت بس عوووفني خلصني منك
وطن:: لا انه وعدتج اوصلج واخليج تتخرجين وراها تولين بس هسه لا أنه الي راح اوولي والاتفاق يبقى بيناتنه لأن انه دكيت صدر كدام الازلام ومااريد اطلع موكد كلمتي
وماراح اسامج ابد نجوود:: اني الي مراححح اساامحك الله ياخذك
عافني وطلع واني نهاريت دخلت ميعاد تركض حضنتني واني كمت ابجي بصوت عالي شلعت المغذي والدم فاض
ميعاد :اهدئي نجود اسمعي راح يجون يضربونج ابره اذا سمعوج اهدئي
نجود:: طلكنييي الحقير عافني مثلهم كسرني كسر كلبي حبيته وتعلقت بيه وهسه كسرني شوفي عافني وراح يسافر يريد يروح وفوكاها هو الي يكلي مااسامحج لا والله اني مراح اسامحه
ميعاد::الدم فاض وعياطها شال المستشفى دخلو الدكتور وممرضتين لزموها ونطوها مهدء شويه ونامت خلولها المغذي كعدت يمها ولزمت ايدها خطيه ماارتاحت من ماتت امها لليوم هي المصايب وراها دخل وطن
وطن: نامت
ميعاد::اي بس انت ليش طلكتها حرام عليك غير تتشافى
وطن:: هي مو نهزمت وعافتني مودكولين متريدك مو اكثر من مره طلبت مني الطلاك ليش هسه زعلت
ميعاد:: تقرب عليها ودنك باسها من راسها واخذ نفس من ركبتها حيل شال أيدها باسها مسح على رأسها
وباوعلي
وطن:: ديري بالج عليها انه اعرف مراح تقبل تاخذ مني مصرف احولج وانتي انطيها واي شي تحتاج كليلي
ميعاد:: هزيت راسي ودموعي يجرن انطاني رقمه
تقرب رجع باسها وطلع
دخل ميلاد
ميلاد::ها شلون صارت
ميعاد: طلكها الحقير
ميلاد::ترا انتن طلبتن منه هم هي وهم انتي لتخلنها برأسه
ميعاد:: هو يحبها وهي تحبه بس مااعرف شنو تفكيرهم
ميلاد::الله يريح كلوبهم
اندك الباب ودخلو فراس وخالد
فراس:'ها السلام عليكم
الكل :: وعليكم السلام
ميعاد:: تقرب عليها وخر شعرها من وجها وحجه
فراس::شكو شصار ليش هيج حالها
ميعاد:: اخوك اجانه للبيت مداهمه وهي انهبطت وهسه كملها وطلكها
ميلاد:: ميعاد كاافي هم عائلته يحلون مشاكلهم انتي لتدخلين بشي ميخصج
ميعاد: لا نجود اختي وتخصني سمعت انت وهمه هم خلي يسمعوون
جرني ميلاد على صفحه
ميلاد::خلي نرجع للبيت واني اعلمج
ميعاد::اباوع على فراس يبعد شعرها عن وجهها ويدكدك بوجها
فراس:: شكد النسبه نطوها مهدء
ميعاد::روح اسأل الدكتور احنه شكو
فراس:: أخذي راحتج احنه يمها اخذ اختك وروح منا
ميلاد:: احترم حالك شنو احنه جايين بيتك
فراس ::الحرمه حرمة اخوي وانه هينا ضال يمها اخذو راحتكم
ميعاد:: جانت هساع طلكها اخوك واطلع يله منا
على صياحنه دخل الدكتور
الدكتور::انتم متستحون مدكولون ناس مريضه فوك راسها تتعاركون يله اطلعو منا وممنوع أحد يدخلل
ميعاد:: دكتور اني ابقى يمها حباب والله مااحجي بعد كلشي
الدكتور:: اخر مره اكول اطلعو وإذا مطلعتو أخبر الأمن
ميعاد::عافنه وطلع وطلعنه وراه كعدت بالممر وفراس كاعد لازم راسه ويباوع بالممر وخالد واكف وميلاد كاعد يمي لازم ايدي
صار الصبح واحنه على
كعدتنه دخل الدكتور وطلع كال تكدرون تاخذوها وتطلعون بس كون تروح تراجع يم دكتور اخصائي
سوو اوراق الخروج
واني رحت يمها ساكته حيل وجها اصفر
ميعاد::ترحين ويانه مو
نجود::لا مااروح اروح ويه فراس لبيتنه
ميعاد::كل عقلج موطلكج
نجود::بس مره وحده واني مااريد اتركه اذا ما اتخرج
ميعاد:: براحتج
نجود:: سندتني وكمت رحت وياها تلكونه فراس وخالد وميلاد
ميلاد:: الحمدلله على السلامه سندريلا
نجود:: ياسندريلا باقيه بس الحذاء
ميلاد:: هههه والله صدك
فراس::يله نجود عوفي الحجي امشي كملت كلشي
ميلاد:: ترحين ويانه نجود
نجود::لاخويه تعيش اروح لبيت زوجي
ميلاد:: ها اي براحتج الله يريح بالج.
نجود::طلعنه صعدت بسيارة فراس وميلاد وميعاد بسيارتهم راحو لبيتهم ميعاد ضاجت لان مارحت وياها هي حقها تخاف عليه بس اني كلبي هنا مااكدر بدون وطن تعلمت عليه طلعت من صفنتي ع صوت فراس
فراس:: وين صافنه بس لا مفكره تنحرين وطن
نجود::لا بس مشاعل شبيها شطلع
فراس::حبله الحمدلله مابيها شي لاهي ولا الجاهل
نجود،:: الحمدلله عبالي بيها شي وتخبلت
فراس::هسه هيه اسولفلج سوالف حريم
نجود::سكت وسندت راسي على الجامه
خالد ::أكف هينا انه اروح لشغلي انت وصلها وتعال
فراس:: تمام
نجود:: نزل وفراس شغل حجه
فراس::تعالي صعدي هينا خما سائق ابيج انه
نجود:: غمضت عيوني بتعب ومحجيت
فراس::شبيج نجود خما تحسين بشي
نجود::كلشي مابيه بس وصلني لفراشي
فراس::ماضل شي ونوصل
نجود:: اباوع ع الشارع والخضار رجعت غمضت وصلنه وكف السياره واني نزلت
فراس: اوصلج لغرفتج
نجود::لا خويه مشكور روح لشغلك
تعمدت اكله خويه لأن شفت نضراته مو طبيعيه بلكي يحس دخلت للبيت جانت ام ناطق كاعده ولافه راسها بعلك أخضر
ماحجيت كلشي وهي بس تباوعلي فتحت الباب على مشاعل لكيتها نايمه
VOUS LISEZ
بخطواتي تعثرت
ChickLitها أنا الآن اصنع حياتي بنفسي واستمتع بمحاربة تذكرين ياامي ذاك الزمان يوم كان يجمعنا الحنان؟ تذكرين ذاك الوله و إحساسنا في أوله؟ الله يا ذاك الزمان الله ياامي ''''' كل ما رجعنا إلى الماضي كان الزمان أحلى كان الحنان أغلى امي لقد اخذني منك القدر وان...
